SKANDALI/ Mjeku “mban peng” pacientin. 200 mijë lekë që të firmosë fletëdaljen nga spitali

Spiro Pasha

200 mijë lekë për të firmosur fletëdaljen. Kjo është shuma që i ka kërkuar një mjek kirurg në spitalin rajonal të Gjirokastrës babait të një fëmije, të cilin e kishte operuar.

Prindi i fëmijës u ankua në Fiks Fare për veprimet e mjekut kirurg të Gjirokastrës

Spiro Pasha nga Tepelena, babai i fëmijës, tregon se gjate verës operoi fëmijën e tij në spitalin rajonal të Gjirokastrës.

Operacionin e kreu mjeku Arben Kuro.

Prindi i fëmijës së operuar tregon se mjeku Kuro nuk i firmoste fletëdaljen e djalit nga spitali edhe pse kishin kaluar pesë ditë nga operacioni, pa marrë pagesën që i kishte kërkuar.

Sipas Pashës, shuma që kërkonte mjeku Kuro ishte 20 000 lekë (të reja)

Duke mos pasur mundesi te siguronte shumën që kërkonte mjeku, Pasha iu drejtua emisionit Fiks Fare, ku denoncoi veprimet e mjekut.

“Me operoi çunin ne fund me kerkoi 200 000 leke te vjetra. I solla nje kec dhoro per veten e tij.

Ne fund qe do dilte djali, diten e premte, se u operua te henen djali, si nuk e nxirrte nga spitali se me kerkoi 200 000 leke”, shprehet ai.

Sipas prindit, mjeku paratë i ka kërkuar përpara se të hynte në sallën e operacionit, por ai nuk kishte që t’ia jepte.

Sipas qytetarit, mjeku ia kishte kërkuar këtë shumë parash duke u justifikuar se me atë shumë do të paguhej anestezisti, vetë mjeku dhe disa kolege të tjerë që morën pjesë në operacion

Pas këtyre bisedave babai i djalit të operuar ka telefonuar mjekun. Gjatë bisedës telefonike mjeku i tregon se e kishte përfunduar turnin dhe ndodhej në shtëpi.Ai e orienton qytetarin që lekët t’ia jepjte infermieres së turnit

Ndërkohë infermierja e turnit pasi flet në telefon me mjekun Arben Kuro, i cili I kërkon që të marrë porosinë nga babai i pacientit, tregon se ajo nuk di gjë për sasinë e lekëve që duhet të marrë .

Babai i pacientit i telefonon përsëri mjekut dhe i kërkon t’i thotë sesa lekë duhet t’i japë infermieres, duke patur parasysh që i kishte dhënë më parë një kec. Mjeku refuzon që të vazhdojë më pas këtë bisedë në telefon, duke i thënë qytetarit që nuk bëhen këto biseda në telefon

Qytetari rikthehet sërish në spitalin e Gjirokastrës tre ditë pas kësaj telefonate

Takon mjekun në zyrën e tij, ku i bën edhe vizitën e radhës fëmijës së operuar. Pasi qytetari i tregon shumën e parave që ka marrë me vete, sipas bisedës që kishin bërë. Mjeku i thotë që t’i japë aq para sa ai dëshiron.

Qytetari i tregon se janë 15 000 lekë të reja. Mjeku pranon duke i thënë “’Fiks, në rregull je”.

Dita e pare, babai i pacientit telefonon mjekun kirurg Arben Kuro

I ati i pacientit- (Në telefon)  O Beni si e kalove vëlla? Spiro jam, mora makinën e një shoku se ngela rrugëve. Ku do të takohemi do vishë këtu tek zyra?

Mjeku – Kam ikur që aty

I ati i pacientit-Po ku do të takohemi vëlla?

Mjeku – Tani ika në shtëpi, si do të takohesh.

I ati i pacientit- – Si do ashtu, kujt do ashtu

Mjeku – Lëja infermieres …

I ati i pacientit– …?

Mjeku – Ika aty ma jep në telefon.

I ati i pacientit– Kushë është …?

Infermjerja – Unë jam.

I ati i pacientit– Ja është këtu kjo zonja.

Infermjerja – Më kë je, kush po flet?

I ati i pacientit– Hë mo se të kërkojnë tyja, Bebni mo Beni

Infermjerja – Doktorri?

I ati i pacientit – Po doktorri po kush.

Infermjerja – Ë, dokorr Beni (teksa flet në telefon me të) A po mirë. Do të lë një porosi të ta mbaj unë aty.

I ati i pacientit- Sa të tha Beni ty, thë tha gjë Beni sa ashtu?

Infermjerja – Mua nuk më tha, mua më tha do të lëjë një pororsi, se kam iden. Përse e ka fjalën?

I ati i pacientit– Lekë

Infermjerja – Nuk di gjë.

I ati i pacientit– Sa

Infermjerja – Nuk di gjë, nuk di gjë fare. Të kishë biseduar që në mëngjes pse i lë këto punë kështu.

————— babai i pacientiit i telefonon sërisht mjekut ———————-

I ati i pacientit– O Beni, Spiro jam sa ti lëj kësaj infermjerës?

Mjeku – E ça ba këto muhabet në telefon, ç janë këto muhabete tani.

Babai i pacientit rikthehet ne spitalin rajonal te Gjirokatres tre dite me pas

Takimi ne zyren e mjekut Arben Kuro

I ati i pacientit– Ja ja shikoja pak. ( plagën e operacionit)

Mjeku – Hajde

I ati i pacientit – Shko vëlla atje

Mjeku – ( Pasi i shikon plagën fëmijës ) Laje

I ati i pacientit – Në rregull, ë në rregull?

Mjeku – Në rregull fare.

I ati i pacientit – Sa don anarkoza a si? Sa të ashu

Mjeku – Ë…

I ati i pacientit – O Beni sa do të detyrohem?

Mjeku – ( Pasi shikon tre 5000 leshet, të reja). Po ikë mos e vra mëndjen jep sa të duash, po hë.

I ati i pacientit – Nuk i di unë ato

Mjeku – Harroji ato muhabete.

I ati i pacientit – 150 000 (lekë të vjetra) janë.

Mjeku – Fiks në rregull je.

FOTO REPORTAZH/ Pamjet tronditëse, ja si jetojnë azilantët shqiptarë në Gjermani

11:16 Sociale

FOTO/ Dhjetëra makina gjobiten nga Policia Bashkiake për ndotje të rrugëve

17:17 Sociale

Refugjatët sirianë, qeveria gati planin por mohon negociatat për strehim

16:51 Sociale

Qeveria: S'kemi marrë asnjë kërkesë për të pritur refugjatë sirianë

20:54 Sociale

VIDEO/ Rilidh energjinë dhe dorëzohet në polici: Më arrestoni ose më gjeni punë

18:49 Sociale

Tirana pa makina, Veliaj i bashkohet fëmijëve në pedalimin me biçikleta

12:58 Sociale

Avokati i Popullit: Mbështesim dhe vlerësojmë aktivitetin e OSBE-së

11:56 Sociale

Pacientët paguajnë kostot e reformës në tregun e ilaçeve

21:13 Sociale

FOTO LAJM/ Shihni ku flenë pacientët në Spitalin e Traumës

13:36 Sociale

Lufta kundër informalitetit, Klosi takim me ISSH: Zbardhni çdo vend pune në zezë

12:22 Sociale