Avokati i Popullit, rekomandim Klosit: Të garantohen të drejtat e të moshuarve dhe nevojat e tyre jetësore

Institucioni i Avokatit të Popullit i ka nisur një rekomandim Ministrit të Mirëqënies Sociale dhe Rinisë  Blendi Klosit për miratimin e projektligjit “Për përmirësimin e cilësisë së jetesës dhe plotësimit të nevojave për moshën e tretë”.
Ky është një rekomandim i përsëritur në vite për këtë ministri, nga ana e Avokatit të Popullit, por shprehim shqetësimin se ende nuk është bërë asgjë konkrete, pas rekomandimeve për moshën e tretë.
Avokati i Popullit me këtë rekomandim ka për qëllim që të moshuarit të kenë të drejtat e tyre, në përmbushje të objektivave socialë dhe ekonomikë, realizimi i të cilave është i lidhur ngushtësisht me detyrimin e shtetit për të bërë të mundur garantimin dhe sigurimin e mjeteve të përshtatshme për nevojat jetësore.
Duke i parë problemet e kësaj moshe me objektivitet, duhet pranuar dhe kuptuar fakti se situata e të moshuarve në Shqipëri nuk është e mirë. Ata përbëjnë një ndër grupimet më të mëdha numerike të shtresave dhe grupeve në nevojë. Mungesa e sigurimit të një minimumi të ardhurash, mund t’i çojë të moshuarit dhe familjet e tyre në varfëri. Ata ndeshen shpesh me barriera shoqërore që ndikojnë në jetët e tyre. Kushtetuta e Republikës së Shqipërisë në nenin 59, pika 1/ “e”, ka përcaktuar si objektiva sociale të shtetit, edhe përkujdesjen dhe ndihmën për të moshuarit, jetimët dhe invalidët.
Në shkresën drejtuar Ministrit Klosi thuhet gjithashtu se:
Pranë institucionit të Avokatit të Popullit, Shoqata për Integrim e Pensionistëve të Shqipërisë, ka paraqitur ankesë për mosmiratimin e statusit të moshës së tretë. Ju vemë në dijeni se për këtë çështje, institucioni ynë, më herët ka kryer një korrespondencë me ish-Ministrinë e Çështjeve Sociale dhe Shanseve të Barabarta dhe Ministrinë e Mirëqenies Sociale dhe Rinisë. Konkretisht:
-Me shkresën nr.374/1 datë 25.02.2013, nga ana e ish-MPÇSSHB-së, na është kthyer përgjigje, ku ndër të tjera na konfirmohej fakti se në bashkëpunim me ministritë e linjës dhe grupet e interesit, po punohej për hartimin e projekt-ligjit “Për kujdesin e personave të moshës së tretë”, i cili ishte parashikuar të miratohej brenda vitit 2013.
-Me shkresën nr. 2653/1 datë 20.12.2013, Ministria e Mirëqënies Sociale dhe Rinisë na informon se në programin e përgjithshëm analitik të projekt-akteve për vitin 2013, është parashikuar miratimi i projekt-ligjit për moshimin “Përmirësimi i cilësisë së jetesës dhe plotësimi i nevojave për moshën e tretë”, ku me Urdhër të Ministrit është ngritur grupi i punës ndërministror për hartimin e këtij projektligji. Është përgatitur projektligji dhe relacioni përkatës. Kostoja financiare është e lartë dhe po rishqyrtohet edhe njëherë me Këshillin e Ministrave dhe Ministrinë e Financave për miratimin e këtij projektligji për vitin në vazhdimësi.
-Me shkresën nr.3726/1 datë 24.07.2014, na është kthyer përgjigje se Ministria e Mirëqënies Sociale dhe Rinisë ka ndërmarrë edhe realizimin e reformës së pensioneve në Republikën e Shqipërisë, ku një ndër masat kryesore që synon realizimin e kësaj refome është pensioni social, masë e cila është parashikuar edhe në projektligjin e sipërcituar. Në kushtet që të dyja reformat kërkojnë një harmonizim të projekt-akteve ligjore të parashikuara në VKM nr.20 datë 22.01.2014 “Programi i përgjithshën analitik i projekt-akteve për vitin 2014”, është kërkuar rivlerësimi i projektligjit “Përmirësimi i cilësisë së jetesës dhe plotësimi i nevojave për moshën e tretë” si dhe është propozuar që ky projektligj të parashikohet në programin e përgjithshëm analitik të projekt-akteve për vitin 2015.
Në përputhje me nenin 22 të ligjit nr.8454 datë 04.02.1999 “Për Avokatin e Popullit”, i ndryshuar, thuhet shprehimisht se: “Organet, të cilave Avokati i Popullit u ka drejtuar një rekomandim, duhet të shqyrtojnë rekomandimin dhe të kthejnë përgjigje brenda 30 ditësh nga data e dërgimit”.

Edi Rama shkon në takim më këmbë, por jo të gjithë janë të kënaqur nga dita pa makina

11:05 Sociale

SKANDALI/ Mjeku “mban peng” pacientin. 200 mijë lekë që të firmosë fletëdaljen nga spitali

21:11 Sociale

FOTO REPORTAZH/ Pamjet tronditëse, ja si jetojnë azilantët shqiptarë në Gjermani

11:16 Sociale

FOTO/ Dhjetëra makina gjobiten nga Policia Bashkiake për ndotje të rrugëve

17:17 Sociale

Refugjatët sirianë, qeveria gati planin por mohon negociatat për strehim

16:51 Sociale

Qeveria: S'kemi marrë asnjë kërkesë për të pritur refugjatë sirianë

20:54 Sociale

VIDEO/ Rilidh energjinë dhe dorëzohet në polici: Më arrestoni ose më gjeni punë

18:49 Sociale

Tirana pa makina, Veliaj i bashkohet fëmijëve në pedalimin me biçikleta

12:58 Sociale

Avokati i Popullit: Mbështesim dhe vlerësojmë aktivitetin e OSBE-së

11:56 Sociale

Pacientët paguajnë kostot e reformës në tregun e ilaçeve

21:13 Sociale