KFOR: Në Ballkan po rekrutohen "luftëtarët e huaj"

KFOR-i vlerëson se terrorizmi dhe fondamentalizmi fetar janë çështje komplekse e globale, kurse të ashtuquajturit “luftëtarët e huaj” prekin çdo vend evropian në nivele të ndryshme
“Organizatat terroriste zakonisht rekrutojnë ndjekësit e tyre në vende ku ka kushte të veçanta sociale dhe ekonomike, të tilla si: varfëria, margjinalizimi dhe mungesa për një të ardhme me perspektivë”. Ky është qëndrimi analitik që KFOR dha për KosovaPress, në pyetjen se a është Kosova duke u rrezikuar nga grupet terroriste, të ashtuquajtura “islamike”.

Zyra për media e forcave ushtarake të NATO-s, KFOR, në Prishtinë, thotë se rajoni i Ballkanit vuan nga çështje të tilla socio-ekonomike dhe thuhet të jetë një nga fushat ku luftëtarët e huaj janë duke u rekrutuar në mënyrë aktive.

“Megjithatë, ne duam të theksojmë se institucionet në Kosovë janë të përkushtuara për të luftuar këtë fenomen, dhe në vitin që shkoi (ato: institucionet) kanë marrë masa për të parandaluar dhe për të luftuar terrorizmin”, thuhet në përgjigen e KFOR-it.

KFOR sqaron se terrorizmi është një fenomen shumë kompleks dhe “nuk ka asnjë vend që mund të përcaktojë veten krejtësisht të imunizuar ndaj tij (terrorizmit). Institucionet në Kosovë e kanë marrë këtë fenomen seriozisht, në fakt kuvendi miratoi një ligj të rëndësishëm për të ndëshkuar ata njerëz që vendosin të marrin pjesë në luftëra në vende të huaja dhe Policia e Kosovës kryen operacione për të parandaluar atë.”

Megjithatë, KFOR do të vazhdojë të jetë në Kosovë për aq sa e kërkon situata e sigurisë, e cila sipas tyre është rritur në vazhdimësi, duke u bërë gjithnjë e më e sigurt. Ky trend pozitiv i situatës së sigurisë veçanërisht shquhet në pjesën veriore të vendit.

“KFOR-i është duke ndihmuar në arritjen e një mjedis të qëndrueshëm, multietnik dhe paqësor në Kosovë. Pa asnjë dyshim, niveli i sigurisë në tërë Kosovën, i perceptuar nga popullata vendore, është rritur ndjeshëm. KFOR-i po luan një rol të rëndësishëm në favor të të gjithë njerëzve në Kosovë dhe do të vazhdojë të garantojë një mjedis të sigurt dhe të qetë për të përmirësuar procesin e stabilizimit”, përgjigjet zyra për media e KFOR në Prishtinë.

Sipas tyre, qëndrimi i KFOR-it në Kosovë është në përputhje me situatën e sigurisë në terren, duke mbetur fuqimisht i përkushtuar për të ruajtur një mjedis të qetë dhe të sigurt dhe për të ruajtur lirinë e lëvizjes në të gjithë vendin.

“Ne jemi vazhdimisht duke vlerësuar zhvillimin e situatës së sigurisë në Kosovë dhe çdo përshtatje e mundshme në të ardhmen do të bazohet në këtë vlerësim. Rregullimi i pozicionit të forcës nuk do të thotë se KFOR-i do të jetë më pak vigjilent. Prania e KFOR-it është shumë e rëndësishme për stabilitetin e rajonit”, tha KFOR-i.

Sa i përket mundësisë për zvogëlimin e numrit të ushtarëve të KFOR-it në Kosovë, KFOR-i deklaron se ‘nuk është paraparë ndonjë zvogëlim në numrin/pozicionin e ushtarëve të KFOR-it”.

Daçiç: Kosova dhe ISIS-i janë njësoj

17:03 Rajoni

Hashim Thaçi ia merr një sy gjumë në avion

18:28 Rajoni

Thirrja e Edi Ramës në OKB që Serbia ta njohë Kosovën irriton Beogradin, proteston ambasadori Milanoviç

14:04 Rajoni

INTERVISTA/ Rama: Do kemi një samit për diasporën

12:58 Rajoni

DËSHMIA/ Shtetasi shqiptar kishte marrë 60 mijë euro për të vrarë Mimoza Kusari-Lilan?

20:26 Rajoni

Aleksandër Vuçiç i përfshirë në një skandal korrupsioni

17:04 Rajoni

Bankat greke kanë nevojë për kapital

16:35 Rajoni

Britania e Madhe mbështetje Kosovës për MSA-n dhe liberalizimin e vizave

13:15 Rajoni

"Tradhton" Serbinë: Tsipras nderon Mustafën e Thaçin

11:20 Rajoni

E veja e Millosheviçit publikon historinë e jetës së saj

16:04 Rajoni