"LSI s’ka kriminelë në lista, do ndihmojmë të tjerët të dekriminalizohen"

Lëvizja Socialiste për Integrim shprehet e gatshme të nisë punën për adresimin e problematikave të hasura gjatë procesit zgjedhor, të reflektuara edhe në raportin e OSBE/ODIHR-it.

Pas takimit që zhvilluan me udhëheqësen e Misionit Vëzhgues të OSBE/ODIHR-it, Audry Glover, Petrit Vasili dhe Luan Rama theksuan se LSI mbështet fort idenë e fillimit të menjëhershëm të punës, për të reflektuar të gjitha konstatimet që kërkojnë përmirësim, kuadrin rregullator dhe trajnimin e perfeksionimin e procesit të administrimit të zgjedhjeve.

Duke theksuar rëndësinë që të mos kryen më ndryshime në minutën e fundit, kreu i grupit të LSI, Vasili tha se Levizja Socialiste per Integrim propozon fillimin e punës dhe vendosjen e afateve, që këto ndryshime të realizohen në kohë, duke i dhënë fund logjikës së ndryshimeve të Kodit Zgjedhor 6 muaj para zgjedhjeve.

Vasili u bëri thirrje të gjitha partive politike që të ulen në një tryezë për tu dhënë përgjigje të shpejtë dhe të duhur problematikave, në mënyrë që zgjedhjet të jenë me standarde. Vasili kërkoi gjetjen e zgjidhjeve konsensuale për plotësimin e standardeve të kërkuara nga OSBE-ODIH, veçanërisht në pikat ku shprehnim problemet.

“Kemi diskutuar për të gjitha momentet e konsideruara problematike në raport, secili prej tyre duhet zgjidhur, nismat e njëanshme nuk i shërbejnë askujt. Duhet një grup i përbashkët i të gjitha partive që to gjejnë zgjidhje. Kompromiset e arritura në momentin e fundit kanë thyer procedurat zgjedhore të miratuara”.

Ndërkohë Luan Rama tha se procesi për arritjen e standardeve zgjedhore duhet të vijojë paralelisht me reformat e tjera të rëndësishme.

Në emër të LSI-së, Rama ndau edhe njëherë qëndrimin për dekriminalizimin, duke shtuar se forca që ai përfaqëson e mbështet dhe do ndihmojë forcat e tjera të dekriminalizohen, duke qenë se ata nuk kanë probleme në listat e tyre.
“Dekriminalizimi nuk është problem i LSI. Ne nuk kemi problem me kriminalizimin në listat tona. Do ndihmojmë të tjerët të dekriminalizohen”,- tha ai.

Sipas Luan Ramës, shpërdorimi i kohës është sëmundje kronike e politikës shqiptare. Ai ftoi të gjitha partitë politike në një tryezë për arritjen e konsensusit edhe në këtë drejtim.

Kreu i Grupit Parlamentar të LSI-së, Petrit Vasili komentoi edhe çështjen e CEZ-it, për të cilën tha se hetimi nuk mund të ndalet.

“Nismë që do shqyrtohet nga Parlamenti, nuk e ndal kush, por duhet respektuar çështjen e procedurave. Duhet të ecim në rrugën e rregullores. Vullneti ynë është që kësaj çështje ti shkohet deri në fund, por kjo kërkon kohë sepse edhe çështja është e shtrirë në kohë. Asnjë zbardhje e ngutur për qëllime taktike politike nuk i shërben shqiptarëve dhe çështjes”.

Berisha bën analizën e vizitës së Ramës në Nju Jork: Shkoi për një foto me Obamën, diaspora shqiptare e refuzoi

12:19 Politika

INTERVISTA/ Genc Ruli: Ç`po ndodh në PD, problemet me “gjakun e ri” dhe Basha përballë Berishës

12:05 Politika

Dash Shehi shuplakë Berishës: Shkatërroi PD-në. Basha të bëjë politikë, jo protesta me sheshet bosh

11:26 Politika

Baton Haxhiu: Pse nuk flisni dhe për mua e Fevziun që ngritëm flamurin në Beograd? Edhe ne jemi heronj

10:31 Politika

Komunistët ftojnë Ramën dhe Metën për ditëlindjen e Enver Hoxhës

09:15 Politika

FOTOT/ Universiteti i Shkodrës, pedagogu kërkon 500 euro për dy provime

21:41 Politika

VIDEO/ I riu serb, pas kthimit nga Shqipëria: Kur të pret shqiptari, ai është i gatshëm të japë dorën për ty

21:16 Politika

“Nishani e ftoi në ballo Fullanin një ditë pasi doli nga biruca, si mund ta dënonte gjykata atë?”

18:59 Politika

Deputetja e PD-së i kërkon një nder me "dorë në zemër" ministrit Gjiknuri

17:38 Politika

SAS vs SS: Historia e patreguar e sulmit heroik të inteligjencës britanike ndaj kasapëve nazistë

17:20 Politika