DEBATET/ Aldo Bumçi, "sherr" me kryetaren e Komitetit PE-Shqipëri

Nisi me këmbën e majtë që në ditën e parë të punimeve, Komiteti i 9 i Stabilizim-Asocimit ndërmjet Parlamentit Europian dhe Shqipërisë. Pa harruar takimin e 6 muajve më parë, “çifti” Aldo Bumçi-Monica Macovei, qartazi, nuk merrej vesh për proçedurën.

Monica Macovei, kryetare e Komitetit PE-Shqipëri: Le të dëgjojmë njëherë njëri-tjetrin.

Aldo Bumçi, nënkryetar i delegacionit shqiptar: Shumë mirë, më lejo.

Macovei: Jo, të lutem më lejo të flas.

Bumçi: Ky Komitet nuk duhet…

Macovei: Të lutem, mos më ndërhy…

Bumçi: Ky komitet duhet të ketë të njëjtat rregulla.

Njësoj si vitin e kaluar, opozita u ankua se nuk njoftohet për veprimet e sekretariateve ndërmjet dy institucioneve legjislative.

“Ky është problem i parlamentit tuaj, ndaj nuk mendoj se është e ndershme të na thoni që nuk i keni marrë, sepse kemi email-e dhe dëshmi për këtë”, deklaroi Macovei.

Më pas, nënkryetari i delegacionit shqiptar kërkoi përfshirjen e zgjedhjeve lokale në axhendën e diskutimit, gjë për të cilën drejtuesja e Komitetit nuk u pajtua, pasi kjo temë ishte prekur më parë dhe sipas saj duhej folur për fusha të tjera të rëndësishme të parashikuara, si reforma në drejtësi, dekriminalizimi, lufta ndaj korrupsionit e krimit të organizuar.

Diskutimi degjeneroi në leksionet mbi demokracinë e sjelljen qytetare, çfarë acaroi deputetin demokrat, për të cilin zgjedhjet janë në themel të demokracisë dhe ky ishte takimi i parë ndërparlamentar pas mbajtjes së tyre.

Macovei: Demokracia është të japësh argumente. Nuk është ulërima dhe ndërprerja e njëri-tjetrit.

Bumçi: Më falni, por nga ana tjetër ne takohemi në këtë format prej disa vitesh. Ne mund të mos pajtohemi për rekomandimet përfundimtare dhe kjo është pjesë e demokracisë gjithashtu. Ky takim supozohet të ndërtojë konsensus. Nëse nuk e arrijmë, ju nuk mund ta bëni duke ndryshuar rregullat.

Macovei: Ju dëgjoni tjetrin dhe më pas ju jepet fjala të përgjigjeni. Për rekomandimet, nëse pajtohemi, do t’i miratojmë. Nëse jo, nuk i miratojmë. Herën e fundit që u takuam, ju më thatë se e dinit dhe se ju vendosët që ato të mos miratoheshin që një javë përpara mbajtjes së takimit. Le të themi se unë po e harroj këtë dhe po them, meqënëse ju filluat përsëri me të njëjtën histori… Ne duhet të bëjmë progres dhe progresi nuk arrihet me mosmiratimin e asnjë rezolute dhe vetëm duke u zënë. Ky nuk është progres dhe unë tani do të kaloj me axhendën pasi kemi të ftuar që presin të marrin fjalën.

Kjo mbledhje ndërparlamentare shënonte dhe përvojën e parë të përballjes me deputetët shqiptarë për përfaqësuesen e Jean-Eric Paquet, drejtorit të deritanishëm për Ballkanin në KE.

Catherine Wendt përmendi porositë kryesore të raportit të progresit gjatë fjalës së saj dhe u përfshi sërish gjatë debatit për reformën në drejtësi, ku opozita e konsideroi të pakuptimtë fshehjen e mazhorancës pas ekspertëve të huaj, sikur të mos ishin në dijeni të përmbajtjes së draftit të dërguar në Komisionin e Venecias.

Ministrja e Integrimit, Klajda Gjosha paraqiti të dhëna mbi punën e kryer nga qeveria mbi temat e axhendës. Më pas foli dhe përfaqësuesi i shërbimit diplomatik të BE-së, ndërsa socialistët synuan miratimin e konkluzioneve të përbashkëta përfundimtare, me mesazhin kryesor: nisjen e bisedimeve të anëtarësimit me BE-në.

Bumçi: Dhe lajmi i keq është që nuk ka asnjë sinjal për hapje negociatash. Arsyeja pse ndodh kjo është realiteti në Shqipëri.

Taulant Balla, kryetar i delegacionit shqiptar dhe bashkëdrejtues i Komitetit PE-Shqipëri: Drafti i rekomandimeve që erdhi nga sekretariati i Parlamentit Europian është mbështetur nga ana jonë tërësisht dhe madje, në shenjë gatishmërie për të dhënë konsensus edhe për opozitën, ne nuk paraqitëm asnjë amendament.

Bumçi: Te rezoluta ne kemi propozuar ato që janë çështje të vërteta. Zgjedhjet lokale, të mbajtura këtë vit, raporti i OSBE-ODIHR është më kritiku prej vitit 2003. Një çështje tjetër e rëndësishme lidhet me procesin e dekriminalizimit, i cili është zvarritur për rreth një vit. E treta reforma në drejtësi, e gjithë paketa ligjore është dërguar pa i dhënë mundësi opozitës të shprehet.

Balla: Amendamentet e opozitës ishin shumë herë më tepër edhe se vetë dokumenti i ardhur nga sekretariati i PE dhe ishte e pamundur të arrihej një konsensus për një dokument të përbashkët.

Si përfundim, konkluzionet e takimit të 9-të ndërparlamentar u miratuan me shumicë të thjeshtë, me votat e socialistëve, të 4 eurodeputetëve të pranishëm, si dhe të republikanit Fatmir Mediu, pasi në to përfshihej edhe rekomandimi për zgjidhjen e çështjes së pronave. Demokratët votuan kundër, ndërsa munguan eurodeputetët e PPE-së. Ndërkohë, debati Macovei-Bumçi vijoi.

Macovei-Bumçit: Ti gënjen për të mos pasur rezolutë!

Bumçi-Macoveit: Çfarë u bë këtu është e turpshme. Të tjerët në këtë delegacion, përveç mazhorancës, nuk votuan për rezolutën dhe s’ka rezolutë.

17 pikat e rezolutës përfundimtare theksojnë rëndësinë e çeljes së negociatave të anëtarësimit me BE-në, të zbatimit të 5 prioriteteve kyçe, përfshirë reformën e drejtësisë dhe trajtimin e personave me të dhëna kriminale në postet publike, të rolit të shoqërisë civile, të masave kundër korrupsionit, trafikut të qenieve njerëzore, përfshirë shqetësimin mbi azilkërkuesit, ekonominë informale, si dhe marrëdhëniet rajonale.

Komiteti miratoi gjithashtu ndryshimin e rregullave të proçedurës, siç propozoi në pranverë kryetarja Macovei me t’u kthyer nga Tirana./ TCH

FOTO LAJM/ Të gjithë duke pritur të hapë gojën Doktori!

16:43 Politika

Rama: Ka rritje ekonomike, por nuk mund të bëjmë magji

15:55 Politika

Rama rikthen shpifjen si vepër penale; Ndëshkimi, nga gjobë deri në tre vjet burg

15:21 Politika

VIDEO/ Bunkeri i miliarderëve: Kjo është streha e fundit ndaj Apokalipsit

14:33 Politika

Koço Kokëdhima: Rama e Meta janë politikanë të përgjegjshëm

12:12 Politika

“1200 lekshat kanë kapur edhe parlamentin, kam përmendur edhe pseudonimet e tyre”

10:45 Politika

Armand Shkullaku: Meta e poshtëroi Ramën me Yllin e “turpit”, praktikisht ka rënë si kryeministër

10:19 Politika

Nëna e Franc Konomit: Tim shoq e gjeta të gjakosur, dyshoj se e kanë vrarë

09:32 Politika

Lorenc Vangjeli: Rama e Meta nuk kanë marrëdhënie miqësie, por janë bashkë prej pushtetit

09:28 Politika

33-vjeçari kërcënon prokuroren: Do të kapi e zeza ty dhe atë gjyqtaren qorre, do të bëj për karrocë

09:20 Politika