Ministrja e Mbrojtjes znj. Mimi Kodheli po merr pjesë në punimet e forumit ndërkombëtar të sigurisë në Halifax të Kanadasë. Ky forum në fokus të tij ka çështje të sigurisë me të cilat po përballet sot Aleanca dhe shtetet e tjera të cilat kanë përqafuar vlerat e përbashkëta të saj.

Ministrja e Mbrojtjes znj. Kodheli zhvilloi një takim me zëvendëssekretarin amerikan të Mbrojtjes z. Robert O. Work. Zyrtari amerikan falenderoi Shqipërinë dhe Ministrinë e Mbrojtjes për angazhimin e dhënë në Afganistan si dhe kontributet me materiale ushtarake në luftën kundër terrorizmit në Irak dhe Siri. Ministrja Kodheli e siguroi zëvendëssekretarin amerikan të Mbrojtjes për vendosmërinë e palëkundur të Shqiperisë për të vazhduar në luftën kundër armiqve të vlerave Euro-Atlantike.

Ministrja Kodheli mori pjesë gjithashtu në një takim të veçantë të organizuar me ministrat e vendeve NATO dhe atyre partnere. Në praninë e Shteteve të Bashkuara të Amerikës, Kanadasë, Hollandës, Polonisë, Lituanisë, por dhe Kosovës, Gjeorgjisë dhe Maqedonisë, u diskutua për sfidat me të cilat po përballet sot siguria globale.

Pjesëmarrësit në këtë forum diskutuan për rreziqet e sotme që vijnë nga lindja dhe jugu si dhe nevojën për të unifikuar qëndrimet. Ministrja Kodheli e vuri theksin tek domosdoshmëria për bashkëpunim mes të gjithë aktorëve. Kodheli theksoi se angazhimi nuk duhet të jetë i unifikuar vetëm në planin ushtarak por dhe në atë politik dhe ekonomik. Sipas saj rreziqet duhen trajtuar njësoj nga të gjithë.

2 komente në “Kodheli merr pjesë në punimet e forumit ndërkombëtar të sigurisë”

nji uj selite te lutem says:

23 Nëntor, 2015 12:35 te 12:35 pm

KA lezet ne ter kte mbledhje te madhe vetem KODHELI e ka zbatuar thirrjen per çarmatim ne kte asamble, te tjeret po armatosen deri ne dhemb dhe nuk e kuptoj pse se ne ktu ne SHQIPERI na thon qe nuk do ket me luft,apo jan bira kurve dhe antishqiptar kta qe na mashtrojn ne.

Përgjigjjuni
bensi duka, ish-student aktiv ne Dhjetorin 1990 says:

23 Nëntor, 2015 16:57 te 4:57 pm

Qe ka IRONI me nga injorante me anonimat “nji uj selite te lutem” vetem ne rracen tone e gjen, e me se shumti por me perqindje shume-shume te larte mbi 75% i gjen tek ambjentet e brendshme e te jashteme te SHQUP_it duke u ushqyer me Berishizem, si dikure me Enverizem. Cfare tragjikomedi ka tek ne kur keta injorante, monstra e perverse hyjne ne Internet e ne Web_e vetem per te share e shpifur kunder gjithkujte qe eshte ne Pushtet, pa pyetur e vene ne pune trurin e tyre se perse jemi ne NATO dhe a na duhen armatime sic kane Fuqipe e Medha, apo te kemi ushtri e armatime sipas asaj qe ekspertet e NATO_s kane menduar e studiuar se i duhen Shqiperise. O injorante, monstra e perversa te SHQUP_it kur do cliroheni nga Berishizmi, se ndryshe do plakeni edhe me ne Opozite.

Përgjigjjuni