Te fundit
Vrasja në Durrës/ 39-vjeçari u vra nga “shoku” që kishte konflikt. I kërkoi ta transportonte me makinë, e vrau me plumb në kokë rrugës
3 Dhjetor 2015, 10:40Kronika
TEMA
Zbardhen detaje të reja lidhur me ekzekutimin e 39-vjeçarit Arben Hasa, në fshatin Shkallë të Durrësit, në afërsi të Manzës.
Korrespondeti i Ora News në Durrës, duke iu referuar burimeve zyrtare të policisë informon se autori i dyshuar, identifikuar tashmë nga policia, por që për efekt hetimi nuk bëhet i ditur identiteti i tij, është një shok i viktimës.
Arben Hasa nga Burreli, por prej vitesh banues në fshatin Karpën të Maminasit, mësohet se ka pasur një konflikt për motive banale me autorin e vrasjes.
Ky i fundit mësohet se ka shkuar ditën e djeshme në banesën e Hasës dhe i ka kërkuar që ta transportojë me automjetin e tij.
Rrugës, në fshatin Shkalllë, ai e ka qëlluar me një plumb kallashnikovi në kokë, duke i shkaktuar vdekjen e menjëhershme.
Më pas, ai e ka transportuar trupin e pajetë të Arben Hasës disa metra më tej, e ka hedhur dhe është larguar nga vendngjarja.
Policia e Shijakut dhe ajo e Krimeve të Rënda në Durrës kanë nisur kërkimet për kapjen e autorit.
Mjeti i braktisur tip BMV me targa AA 938 DR në pronësi të viktimës Hasa u gjet nga patrulla e policisë së Shijakut rreth orës 02:00 të mëngjesit të 3 dhjetorit 2015.
Në automjet janë gjetur njolla gjaku, 2 copë fishekë dhe një gëzhojë automatiku.
Ndërkohë, në orët e para të mëngjesit, në fshatin Manëz të Vjeter është gjetur trupi i pajetë i shtetasit Arben Hasa.
2 komente në “Vrasja në Durrës/ 39-vjeçari u vra nga “shoku” që kishte konflikt. I kërkoi ta transportonte me makinë, e vrau me plumb në kokë rrugës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Per fat te keq ne shqiptaret jemi ende ne fazen e majmunit per sa i perker evolucionit ndryshe nga bota qe ka mijevjecar qe eshte ne shkallen e homosapiensit.
Duke qene ne fazen e majmunit nuk komunikojme dot per te zgjidhur konfliktet me banale ndaj shkojme ne ekstrem.
Duhet te mesojme te ecim perpara e mos te hame me banane.
nje kriminel e di shume mire qe ne shqiperi per nje vrasje denohesh jo me shume se 10 vjet po te kete para edhe me pak