Veliaj dhuron gjak: Ky, muaji i dhurimit për njerëzit në nevojë

Bashkia e Tiranës i bashkohet nismës “Dhuro gjak, shpëto një jetë”. Në një mjedis të kthyer në pikë dhurimi gjaku në Bashkinë e Tiranës, kryebashkiaku Erion Veliaj dhe punonjës të bashkisë dhuruan gjak, si pjesë e nismës së Kryqit të Kuq. Këtë dhjetor, Bashkia e Tiranës ka hapur dyert për dhurimin e gjakut për t’i dhënë një mundësi atyre që kanë nevojë për të vazhduar jetën.

“Më vjen shumë mirë që Bashkia e Tiranës ka hapur sot dyert për dhurimin e gjakut. Do të jenë shumë vetë të stafit tonë që janë në gjendje të mirë shëndetësore, për të dhuruar gjak. Për Bashkinë e Tiranës, Dhjetori është muaji i dhurimit, por jo vetëm i dhurimit të të mirave materiale me të cilat të gjithë gëzohen për dhuratat e fundvitit, por e dhurimit të asaj që është gjëja më e shtrenjtë, dhurimit të jetës”, deklaroi Veliaj.

Kryebashkiaku theksoi se në 100 ditët e para të Bashkisë së Tiranës, nuk kishte mënyrë më të mirë për të mbyllur këtë fazë të parë sesa duke dhuruar gjak. “Ne jemi një shoqëri e cila duhet të bazohet te solidariteti dhe vetëm në ditë nevoje, ndonjëherë mendojmë se si të përballemi me fatkeqësitë, në rast të ndonjë sëmundje apo ndonjë përmbytje. Një shoqëri inteligjente përgatitet për ditën e keqe, kur ditët janë të mira, kur ditët janë me diell dhe kur jemi mirë me shëndet”, tha Veliaj.

Kryetari i Bashkisë së Tiranës vlerësoi nismën “Dhuro gjak, shpëto një jetë” si mundësi për të gjithë ata që kanë nevojë në momentet e vështira. “Më vjen mirë që Kryqi i Kuq inkurajon shoqërinë solidare, por edhe shoqërinë inteligjente, që i paraprin me bankën e gjakut dhe ofron një shërbim që në rast të ndonjë momenti të vështirë, të paktën kemi një garanci që Kryqi i Kuq është aty, për të dhënë atë që ndoshta është më e çmuar në jetë, që është gjaku dhe mundësia për të vazhduar jetën me shumë kurajo”, tha Veliaj.

Përfaqësuesi i Kryqit të Kuq vlerësoi si një moment shumë të veçantë që Bashkia e Tiranës po organizon këtë seancë për dhurimin e gjakut. “Dhurimi i gjakut është një ndër aktet më humanitare dhe me një njësi gjaku shpëtohen jetë njerëzish, kjo është diçka e jashtëzakonshme. Gjej rastin të falenderoj kryetarin e Bashkisë, Erion Veliaj, për këtë akt të tij personal, por edhe punonjësit e Bashkisë së Tiranës dhe shpresojmë që promocioni vullnetar i gjakut do gjejë gjithnjë e më tepër mirëkuptimin e qytetarëve shqiptarë për të mirën e njerëzve që kanë nevojë për gjak”, u shpreh përfaqësuesi i Kryqit të Kuq.

Ermelinda Meksi emërohet në zyrën ekonomike në Sekretariatin e OSBE në Vjenë

11:14 Sociale

Imzot Rrok Mirdita në gjendje të rëndë në spital

20:42 Sociale

Shfaqet filmi “Ska Ndal” për komunitetin LGBT, Klosi: Pjesë e realitetit shqiptar

10:20 Sociale

Të gjithë së bashku në ndihmë të fëmijëve në nevojë

08:00 Sociale

35% e popullsisë shqiptare me universitet kanë një punë të nivelit më të ulët

11:19 Sociale

Lubonja: Shqipërisë nuk i vjen rreziku nga Islami, madje këtu duhet të rritet ndikimi i feve

10:35 Sociale

“U ktheva në Tiranë për 2 muaj, por mezi po pres të iki. Këtu s’jetohet me këta njerëz”

22:33 Sociale

Prezantohet projektligji që ndryshon mënyrën e dhënies së shërbimeve publike

17:11 Sociale

Klosi dhe ambasadori Lu, ndeshje basketbolli me të rinjtë e PAK

16:40 Sociale

Berisha iu bën thirrje shqiptarëve që të largohen nga vendi

15:16 Sociale