Te fundit
Kodi Rrugor/ Shkelja e semaforit penalizon edhe këmbësorët, ja ndëshkimet
22 Janar 2016, 10:10Sociale
TEMA
Drejtuesit e mjeteve dhe këmbësorët duhet të bëjnë shumë kujdes me respektimin e semaforëve, në rast të kundërt, ndaj tyre do merren masa të forta ndëshkuese. Të gjithë ata drejtues automjetesh që shkelin sinjalistikën e semaforit, do të gjobiten nga 500 deri në 2 mijë lekë gjobë dhe në rast përsëritje, atyre u aplikohet pezullimi i lejes së drejtimit nga 9 deri në 12 muaj. Dhe në rastin kur u ëhstë hequr leja e qarkullimit, shoferët do duhet t’u rikthehen autoshkollave.
Kjo masë ka hyrë në fuqi ditën e djeshme në zbatim të Kodit të ri Rugor dhe sipas këtij kodi këmbësorët dhe drejtuesit e automjeteve që hapin rrugë të reja për të kaluar, duke ndryshuar ato ekzistuese do marrin gjobë nga 100000-400000 lekë.
GSH raporton se: Në pikën katër të nenit 189 të Kodit të ri Rrugor është përcaktuar se cilido që shkel dispozitat parashikuar në kod, si për këmbësorët edhe për drejtuesit e mjeteve, ndëshkohet me masë administrative me gjobë nga pesëqind deri në dy mijë lekë. Në ligj këmbësoret detyrohen të qarkullojnë në trotuare, bankina, shëtitore dhe hapësira të tjera të caktuara për ta. Kur këto mungojnë, janë të zëna, të ndërprera ose të pamjaftueshme, duhet të qarkullojnë në buzën e karrexhatës në sens të kundërt me lëvizjen e mjeteve dhe në mënyrë të tillë që të krijojnë një pengesë sa më të vogël për qarkullimin.
Jashtë qendrave të banuara, këmbësorët kanë për detyrë të qarkullojnë në sens të kundërt me atë të lëvizjes së mjeteve në karrexhata me dy sense lëvizjeje dhe në buzën e djathtë në lidhje me drejtimin e lëvizjes së mjeteve në rastin e karrexhatave me një sens lëvizjeje.
Këmbësorët që qarkullojnë në karrexhatat e rrugëve brenda dhe jashtë qendrave të banuara, pa ndriçim publik, kanë për detyrë të lëvizin në një rresht të vetëm. Është e ndaluar për këmbësorët të kapërcejnë kryqëzimet në mënyrë diagonale dhe gjithashtu, ndalohet kapërcimi i shesheve jashtë vendkalimeve këmbësore, kur ato ekzistojnë.
Detyrimet për shoferët
Kur trafiku nuk është i rregulluar nga polici ose nga semafori, drejtuesit e mjeteve duhet t’u japin përparësi, duke ngadalësuar dhe kur është e nevojshme, duke ndaluar këmbësorëve që kalojnë në vendkalimet këmbësore. Drejtuesit e mjeteve që kthehen për t’u futur në një rrugë tjetër, në hyrjen e së cilës gjendet një vendkalim këmbësorësh, duhet t’u japin përparësi, duke ngadalësuar dhe kur është e nevojshme, duke ndaluar, këmbësorëve që kalojnë në vendkapërcimet këmbësore, kur atyre nuk u është ndaluar kalimi.
Në rast të kundërt, gjobitet 500 deri në 2000 lekë. Ligji detyron drejtuesit e mjeteve të ndalojnë kur një person invalid me aftësi lëvizjeje të kufizuara ose që lëviz me karrocë invalidësh, ose i pajisur me shkop të bardhë, ose i shoqëruar me një qen drejtues, ose sidoqoftë i dallueshëm në njëfarë mënyre, kapërcen karrexhatën, ose ka ndërmend ta kapërcejë dhe duhet të shmangin situata të rrezikshme, që mund të shkaktohen nga veprime të gabuara a të ngathëta të fëmijëve dhe të të moshuarve.
7 komente në “Kodi Rrugor/ Shkelja e semaforit penalizon edhe këmbësorët, ja ndëshkimet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Jam dakord, sidomos per kembesoret, sepse shpesh here futen si lope me te kuqe..
Shume mire, por veshtire ti kapesh te gjithe, sidomos kembesoret..
kembesoret futen si lope, po edhe shoferet nuk te lene rradhe te kalosh si derra, as ne vija te bardha, e jo me jashte tyre…
nuk ka nevoje ti kapesh te gjithe, kap disa dhe merru leket. ne rast se nuk i merr leket gjithe te tjerat jane kot, ne rast se ia merr brenda 2 muajsh nuk kalon me njeri me te kuqe
Po kur e bën çorap polici trafikun duke anashkalu komplet semaforin , kujt duhet me i vënë gjobë ? Policët , kur nuk ka energji elektrike tek semaforët , zhduken duke u fut nëpër lokale e nuk rregullojnë trafikun , ndërsa kur ka semaforë , e shtyjnë kohën duke vënë gjoba ose tek semafori ose rrugëve , ose duke u fut në kryqëzim e duke çrregullu trafikun e rregullt të vendosur nga semafori . Mos u habitni . Ku ka çrregullim trafiku e ku ka bllokim rrugësh me dysh e trish makinash , ke policin në tavë . Mos kërko në tjetër vend . Jepi përgjegjësinë për sektorët përkatës , çdo polici ose grupë policësh ( përfshi gjithë llojet e policive që dalin në terren me bllok në dorë ) dhe kontrolloi . Kur se gjen sektorin në rregull , uli nga detyra dhe nga paga dhe bëji shembull . Për dy javë maksimumi , ose largohen policë nga detyra , ose rregullohet e përmirësohet gjendja . Caktoi sektorin , saktësoi detyrat sipas ligjit dhe vetëm ligjit , dhe ngarkoi përgjegjësinë e zbatimit , duke ja bërë të qartë , që do kontrollohet e do penalizohet . Njgre grupe kontrolli dhe jo vetëm me policë dhe do shikosh qyfyre . Do gjesh policë të pa aftë e të korruptuar , por do gjesh edhe policë të aftë e të përkushtuar të cilët do bëjnë sugjerime e vërejtje me mjaft vlera për përmirësim . Këto vlerësoi dhe shpërblei.
O nuk jam une o nuk eshte lajmshkruesi ne terezi!
C’eshte kjo gjobe 400000 leke?
MASE E VONUAR MADJE,
TE HIPE MAKINA NE TROTUAR, POLICIA E GJOBIT.
PO KEMBESORET QE ECIN SI LOPE NE MES TE RRUGES E PENGOJNE TRAFIKUN????!!!!