Te fundit
Indeksi i Performancës mjedisore 2016/ Shqipëria e 61-ta në botë, çalon në cilësinë e ujit të pijshëm
26 Janar 2016, 10:10Sociale
TEMA
Shqipëria renditet e 61-ta në rang botëror dhe ndër të fundit në rajon për gjendjen mjedisore, sipas Indeksit Botëror të Performancës mjedisore.
Indeksi i Performancës mjedisore (EPI) rendit vendet në të gjithë botën sipas performancës së tyre në 2 çështjet prioritare mjedisore: mbrojtja e shëndetit të njeriut dhe mbrojtja e ekosistemeve dhe përpilohet nga Universiteti Yale në SHBA.
Treguesit masin objektivat ose mungesën e tyre të implementuara nga kombet, të krahasuar me njëri-tjetrin.
Duket se Shqipëria ka renditje të ulët në rajon sa i përket reformave të ndërmarra për mbrojtjen e ekosistemeve, duke qenë se renditet vetëm përpara Bosnjë dhe Hercegovinës, raporton Monitor.
Ndërsa të gjithë shtetet e tjera ballkanike janë të pozicionuara më mirë se vendi ynë, jo vetëm nga hapat e reformat e marra, por edhe mekanizmave të tjera në mbrojtje edhe të jetës njerëzore si pastrimi i mjedisit, pastrimi dhe filtrimi i ujit etj.
Shqipëria ka një cilësi të ujit të pijshëm jo brenda normave të duhura, sipas raportit, ku pjesa më e madhe e ujit të konsumuar nga banorët rrjedhin nëpër tubacione të patrajtuara dhe sasia e ujit të pijshëm brenda rregullave është shumë e vogël.
1 komente në “Indeksi i Performancës mjedisore 2016/ Shqipëria e 61-ta në botë, çalon në cilësinë e ujit të pijshëm”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Qe te çaloje Shqiperia ne cilesine e ujit te pijshem, kjo eshte katastrofe. Po çfare uji pinim ne kohen e Enver Hoxhes, po çfare uji ka Shqiperia, lumenj qe i perpin dhe deti, uje te pijshem, direkt nga lumi! Me duket nje çudi sa prapa paskemi bere , vetem telefonat , hajdutelleku, krimi dhe kurveria kane bere perpara. Ndaj duhet te bertasim forte; perpara demokracia shqiptare!