Mercer: Tirana, qyteti i parafundit me cilësinë më të ulët të jetesës në Europë

Tirana renditet në listën e tre qyteteve më të këqija në Europë, për sa i përket cilësisë së të jetuarit, sipas një raporti të publikuar së fundmi nga Instituti Mercer, ndërsa në nivel botëror ndodhet në vendin e 179 nga 230 ekonomi të ekzaminuara.

Pozicionimin më të ulët e ka në nivel botëror e ka Bagdadi i Irakut, ndërsa i pari në krye të listës vijon të jetë për të tretin vit radhazi Vjena, Austri.

Europa, Viena e para, Tirana e parafundit

Vjena është qyteti me standardin më të mirë të jetesës në botë, sipas renditjes së Mercer 2016 Quality of Living, në të cilin dominojnë qytetet europiane, pavarësisht pasigurive ekonomike, citon raporti. Vendet e Europës Perëndimore kanë performancën më të mirë të cilësisë së jetës, duke qenë se 7 prej tyre janë në top 10 shtetet. Vjena ndiqet nga Zyrihu (2), Mynihu (4), Dusseldorf (6), Frankfurt (7), Geneva (8), and Kopenhagen (9).

Praga, e renditur në vendin e 69, është qyteti më i mirë në renditjen e Europës qendrore dhe Lindore, ndjekur nga Lubjana e 76 dhe Budapesti e 77.  Ndërsa tre janë qytetet me cilësinë më të ulët të jetesës në Europë, Kievi i 176, Tirana e 179 dhe Minsk e 190-ta.

Amerikë, Kanadaja në top listë

Cilësia e jetesës mbetet e lartë në vendet e Amerikës Veriore, citon raporti I Mercer. Kanadaja mbetet e para në listë. Me një renditje në vendin e pestë në nivel global, Vankuveri kryeson listën rajonale, ndjekur nga Toronto (15), Otava (17). Qyteti që pozicionohet në fund të listës së rajonit është Mexico City (127).

Disa qytete në Amerikën Qendrore dhe Jugore janë ende tërheqëse për emigrantët për shkak të mjediseve të tyre relativisht të qëndrueshme politike, infrastrukturës së përmirësuar dhe klimës së këndshme, por shumë vende mbeten sfiduese për shkak të fatkeqësive natyrore. Ndërsa Amerika Veriore, sipas raportit, mbetet më tërheqëse për kushtet ekonomike.

Azi dhe Paqësori

Shtetet aziatike sipas Mercer kanë shumë ndryshime në cilësinë e jetesës. Singapori kryeson ndër to, i renditur i 26, me standardin më të lartë të jetesës në Azi, pasuar nga katër qytete japoneze Tokio (44), Kuala Lumpur (86), Shangai 101. Të tjerë qytete janë Bangkok (129), Manila (136), and Jakarta (142). Ndërsa nga oqeania, Zelanda e Re dhe qytetet australiane renditen ndër vendet e para të listës për cilësinë e jetesës, me Auckland dhe Sidnei që pozicionohen në vendin e 3 dhe 10, respektivisht, për të katërtin vit radhazi.

Lindja e Mesme dhe Afrika

Me një renditje globale në vendin e 75, Dubai kryeson renditjen në rajonin e Lindjes së Mesme dhe Afrikës. Ai ndiqet nga Abu Dabi -Emiratet e Bashkuara Arabe (81); Port Louis – Mauritius (83), dhe Durban (85) dhe Cape Toën (92) në Afrikën e Jugut. Por, raporti citon që të gjitha këto qytete kanë pësuar rënie të cilësisë së jetesës këto 2 vitet e fundit me mesatarisht 5 vende.

Nga ana tjetër, Bagdadi (230) pozicionohet i fundit në listën botërore.

Ndikim në përkeqësimin e cilësisë mbetet mungesa e stabilitetit rajonal dhe ngjarjet e trazuara politike, terroriste, por edhe katastrofat natyrore kanë ndikimin e tyre. Mendohet se eventi FIFA Ëorld Cup në 2022 në Doha, do të ndikojë në rritjen e sigurisë në këto vende.

Metodologjia

Mercer ofron renditjen e përvitshme mbarëbotërore rreth standardeve të jetesës nga studimet më të fundit të “Ëorldëide Quality of Living Surveys”. Raportet individuale sigurohen për çdo qytet të vrojtuar. Indekset krahasuese të cilësisë së jetesës ndërmjet qytetit bazë dhe qytetit mikpritës janë në dispozicion, sikundër janë krahasimet me shumë qytete.

Të dhënat u grumbulluan mes shtatorit dhe nëntorit të vitit 2013, dhe do të përditësohen rregullisht duke konsideruar ndryshimin e rrethanave. Në veçanti, vlerësimet do të rishikohen për të reflektuar zhvillime të rëndësishme politike, ekonomike dhe mjedisore.

Mercer vlerëson kushtet lokale të jetesës në rreth 300 qytete që mbikëqyr në mbarë botën. Kushtet e jetesës janë analizuar në bazë të 39 faktorëve, grupuar në 10 kategori:

Mjedisi politik dhe shoqëror (stabiliteti politik, krimi, zbatimi i ligjit, etj.)

Mjedisi ekonomik (rregulloret e këmbimit të monedhës, shërbimet bankare)

Mjedisi socio-kulturor (disponueshmëria e medias dhe censura, kufizimet në lirinë personale)

Shërbimi mjekësor dhe shëndetësor (furnizimet mjekësore dhe shërbimet, sëmundjet ngjitëse, kanalizimi, hedhja e mbeturinave, ndotja e ajrit, etj.)

Shkollat dhe arsimi (standardet dhe disponueshmëria e shkollave ndërkombëtare)

Shërbimet publike dhe transporti (energjia elektrike, uji, transporti publik, bllokimet e trafikut, etj.)

Vendet për argëtim (restorante, teatro, kinema, qendra sportive dhe të kohës së lirë, etj.)

Mallrat e konsumit (disponueshmëria e artikujve ushqimorë/ artikuj të konsumit të përditshëm, makina, etj.)

Strehimi (strehimi me qira, pajisje shtëpiake, mobilie, shërbimet e mirëmbajtjes)

Mjedisi natyror (klima, regjistrime të fatkeqësive natyrore)

Rezultatet që i atribuohen çdo faktori, të cilët vlerësohen për të reflektuar rëndësinë e tyre për emigrantët, mundësojnë krahasimet objektive qytet me qytet. Rezultati siguron indeksin e cilësisë së jetesës që krahason diferencat relative mes çdo dy vendeve të vlerësuara. Në mënyrë që treguesit të përdoren në mënyrë efektive, Mercer ka krijuar një “rrjet” që lejon përdoruesit të lidhin indeksin me shumën e pagesës për standardin e jetesës, duke rekomanduar një vlerë në përqindje në raport me indeksin./Monitor

Drejtori i Bashkisë së Tiranës: S’do ketë asnjë ‘’Grand Caffe’’ në parkun e lodrave të Liqenit

13:51 Sociale

Kur nuk e di për çfarë po proteston

13:18 Sociale

A po lind një lëvizje radikale në Tiranë, që kërkon të “qërojë hesapet” me ata që s’mendojnë njësoj?

09:50 Sociale

50 vendet më të lira për të jetuar në botë, Shqipëria e 28-ta, por më e shtrenjta në Ballkan

09:22 Sociale

FOTOT/ E vërteta e gruas së "varfër" që mblidhte domate në protestën e PD

09:17 Sociale

Veliaj: Nuk dorëzohemi para hurit, vandalët do të paguajnë çdo dëm

20:37 Sociale

Dëmet e protestës të liqeni, tjetër gjobë për PD-në?

20:28 Sociale

Qyteti fantazmë në Gramsh

20:07 Sociale

VIDEO/ Arkitekti gjerman i këndit të lojërave: Jam surprizuar nga protestat

18:55 Sociale

Pas abuzimeve me mbifaturime, shkarkohet drejtori i Ujësjellësit të Tiranës

18:09 Sociale