PD në kërkim të spiunit, Tritan Shehu: Të merren masa ndaj atyre që spiunojnë debatet

Ish­-kryetari i Partisë Demokratike dhe njëkohë­ sisht kreu i Departamentit të Shëndetësisë në PD, Tritan Shehu, e sheh si shqetësues transmetimin në media të debateve në mbledhjet e Grupit Parlamentar.

Në një intervistë për “Panoramën”, Shehu sqaron se do të ishte mirë që kryetari i Grupit Parlamentar të mbante një qëndrim lidhur me këtë çështje. Sipas ish­kreut të PD-­së, publikimi në media i debateve bëhet për të dëmtuar Partinë Demokratike dhe lidershipin e saj në opinionin publik.

Media po publikojnë mbas mbledhjeve me dyer të mbyllura të Grupit Parlamentar të PD­-së “procesverbale” të atyshme. Ju si ish­-kryetar si do ta vlerësoni këtë?

Po është e vërtetë që shpesh po ndodh diçka e tillë, që pa dyshim edhe mua më ka shqetësuar. Besoj se të njëjtin sensacion kanë pasur dhe kolegët e mi. Së pari unë dua të them që është normale të debatohet dhe të ketë mendime të ndryshme, kritika, sugjerime në një grup parlamentar.

Në PD ka pasur gjithmonë grupe deputetësh “luftarakë”, që asnjëherë nuk u janë shmangur debateve, me qëllimin përmirësimin e aktivitetit të tij apo të partisë. Kjo është një e drejtë thelbësore e gjithsekujt dhe bën pjesë në parimet e demokracisë.

Kështu unë nuk komentoj mendimet e ndryshme të kolegëve, ndaj ose jo të njëjtin opinion me ata. Ndërsa në lidhje me sa ju pyesni për ato publikime të medias, unë nuk mund të konfirmoj nëse janë apo jo besnike me realitetin ato që janë shkruar në formë “procesverbalesh”.

Por, sidoqoftë, në të dy rastet kemi të bëjmë me një situatë të papëlqyeshme, ndaj së cilës duhet reaguar. Dhe kjo mendoj se është detyrë së pari e kryetarit të Grupit tonë Parlamentar. Në qoftë se ato që publikohen janë sajesa të medias, veçanërisht duke qenë të përsëritura, bëhen me keqdashje, për të krijuar opinione të deformuara e dëmtuese për PD­-në, pra duhen përgënjeshtruar.

Po nëse janë të vërteta ato që pasqyrohen?

Kjo do të ishte një çështje tjetër, që do ta përcaktoja e shëmtuar. Unë mbështes çdo debat në forumet e partisë, qoftë dhe të ashpra. Por kur këto zhvillohen me “dyer të mbyllura”, ngelin brenda atyre mureve. Ky është një rregull elementar i demokracisë dhe konstruktivitetit të çdo force serioze politike.

Transmetimi i detajuar e i përsëritur i tyre jashtë, nga pjesëmarrës në mbledhje (dhe këtu unë nuk bëj asnjë insinuatë për debatuesit), pa asnjë dyshim do të bëhej me dashakeqësi, për të dëmtuar imazhin e partisë, kryetarit të saj, apo forumit përkatës.

Në fakt, unë do ta konsideroja këtë edhe si një provokacion ndaj vetë personalitetit të personave në gojën e të cilëve vihen shprehjet e publikuara. Gjithsekush sot, nëse dëshiron, mund të bëjë vetë e direkt publike objeksionet e mendimet e tij në rrugë normale. Pra këtu do të kishim të bënim edhe me një vepër të dënueshme moralisht e politikisht, larg principeve të etikës. Dhe kjo do të ishte shumë më shqetësuese, sesa në rastin që do të kishim të bënim me sajesa të medias.

Dhe si mendoni ju se duhet reaguar për këtë opsion?

Së pari, me një sensibilizim të opinionit të përgjithshëm, atij politik, të medias, për ta dënuar moralisht si vepër, pra në parim fenomenin. Së dyti, me kriticizëm të fortë brenda PD­së ndaj këtyre ngjarjeve apo ndaj atyre që do të bënin veprime të tilla tinëzare. Së treti, përsëri është detyra e kryetarit të Grupit Parlamentar të marrë të gjitha masat që veprime të tilla, jo vetëm mos të përsëriteshin, por dhe të “ndëshkohen” konform normave demokratike.

E imagjinoni dot se cili do të ishte reagimi në qoftë se ndodhi të tilla do të kryheshin gjatë mbledhjeve të mbyllura të Grupit Parlamentar të ndonjë prej partive demokratike e të konsoliduara simotra?! Mund të ketë pasur raste sporadike.

Përplasje me armë në Kolonjë/ Kryetari i PS qëllon militantin e PD-së

20:29 Politika

FOTOT/ Basha “flirton” me Spartak Ngjelën

19:30 Politika

Në Shqipëri për pak minuta

18:54 Politika

Komisioni Venecias: Debati për formulën e votimit me 2/3 politik, jo praktikë ligjore

16:48 Politika

VIDEO/ “Batmobile”: Super mjeti i blinduar rus që e ka zili edhe SHBA

16:00 Politika

Malltezi akuzon qeverinë për lejet mjedisore: Po del kundër BE-së

13:31 Politika

Turqia provokon Perëndimin

13:12 Politika

Rama lavdëron Lindita Nikollën: Mësuesja e gjimnazit ua kaloi doktorëve që drejtuan ministrinë

12:59 Politika

Zgjedhjet në PS/Tahiri: Jo vetëm reforma shtet-ndërtuese, por edhe parime demokratike në Parti

12:36 Politika

VIDEO horror: Si i masakrojnë zogjtë e vegjël

12:21 Politika