Te fundit
Jini gra!
21 Mars 2016, 19:34Blog
TEMA
Nga Majlinda Bregu
Nje mike më ftoi te lexoja para pak ditësh nje shkrim të “The Time” per Hillary Clinton dhe mënyrën se si media e portretizon gruan qe sot garon per Presidente te SHBA.
Shkrimi nis me një koment të Presidentit Obama: “Në 2008, asaj, (Hillary-t) i duhej të bëntë cdo gjë që bëja unë, por duhet të cohej më herët për të rregulluar flokët”.
Si cdo grua që ka një detyrë publike dhe që dot nuk i shpëton portretizimit tallës ose rendjes marramendëse të zanatcinjve të medias që pretendojnë se kane ide mrekullisht të qëndrueshme sa për të rregulluar pamjen e jetën e gjithkujt, Hillary Clinton nuk hesht as sot së foluri për seksizmin dhe abuzimin me gratë.
Sigurisht që për këdo që merret me politikë, zgjedhjet presidenciale në Amerikë, janë një interes i pashmangshëm dhe jo vetëm. E ndjekim gati me një përdëllim e zili të gjithë fushatën edhe pse unë jam e bindur se lakmojme më shumë modelin politik të zgjedhjes së Presidentit të SHBA se sa kandidatët.
Këtë radhë beteja është historike më shumë se interesante, falë një gruaje që garon për Presidente të vendit më të fuqishëm të botës. Falë një gruaje së cilës i rri shumë bukur thënia e një bashkombëse të saj, Eleonore Roosevelt: “Që një grua të merret me politikë, duhet të ketë një lëkurë të trashë sa të rinocerontit”!
Falë një gruaje që kur u shfaq publikisht në 1992 krah burrit guvernator, u bë objekt i barcaletave mediatike për modelin e saj te flokeve ngjyrë gështenjë, që edhe pasi i ngjeu në më të celët, ra prap nën goditjen e po të njëjtëve barcaletaxhinj se po manipulontë imazhin e saj të vërtetë e se po tërhiqte vemëndjen me ngjyrën e re të flokëve.
Falë një gruaje që i lëshoi rrugë realitetit kur marrëdhenia e saj personale me bashkëshortin u kthye në qendër të diskursit politik ndërkombëtar, por pa u tërhequr megjithatë nga beteja e saj.
Dhe përderisa kjo ndodh në Amerikë, mendo sa thashethemexhinj mediash në Shqipëri, gdhihen e ngrysen duke dashuruar gra që janë të ëmbla e të buta dhe duke u mjegulluar mendsh sa herë që njëra prej tyre ju del jashtë skemës të urdhrit të princeshave.
Shqipëria sot është vendi i njëqind krizave. Por më e rënda është verbëria morale e ligësia e fshehur pas parimeve që po trimëron kanibalët e gjuhës, gaztorët e oborreve të pushtetit dhe këta heronjtë e fallsifikimit të përditshem, qofshin politikanë, gazetarë apo biznesmenë.
Jam e bindur se kësaj kategorie, që në mënyrë të llahtarshme përpëlitet kundër vetes duke u argëtuar me situatat që sajon, përgatit farsa, zbavitet nga pëlqyesit e farsave dhe kur bie mbrëmja nuk e ka të qartë se pse ka qeshur e është tallur gjithë ditën, i duket vetja pa kuptim dhe bosh shpirtërisht. Edhe thashethemi si ndihmes i vyer për ta bërë të ndjehet shpirtrehat në të përditshmen, nuk ia ka dalë dot ta ngazëllejë.
Kësaj kategorie i prijnë kryetarët e partive që kartën e kuotave e përdorin si ata burrat që për të dëshmuar sa i duan gratë, rrine me to për Shen Valentine.
Mos u mburrni me 50% kuota për gratë në listat e ardhshme zgjedhore! Nuk është arritje e juaja.
Për më tepër nëse gratë nuk e ndjejnë vetë se politika është çështje pushteti që nuk dhurohet por fitohet dhe nësë ato vetë nuk heqin dorë nga përpjekja titanike për të treguar që janë të denja për burrat që i zgjedhin duke kaluar parashikimet e të gjithëve, mburrja me kuotat mund të shkojë si ato historite e bordurave të Tiranës, kur një djalë miklonte një vajzë me fjalët më të bukura dhe më pas ajo dërrmohej se e ndjente veten të mashtruar.
Nëse gratë duhet të lodhen deri ne shpërfytyrim për të bindur burrat se nuk lodhen, se janë të durueshme deri në amshim, të vëndosura deri në flijim, besnike deri në budallallek, të forta, të pathyeshme, se japin e nuk jepen, buzëqeshin e nuk qajnë, falin edhe kur si falin, se duhet të flasin qetë edhe pse rrezikojnë t’ju thonë”biba”, të kënaqen nëse kur ngrenë zërin ju thonë “burrneshë”, të krihen po mos të duken që kanë humbur kohë duke u kujdesur për flokët, të vishen si gra, por të mendojnë edhe se c’mëkat po bëjnë nëse cënojnë mendjen e dikujt që padashje i luhatet morali kur një grua s’duket si burrë, e plot e plot të tjera si këto, politika le të jetë dëng me burra sot e kah mot!
Nga ata burrat seriozë në shpirt e në mendje, kalorës të vërtetë të parimeve, vlerave, nga ata të aftët për të pranuar ballëhapur gabimet, që gdhihen e ngrysen duke luftuar mashtrimin, krimin e hajdutërinë. Nga ata burrat që nuk e njohin asfare frikën, që në shtëpi kanë thyer gjithë pasqyrat se nuk kanë nevojë për objekte që ju ushqejnë vanitetin, që të tundojnë me mprehtësine, thellësinë dhe gjithëditurinë e tyre. Le të jetë politika plot me ata burra që sic thotë fjala jonë e urtë( se kush e ka shpikur se di), therin djalën për të mbajtur fjalën!
Miqve të mi që kanë ngelur gazetarë po jua kujtoj atë që mbase kanë lexuar, Candide të Volterit. Kur Candide i pyet banorët e Eldorado-s nëse aty ka priftërinj e murgesha,( asnjë nuk shihet), pas një pauze hutimi dëgjon t’i thonë se të gjithë banorët e Eldorado-s janë priftërinj vetë. Duke falenderuar Zotin ata flasin vetë me të, s’kanë nevojë për ndërmjetës.
Kështu, në këtë Eldoradon tonë, ne kemi priftërinjtë tanë mediatikë. Besojnë apo nuk besojnë në atë që thonë, shkruajnë a interpretojnë, ne falë tyre, jemi më afër të vertetës!!!
Mjafton të mos jenë gazetarë amerikanë, të cilët që në garën më interesante merren akoma me flokët e Hillary Cliton…
13 komente në “Jini gra!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Jini gra, bertet Maja, (Majlinda Bregu) ndoshta Maja sheh ne partine e vet gra-burra, (gra me fizionomi burri).
Keshtu duhet te jete, se Maja eshte mllefosur me koleget e saja gra-burra, nga estrada e dhene ne bulevardin, para kryeministrise, nga gjuha e motres se Gugut, qe u krenua qe e quanin bushtra e PD, nga gjuha e grave qe vajtonin mitren, qe ja u kishin pergojuar.
Dhe vertet, Maja u dinstancua bindshem, nga ato demostrataxhijet, qe folen me gjuhen e burrave te kafeneve, pa ju dridhur qerpiku, se keshtu ja benin qejfin, pikerisht ozurpatorit te felliqesise, qe fatkeqsisht perban si gjithe gjuhet e botes edhe gjuha shqipe.
Por Maja mundohet qe nga njera ane te dinstancohet nga motrat e Gugut dhe nga ana tjeter, mos te haje ndonje te share nga shefi i saj, qe se ka per gje, ta quaje lavire.
Dhe nga frika e shefit, Maja mundohet ta pergjithesoje rrethin e grave, duke na kujtuar, se nuk eshte 50%, qe na ben gra, por duhet ta fitojme kete perqindje.
Thuaje troc Maja, ty tani te vjen turp, qe ne protesten e rradhes, qe do urdheroje shefi, te jesh ne krah te motres se Gugut, apo atyre gra-burra.
Ka gra ne PD, por tani edhe juve qe jeni gra, ju vjen turp, qe keni gra-burra, qe vetem nga floket e gjata ngjasoni, se nga gjuha, jeni tjeter gjini.
Majlinda ke shkru bukur,por ne praktik je e kunderta e asaj gruaje qi promovon ne kete opinion tatin.
Je ndoshta pak ma e mire se Xholefina qi i kap per zhelesh,dhe ma e mir se Meselja qi i var tek Palma,por pram mbetesh
*bu-ça e Berishes*.
Po si moj Majlinda se more ather guximin me than nji fjal per viktikmat e 21 Janarit,as per shefin tat qi i zhduki serverat e Kryeministrise.
Ti nuk je aspak politikanja qi duhet marr si model,as Nana e dhimbshme as bashkshorte e denje,sepse bukzkuqi me e cilen ti mundohesh te zbukurosh gojen dhe boja i qe ti perdor ne floket e zverdhme mban eren e ndyre te kriminelit Sali Berisha.
Ke shkruar bukur moj Majlinda,por ne realitet je sinonimi i pangopesise dhe pa shpirtsis.
Je thjesht nje MASHKULL i paskrupullt ne trupin e nje femre
Nuk e kemi lexuar eldoradon,ja po te shohim ty,;ti je eldorado me porsh,me pordhe,cope mishi me dy sy,qe te llaston plaku i shqupit,me lule per 8 marsin,cfaqje,fasade,skena me maloke,qe andej nga jane i rrahin grate 7 here ne dite.
Pse, o njerez, hidhni balte mbi nje grua qe, me shkrimin e saj, thote shume te verteta, flet fjale te mençura. Flisni keq per te pa asnje argument. Hidhni balte mbi “portretin” e saj, i cili mund te ishte portreti i bashkeshortes, nenes, motres, apo vajzes tuaj. Hidhni romuze dhe, me keq akoma, fyerje, sepse politikisht nuk mendon si ju? Kjo sjellje e juaja eshte shume e ulet. Lexojeni me kujdes shkrimin dhe verini “vath ne vesh” fjalet e saj.
Si gjiithmon kodra mbas bregut , flet bregu me turirin si te kalit…
Botojeni !!!
undefined
pasi i mbaroji pune ne shtepine e 430 m katror, te kesaj gruaje, qe vetem gjinia e konsideron te tille, pasi ajo flet si nje burre i pasjellshem vete, kudo ne tv si gazetaree deri ne parlament,
kjo gra para te shoqit u soll aq keq sa nuk donte ti paguante punen ke tij specialisti.dhe burri i sjellshem rintesikur te kishin nderuar role
burre u urte, i sjellshem fjale pak.
kjo eshte si nje burre i pasjellshem……qe shikon vetem deri te hunda esaj, per vehten e saj dhe kur erdhi znj,klinton ne shqiperi dhe theksoji zgjedhje, zgjedhjet, zgjedhjet, ne ambasaden ne tirane perpara ish diplomatit arvizu, kjo me grate burra topallin e quajti ambasadorin je bure i vockel………
kjo eshte burre edo te behet grua, megjithese zoti i dha kete gjini
Sa operacione plastike ke bere me korrupsion. Si ka mundesi qe canta jote, shtepia e jeta jote pse jane me te kushtueshme se rroga qe ke marre?
Sa per gra si Bregu eshte turp qe tu japesh fjalen.
E para nuk ben ndonje gje pervec te rregulluarit te flokeve. Ministria e integrimit ne kohen e kodrave pas bregut kishte vetem ca foto te retushuara te kesaj tyryfyles duke hedhur floket ne ere e duke bere shooping. Por pune te ndonje lloji pervec flokeve dhe llafollogjise nuk eshte eshte pare as me dylbi.
Se dyti grate si kjo na dolen pervec se tyryfyle dhe zhvatese te medha te pasurise publike. Nese degjuam ndonje pune te kodres pas bregut ishte shperndarja e lejeve te hidrocentaleve tek kunati dhe mbrojtja e lidhjeve e kontratava te motres me mafjose italiane te dorez se pare qe mbroheshin nga institucionet ku vegjetonte bregu. Dhe te te fjase nje shembull I tille per grate e shoqerine eshte pikerisht thelbi I degradimit te femres, sidomos ne kontekstin e Partite te Shqypit.
Jeni mese i sakte ,Artan.
I paska future dhe nje thumb gazetareve amerikane, dhe ben politiken ne Shqiperi..
Teveqele muti..ngelet duke u marre me pordhe si e tha njeri me siper
Majlinda boll me me ese adoleshentesh, coc kujton se shkruan dhe nuk thua asgje. shiko me mire floket dhe thonjte se per te tjera je zeroooooo
Nga pamja (kujdesi per fytyren, floket, veshjet e modes me te fundit) duken gra si sfilatave. Sa per fjalorin, diskursin, etiken…jane me keq se burrat me te vrazhde. Per mesime dhe keshilla…jane profesoresha te madha .