Berisha paralajmëron refuzimin e ftesës së Ramës: Basha e ka ftuar 37 herë

Ish­-kryeministri Sali Berisha, duke e quajtur të domosdoshëm dialogun politik për ecjen e vendit drejt proceseve integruese ka theksuar se është Basha ai që duhet të vendosë për ftesën e bërë dje nga kryeministri Rama, lidhur me reformë.

Berisha ka kujtuar se ftesa e Ramës vjen pas 37 ftesave publike që vetë Basha i ka bërë kreut të qeverisë, për dialog. Sipas Berishës u desh të vijë këtu komisioneri Hahn që Rama të bëjë zbulimin e madh se vendi paska opozitë dhe se kryetari u dashka ftuar në dialog.

“Paçka se kryetari i opozitës e kishte ftuar 37 herë atë për takim e debat e dialog kreun e mafies shtetërore”­ tha Berisha.

Në një deklaratë jashtë Kuvendit, pyetur nga mediat nëse do të pranohet ftesa e djeshme e Ramës për dialog Berisha u përgjigj: “Mendoj se vendimin për këtë e merr zoti Basha, kjo ftesë vjen pas 36 ftesave që Basha i ka bërë , mendoj se dialogu është i domosdoshëm, pa dialog vendi nuk ecën në proceset integruese, se si do zhvillohet, kush do e ndërmjetësoje e kush do e thërrase, të mos bëjmë luftë gjelash, ai e ftoi 37 herë dhe, ky e ftoi një herë”­ tha ai.

Berisha theksoi se asnjë nuk i interesuar për dialogun si të tillë por për dialogun e frytshëm, raporton Panorama.

“Problemi është këtu; ne këtu të gjithë, edhe ju, dhe çdo qytetar shqiptar nuk është i interesuar për dialogun si të tillë por është i interesuar për dialogun e frutshëm dhe rëndësi ka që të kemi dialog të frutshëm atëherë ky qëndim i zotit Basha dhe ky qëndrim i zotit Rama që shprehu në prani të komisionerit Hahn le të shqyrtohen por natyrisht duhet të jetë një gjë e pregatitur dhe jo një gjë për show mediatik që nuk shërben. Pra edhe mund të ketë facilitatorë, pra lehtësues, mundet dhe më shumë se lëhtësues po e rëndësishme për vendin është që të vendoset dialogu. Se nga do shkojë kjo mazhorancë, a do shkojë pas Kushtetutës apo në lokomotivën e Vali Leskajt, për këtë shkoni pyesni ata sepse unë nuk e di”­ tha ai.

LETRA/ Rama i shkruan Lulzim Bashës: Ne jemi gati, po ju?

12:42 Politika

FOTOT/ Basha dhe Topalli pozojnë me të arrestuarin për bombat me telekomandë?!

12:17 Politika

Na erdhën barbarët

12:13 Politika

Edhe Rakip Suli si Leskaj: Do t’i kërkoj Metës që mandati im të shkojë në Kushtetuese

11:16 Politika

Taulant Balla-demokratëve: Ku e keni Indiana Xhonsin, çfarë dorëzoi dje, pistoletën apo këllëfin e Ristanit?

11:52 Politika

Paloka e quan Ramën lëpirës të të huajve, PD bllokon sërish foltoren

11:20 Politika

Valentina Leskaj letër Metës: Mandati im të shkojë në Gjykatën Kushtetuese

10:49 Politika

Johannes Hahn bëhet gjysh në Tiranë

10:42 Politika

“Rrëzimi” i avionit të Meksit, flet ish-kryeprokurori i vitit 1992

09:52 Politika

Rama: Nano, mesazh pas ftesës që i bëra në Kongres

06:20 Politika