“Transit Albania”, ja si udhëzohen refugjatët të shfrytëzojnë Shqipërinë

Megjithëse ka gati 27 ditë që është krijuar, vetëm në 24 orët e fundit është bërë e njohur faqja në Facebook e krijuar posëërisht për rrugë të tjera alternative që duhet të ndjekin refugjatët tashmë të bllokuar ne Greqi pas mbylljes së “Korridorit ballkanik”, që kalonte në kufirin me Ish-Republikën Jugosllave të Maqedonisë.

Faqja në fjalë titullohet “Transit Albania & Italia” dhe jep udhëzime sesi refugjatët duhet të drejtohen për në Doganën e Kakavijës, më pas drejt qytetit të Vlorës dhe prej andej në brigjet italiane që janë veçse 70 km larg. Në fund të udhëzimeve, që janë edhe në gjuhën arabe, thuhet në menyre karakteristike “Gjej trafikantin tend lokal”.

Në faqen në fjalë publikohen hartat me këto rrugë që të çojnë drejt Italisë, në të cilat madje shkruhen edhe koordinatat gjeografike. Përveç faqes së Facebook-ut, trafikantët kanë krijuar edhe një llogari në Tëitter ku përgjithësisht informojnë për të njëjtat rrugë alternative nëpërmjet Shqipërisë drejt Italisë.

Informacioni përfshin gjithë pikat e kampeve ku ndodhen refugjatët në Greqi, sidomos në Veri të vendit dhe më pas doganat shqiptare të Kakavijës dhe Kapshticës, rrugët drejt Vlorës apo Fierit për të ikur më pas drejt Otrantos.

Mediat greke kanë bërë me dije në mbrëmjen e së mërkurës se shumë refugjatë në Idomeni kanë marrë edhe mesazhe me udhëzime për të ndjekur këto rrugë të udhëhequr nga trafikantët, por ky informacion nuk është konfirmuar deri tani.

Gjithashtu, disa ditë më parë, sipas FAZ, refugjatët ishin njoftuar se përveç Shqipërisë dhe rrugës detare të Adriatikut, që do të përdornin nëpërmjet një pagese nga 3000-5000 euro, mund të shfrytëzonin rrugët detare nga portet turke apo greke drejt Italisë me anije tregtare apo peshkarexha dhe përveç Athinës, një port tjetër do të ishte edhe ai i Gumenicës./ TCH

Truprojat e Erdogan çuditin Washingtonin, ja si sillen me protestuesit

15:22 Sociale

Rusia vazhdon sulmet ndaj ISIS në Palmira

15:19 Sociale

Trump: Gratë duhet të dënohen nëse kryejnë abort

15:15 Sociale

35 mijë të pastrehë në të gjithë vendin

12:34 Sociale

CNN: Shqipëria, një vend mysliman që e do Amerikën

10:40 Sociale

Edmond Tupja: Në komunizëm bëhej më shumë seks sesa sot, tek Liqeni kishte një godinë që quhej “Muzeu i Seksit”

09:37 Sociale

Tema TV / Edi Rama në “Tonight Ilva Tare” (VIDEO): Reforma në Drejtësi: Të biem dakord që mosdakordësia të mos jetë punë gardhesh nëpër parqe

21:15 Sociale

Shpresa të vakëta për të zhdukurit e komunizmit, procesi në vendnumëro

19:18 Sociale

Veliaj: "Tirana Art Fest", do të jetë kontrasti me atë që ndodh sot në Shqipëri

17:13 Sociale

Gara e ethshme për rektorin e Universitetit të Tiranës

16:41 Sociale