Ish- xhihadisti shqiptar rrëfen odisenë siriane

Albert Berisha, një ish xhihadist kosovar i cili udhëtoi për të luftuar në Siri, u shfaq para një gjykate në Prishtinë të hënën për të ritreguar versionin e tij të historisë dhe për të deklaruar se është i pafajshëm.

Berisha, i cili është diplomuar për shkenca politike në Universitetin e Prishtinës dhe ka një master nga Universiteti i Tiranës, u arrestua në vitin 2014 dhe u akuzua për pjesëmarrje në një organizatë terroriste. Kjo vepër penale dënohet me minimalisht pesë vjet burg.

Berisha tha se ai shkoi në Siri nga 6 tetori deri më 20 tetor 2013 për të ndihmuar opozitën e Sirisë në luftën e tyre kundër regjimit të Bashir Al-Assad, por nuk mori pjesë kurrë në luftime.

Kur mbërriti në Siri, ai kërkoi të bashkohej me formacione të përbëra nga shqiptarë “për të shmangur barrierat e gjuhës” dhe u dërgua të takojë Lavdrim Muhaxheri, komandantin e shqiptarëve që luftojnë për ISIS.

“Betohem në Zot se nuk pata dëgjuar kurrë për të dhe nuk isha takuar kurrë më parë me të,” tha Berisha kur prokuroria e pyeti nëse e njihte Muhaxherin që më parë.

Berisha pretendoi se ai kërkoi në internet për rreth dy orë kur disponohej energjia elektrike, duke u përpjekur se ku kishte përfunduar dhe pas kësaj i doli përpara një video e Muhaxherit.

“Atëherë unë kuptova se isha pjesë e organizatës së Shtetit Islamik dhe vendosa të largohem prej aty e të bashkohem me grupin Ahrar al-Sham,” tha Berisha.

Për shkak se arratisja nga ISIS po rezultonte e pamundur, sipas Berishës, ai përdori Facebook për të kontaktuar një shok në Kosovë dhe për të organizuar një plan ikjeje.

“Ai më dërgoi pas kësaj një SMS ku shkruhej se një familjar i imi qe sëmurë dhe unë duhej të kthehesha në shtëpi, të cilën e përdora si justifikim për t’u kthyer në Kosovë,” tha i dyshuari para gjykatës.

Berisha pretendoi se pas kësaj u bashkua me Ahrar al Sham, duke thënë se ai kishte kontrolluar edhe listën e organizatave terroriste të Departamentit të Shtetit të SHBA-ve për t’u siguruar se ky grupim nuk qe në listë.

“Grupi mbështetej financiarisht nga Katari, Arabia Saudite dhe në mënyrë jo të drejtpërdrejtë me armë nga SHBA,” tha Berisha.

Ndërsa Ahrar al-Sham nuk figuron në listat e organizatave të klasifikuara si terroriste në Perëndim, ai klasifikohet si i tillë nga Iraku, Siria, Irani dhe Rusia. Burime të tjera thonë se ky grupim ka lidhje me Al Nusta – degën e Al Kaedës në Siri.

Berisha tha se kur ai u kthye në Kosovë pasi Muhaxheri i dha atij leje për të ikur, një shqiptar nga Shkupi i pati thënë atij se “rekrutët e tjerë shqiptarë te ISIS qenë penduar që nuk e kishin vrarë” atë.

Berisha tha se ai kishte kaluar shumë pak kohë me Ahrar al-Sham për shkak të tensioneve në rritje mes tyre dhe formacioneve luftarake të ISIS dhe se ai nuk dëshironte të bëhej pjesë e luftimeve mes dy formacioneve.

Rreth 100 vetë janë arrestuar në Kosovë që nga shtatori 2014 me akuzën e pjesëmarrjes aktive apo atazhimit me grupime islamiste, përfshirë ISIS dhe Al-Nusra.

Më shumë se pesëdhjetë janë aktualisht në gjyq. Vlerësimet më të fundit të autoriteteve thonë se në total, rreth 300 kosovarë gjenden në Siri.

Vritet një tjetër shqiptar në Siri

18:17 Rajoni

Panama Papers zbulon llogaritë e personaliteteve të Ballkanit në parajsat fiskale

13:35 Rajoni

Humor me Ministrant e rinj te BDI: Bambini Demokratik për Integrim

11:35 Rajoni

Rumania ofron taksa të ulëta për makinat me më pak ndotje

09:39 Rajoni

“Panama Papers”: Në radhë janë publikimet për Ballkanin

21:06 Rajoni

FOTOT/ Tension dhe përplasje në Greqi: Refugjatët kthehen me forcë drejt Turqisë

12:41 Rajoni

Pse i plagosi ushtria shqiptare ushtarët jugosllavë në vitin 80? (VIDEO)

22:03 Rajoni

Biseda erotike e deputetes/ “Ne jemi perversë, Klinton shkoi me daktilografisten dhe çështja u mbyll”

16:39 Rajoni

Ironia e Vuçiç për pavarësinë e Kosovës: Ndoshta këto ëndrra edhe ju realizohen

14:03 Rajoni

Albin Kurti: Shtet të përbashkët për shqiptarët, të quajtur Shqipëri!

09:59 Rajoni