Ka punë sa t’dush!

Nga Enkel Demi

Diku në vitet e para ’90 një mik më rrëfente një ndodhi, tek priste tragetin në Portin e Triestes. Në një bar ishin bërë bashkë, shoferët e kamionëve, udhëtarët e tjerë dhe disa djem të rinj që jetonin prej pak kohësh në qytetin italian. Kuptohet krejt të panjohur me sho-shoqin bisedat kanë qenë të zvarritura dhe më shumë të përgjithshme para ndonjë birre. Ndërsa prisnin të gjithë bashkë, afrohen do burra të moshuar dhe çunakët pasi shkëmbyen do fjalë me ta i ndoqën për t’u kthyer pas nja dy orësh. Shoferët e kamionëve, kuptohet edhe më të rrahur me vaj e uthull, u kërkojnë djelmoshave që t’i qerasnin me ndonjë birrë, se kishin kapur ca pare, meqë ndoqën ata burrat. Djemtë krejt të revoltuar me këtë propozim qyli u thonë: “Shkoni ‘re punoni! Ka punë sa t’dush!!”

Kanë kaluar më shumë se 20 vjet nga kjo ndodhi, e cila qarkulloi si gazmore në ambjentet e gazetarëve, sepse ai që e tregonte ishte njëri prej nesh. Tash, nuk besoj se ka më djemuri që pret në sheshe portesh a stacione trenash, por gjërat janë bërë më hafif.

Fjala vjen, është një çikë shumë e bukur, e cila nuk e di përse është e famshme në Shqipëri, Kosovë e gjetkë, por ka ca muaj që veç poston foto nga plazhe e bazene ekzotikë të Orientit. Vajza është pothuaj gjithë kohës në format banjo, madje fton dhe të tjerë të shfrytëzojnë mundësitë që të afron ky treg jo më aq i largët. Nuk di që ky personazh që ne e klasifikojmë VIP të ketë ndonjë talent, të ketë mbaruar ndonjë shkollë biznesi a të ketë një profesion që kërkohet sot nga kapitalizmi si inxhinierët apo mjekët. Është një zanë e bukur dhe me sa kuptohet ka gjetur një shteg të sipërmarrjes që padija nuk na lejon ta thithim.

Nëse lundron në mediat virtuale ka plot vajza dhe djem që demonstrojnë një jetë shumë të pasur, mbushur me luks dhe gjithmonë të hareshme sa baba i një vajze 20 vjeçare më ankohej pikërisht për këtë realitet që raportohet në media. U përpoqa me vullnet t’i shpjegoja se ligjësitë e medias, raportimeve, konsumit dhe komercialitetit janë të këtilla sa jo rralllë janë ato që i imponohen medias, por zotëria kishte revoltë dhe të madhe shumë.

-Jo, or’ ti, më tha. Ç’më bën teori mua, ne këndej po përvëlohemi. Goca ime është copë-copë me mësime dhe kur i fola se kështu do të bëhet një hiç në jetë, m’u përgjigj që mos të mërzitesha, se do të bëhet si ato pjeshkat e internetit. Më iku mendja, vajza do që të bëhet k…!

Me thënë të drejtën dhe shumë faj nuk ka, se e bija është e bukur pikë. Racë e mirë ne shqiptarët, aq më tepër që punë ka sa t’dush.

Spiropali reagon ndaj Grida Dumës: Nuk kanë asgjë, dhe u qajnë hallin socialistëve. Pika!

16:04 Politika

Deputeti i PD-së, Bedri Hoxha: E vërteta e lajmit të një femre në hotel me mua

16:01 Politika

SHIFRAT zyrtare: Numri i pjesëmarrësve në referendum dhe sa votuan pro

13:39 Politika

"Shekulli": Referendumi një festë. Ramën e votuan edhe të papunët

13:18 Politika

“Ben, ik nga PS!”

13:08 Politika

"Fitova lirinë time", Blushi paralajmëron largimin nga PS?

13:04 Politika

Grida për referendumin e PS: Rama manipuloi zgjedhjet, por nuk e lejojmë ta bëjë edhe në 2017

12:29 Politika

MISTERI/ Sulmi ndaj makinës dhe çantat misterioze të deputetit të PD

11:38 Politika

FOTOT/ Lëviznin me pistoleta me silenciator, në pranga “të fortët” e Fierit

11:02 Politika

Konfirmimi: Vëllai i Alibeaj është arrestuar në Gjermani!

10:03 Politika