"Shekulli": Referendumi një festë. Ramën e votuan edhe të papunët

Pa ndonjë surprizë, gazeta “Shekulli” e Koço Kokëdhimës, e vuri numrin e saj të sotëm në shërbim të kreut të Partisë Socialiste. Kur po shtohen akuzat se referendumi i socialistëve ishte një farsë, se listat ishin të manipuluara, se kutitë ishin mbushur prej ditësh, se numri i votuesve nuk e legjitimon këtë proces, gazeta e Kokëdhimës flet për një atmosferë “festive” dhe zbulon “mekanizmin” se si u shtuan rradhët e socialistëve pjesëmarrës. Përpjekja nis me një reportazh në njësinë 5, në Tiranë, qendra më e madhe të votuesve socialistë të Tiranës.

“Nuk kisha ndërmend të votoja pasi nuk jam ndonjë socialist i thekur, por ngaqë ma kërkoi një kushëri që është i angazhuar në strukturat e partisë, erdhëm të votojmë bashkë me këtë shokun. Kuptohet për hatër”, i thotë “Shekullit” socialisti Bashkimi.

Citimet e socialistëve vijojnë me logjikën që kryeministri Rama ka shpalosur këto kohë për të mbrojtur veten nga akuzat se ai nuk pranoi të respektonte statutin për të zhvilluar zgjedhjet për kryetarin.

“Kryetari është kryeministër. Ka fituar dy herë zgjedhjet. Nuk ka logjikë ky referendum. Merreni kot me atë dhe i bëni qejfin”, thotë një grua, sipas “Shekullit”.

Gjuha e Ramës vazhdon më tej në këtë reportazh të gazetës së socialistit Kokëdhima në bastionin socialist në Tiranë. “Ben Blushi është ai që na bën si i zgjuar. Kam 25 vite në PS. Nuk kam parë njeri që të flasë kundër partisë së tij. Nuk mund ta tolerojmë pa fund”, vazhdon e njëjta grua.

Dhe sipas gazetës, në referendum morën pjesë edhe ata që nuk janë të kënaqur me qeverisjen Rama. Por gjithësesi e kanë votuar atë. Tamam si ajo socialistja që doli në televizione pak javë më parë në Vlorë, kur tha se do ta votonte Ramën edhe sikur pa bukë të ngelej. Është sërish një grua ajo që citohet nga “Shekulli”.

“Referendumi i sotëm po dëshmon se socialistët janë të kënaqur me keqqeverisjen e Ramës. Jemi si familje me PS-në. Kishim shpresë së fëmijët do të punësoheshin në shtet. Mezi i kemi shkolluar. Djali punon kamerier për 15 mijë lekë ndërsa vajza me master punon në call center. Për këtë gjë ne e votuam ne Ramën?”

Atmosfera e “festës” në PS s’kish si të mbyllej pa të qeshura. Ja si e përshkruan “Shekulli” atë në një dialog mes një votuesje dhe komisionerëve:

“Na kanë premtuar se po votuam do të na punësojnë në shtet”, shprehet më zë të lartë studentja Ermira Hyda. “Nuk je nga ato që punon për 40 mijë lekë ti jo. Me Iphone 6 ti nuk ke nevojë të punosh dhe të presësh rrogën e shtetit”, ia pret një nga komisionerët. Votojnë shpejt dhe mes të qeshurave dalin, për të vazhduar jashtë qendrës së votimit dialogun nëse do të punonin në shtet për 40 mijë lekë ose jo. Ndërsa i pyesim nëse punonte ndonjëri prej tyre përgjigja që marrim ishte: “Nuk punojmë për 40 mijë lekë. Po bëjmë gjithë këtë shkollë”. /Lapsi

“Ben, ik nga PS!”

13:08 Politika

"Fitova lirinë time", Blushi paralajmëron largimin nga PS?

13:04 Politika

Grida për referendumin e PS: Rama manipuloi zgjedhjet, por nuk e lejojmë ta bëjë edhe në 2017

12:29 Politika

MISTERI/ Sulmi ndaj makinës dhe çantat misterioze të deputetit të PD

11:38 Politika

FOTOT/ Lëviznin me pistoleta me silenciator, në pranga “të fortët” e Fierit

11:02 Politika

Konfirmimi: Vëllai i Alibeaj është arrestuar në Gjermani!

10:03 Politika

“Dita t’ u bëftë 1000, Dr.Berisha!”

21:49 Politika

INTERVISTA/ Tanja Fajon: Nëse reforma në drejtësi nuk miratohet në maj, mund të humbasin shumë vite

20:27 Politika

Referendumi i PS, Rama del fitues; vetëm 3 për qind kundër

20:01 Politika

Një vrasje dhe një nderim malësorësh: E vërteta e mermerit në helikopterin që (s)’u rrëzua në Shkodër

19:54 Politika