Te fundit
Sheshel paralajmëron hyrjen në Kosovë, policia: Nëse vjen do arrestohet
12 Prill 2016, 11:54Rajoni
TEMA
Paralajmërimi i kryetarit të Partisë Radikale të Serbisë, Vojisllav Sheshel se do të vizitojë sot veriun e Kosovës për të marrë pjesë në tubimin e partisë së tij në Mitrovicën e Veriut ka alarmuar Policinë e Kosovës, e cila paralajmëron se do ta arrestojë atë menjëherë pasi Ministria e Punëve të Jashtme në Prishtinë e ka shpallur person non grata.
Zëdhënësi i Policisë, Daut Hoxha ka thënë përmes telefonit për Top Channel se policia do të zbatojë vendimin e Ministrisë së Jashtme dhe në rast të ardhjes së Sheshelit nga pika kufitare, ai do të ndalohet aty.
Po ashtu, ai tha se edhe nëse Sheshel futet përmes rrugëve ilegale, sërish do të arrestohet nga forcat e rendit. “Policia e Kosovës, bazuar në vendimin e marrë nga autoritetet shtetërore do të ndërmarrë të gjitha masat e nevojshme konform detyrimeve ligjore”, ka thënë Hoxha.
Partia Radikale Serbe ka paralajmëruar se Sheshel do të mbajë një fjalim para qytetarëve të Mitrovicës, në veri të Kosovës. Kryeradikali serb është shpallur i pafajshëm nga Gjykata e Hagës edhe pse mbi të rëndojnë akuza të rënda për krime lufte në Kosovë dhe Bosnje.
Në shenjë pakënaqësie me këtë vendim, ministri i Punëve të Jashtme në detyrë, Petrit Selimi mori vendim për ta shpallur Sheshelin person non grata në Kosovë dhe t’ia ndalojë atij hyrjen.
2 komente në “Sheshel paralajmëron hyrjen në Kosovë, policia: Nëse vjen do arrestohet”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ju me nder t´i rruani topet Sheshejlit. Keni bythe vetem te arrestoni Albin Kurtin me shoke. Adem Jashari kthehet permbys ne varr kur shikon se cilet bashibozuke qeverisin Kosoven.
Plumbin kokes more. Cjane keto arrestime