Te fundit
FOTOT/ Rama te "Varrezat Kombëtare" në SHBA: Moment krenarie
14 Prill 2016, 10:56Politika
TEMA
“Një emocion i fortë, një vend unik, një moment krenarie si Kryeministër i Shqipërisë.” – e cilësoi Kryeministri Rama këtë moment gjatë një prononcimi për mediat.
Gjeneral Bradley A. Becker, Komandant i Përgjithshëm i Ushtrisë Amerikane së Distriktit Ushtarak të Washingtonit priti Kryeministrin e Republikës së Shqipërisë Edi Rama, gjatë një ceremonie nderi të Forcave të Armatosura të Vendosjes së Kurorës me Lule në varrin e ushtarit të panjohur në Arlington, Varrezat Kombëtare.
Ceremonia e vendosjes së kurorës u mbajt në nder të vizitës zyrtare të Kryeministrit në Shtetet e Bashkuara.
“Jam thellësisht i prekur nga këto homazhe dhe solemniteti i jashtëzakonshëm i një ceremonie të tillë. Sigurisht jam krenar që si Kryeministër i Shqipërisë me jepet mundësia që përmes kësaj pjese të vizitës sonë zyrtare në Uashington të dëshmojmë respektin më të thellë për heronjtë e këtij vendi të madh dhe njëkohësisht, përmes kësaj dëshmie të rikonfirmojmë miqësinë, partneritetin dhe sigurisht, gatishmërinë tonë për të qenë në krah të SHBA në çdo sfidë të përbashkët, si anëtarë të NATO-s dhe si partnerë strategjikë,” – ishte përjetimi i Kryeministrit Rama pas homazheve, në një nga çastet më të ndjera të ditës.
Kryeministri Rama ishte i shoqëruar në këtë ceremoni nga ministri i Jashtëm Ditmir Bushati dhe ministri i Brendshëm Saimir Tahiri.
3 komente në “FOTOT/ Rama te “Varrezat Kombëtare” në SHBA: Moment krenarie”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Dakort, xhest per tu pershendetur. Por, a e shef njeri anen protokollare, apo vk? Ajo shqiponje me bishtin si pallua, me putra ariu ne vend te kthetrave, nuk eshte standarti zyrtar i flamurit! Bota i kushton shume rendesi ketyre detajeve, atehere perse mos ti kushtojne dhe ne. Ambasades sone atje qe duhej te koordinohej paraprakisht me protokollin amerikan nuk i falet ky gabim!
Nese bota i kushton rendesi detajeve ?!-Kjo eshte pjese e pergatitjeve te mikpritesve …bota ne kete rast Usa !-Jane ata qe e kane pergatitur ceremonine e jo ambasada jone .Edhe Flamurin Shqiptar ,eshte detaj qe ATA e kane pergatitur si te gjitha detajet e tjera .Apoo çdo gje qe na sheh shtrember syri…faji i qeverise…faji i shqiptareve !!!?
te varrezat ne USA eshte krenari, kurse ne vendin tend e kane mendjen si t’i prishin varrezat e deshmoreve qe te bojne ca lek !