"Vështirë të provohet fajësia e Shullazit". I ka shpëtuar drejtësisë dhe në kohë të Berishës

“Për shkak të presionit shumë të madh politik, e për shkak të konfliktit prokurori-polici sa do jetë në gjendje gjykata të japë një vendim të drejtë. Është shumë e vështirë të provohet fajësia e Shullazit dhe dy personave të tjere. Në të njëjtën situatë ai ka qenë shumë herë dhe ose ka marrë dënim minimal ose ka dalë i pafajshëm.”- deklaroi Artan Hoxha në rubrikën “Opinion” në “News24”.

Sipas Hoxhës, prokuroria hetoi lidhur me Shullazin, duke e mbajtur jashtë policinë, pasi kishte dyshime se mund të kishte rrjedhje informacioni.

Lidhur me skenarin e kërcënimit të dy akademikëve Mynyr Koni dhe Dhori Kule, Artan Hoxha tha se policia nuk kishte asnjë dijeni, deri kur ish-kryeministri Berisha denoncoi publikisht Shullazin.

“Shullazi është një emër që është në kronikat e gazetave televizioneve prej më shumë se një dekade, edhe për ngjarjet ku është përfshirë, vazhdimisht ai i ka shpëtuar zinxhirit të drejtësisë në vend. Është arrestuar dhe liruar nga burgu edhe kur ka qenë PS në pushet dhe kur ka qenë PD.

Ka qenë herë me njërën palë dhe herë me palën tjetër, për të mos thënë që ka qenë me forcën që është në pushtet, për t’i krijuar vetes një lloj imuniteti. Gjithçka duket se ka nisur nga një deklaratë që ka bërë ish-kryeministri Berisha për denoncimin e dy akademikëve. Forcat e policisë nuk kanë patur dijeni deri në momentin që është bërë denoncimi nga Berisha.

Nga të dhënat e siguruara në rrugë operative rezulton se kandidati për rektor, Mynyr Koni sapo kishte lënë punën, po shkonte në banesën e tij që ndodhet pranë Universitetit të Shkencave të Natyrës. Ka qenë duke ecur në këmbë. Ai kujton se e ka ndaluar një Benz, ku ishin disa djem që i kanë kërkuar të hipte në makinë. Njeri nga djemtë i ka dhënë jam Emiljano Shullazi dhe kërkoj që të tërhiqesh nga gara. Ai është larguar me premtimin se do tërhiqej nga gara.

Më pas ai ka qëndruar i izoluar në shtëpi. Ka komunikuar me rektorin në detyrë Dhori Kule, të cilit i ka komunikuar se ndodhet në një situatë të tillë dhe do jepte dorëheqjen. Zoti Kule i ka thënë nuk duhet të japësh dorëheqjen. Por edhe rektorit Kule i ka prerë rrugën një autoveturë, që i njëjti person i ka thënë jam filani mos e pengo për të dhënë dorëheqjen kandidati Mynyr Koni.

Nga ky moment nuk dihet se si është njoftuar Berisha mbi këtë skenar. Policia i ka dhënë mbrojtje Mynyr Konit dhe të njëjtën gjë ka bërë për rektorin Kule dhe të dyve u është kërkuar të bëjnë deklarime lidhur me këtë ngjarje. Kjo ka krijuar problematikën tjetër. Kur janë thirrur në polici si kandidati për rektor ashtu dhe rektori nuk kanë identifikuar konkretisht se personi që u ka kërkuar të heqin dorë nga gara është Shullazi.

Kandidati për rektor ka thënë po më kanë ndaluar, dhe më kanë kërkuar të heq dorë nga gara. Ka thënë e njoh Shullazin si imazh por nuk e identifikoj dot nëse ka qenë ai. Pak a shumë të njëjtën gjë ka thënë edhe zoti Kule. Për këtë arsye policia ka shoqëruar, Emiljano Shullazin, kushëririn e tij Blerim Shullazi dhe Gilmando Danin. Për këtë rast Shullazi ka thënë nuk kam dijeni për këtë ngjarje.

Diku rreth orës 24:00 një oficer i policisë gjyqësore i krimeve të rënda i kërkon Drejtorisë së Policisë ekzekutimin e tre urdhër ndalimeve, prokuroria thotë se i ka hetuar, duke mbajtur jashtë policinë, pasi dyshonte se mund të kishte rrjedhje informacioni. Rasti i parë është kërcënimi i biznesmenit Jani Zaka për një garazh në tiranë. Rasti i dytë ka të bëjë me gjobëvënie të një biznesmeni kafeje në Durrës, rasti i tretë ka të bëjë me ish-Vollgën në Durrës.

Është një rast që ka patur një konflikt të vazhdueshëm. Fillimisht ajo pronë është shitur për rreth 800 mijë dollarë. Më mbrapa ka lindur problemi se një grup personash kanë tentuar ta marrin nga pronari ta marrin mbi veten. Në fakt kjo pronë është aktualisht pronë e pronarëve të vërtetë dhe 30% është pronë e Emiljano Shullazit. Dhe kjo pronë është e dhuruar”- deklaroi Hoxha.

DESHMIA E PLOTE/ Përballë Shullazit: Nesër do vijë djali i xhaxhait, kaloja pak atë pronën

18:10 Kronika

DETAJET/ Biznesmeni që denoncoi Shullazin është shtetas amerikan, mban dy emra

15:59 Kronika

Ja çfarë ndodhi të enjten me kandidatin për rektor të Universitetit të Tiranës!

14:47 Kronika

Aksidentohet myftiu i Korçës

11:10 Kronika

Dëshmia e biznesmenit të larguar nga Shqipëria, pas frikës për jetën: Si më kërcënoi Shullazi

09:26 Kronika

Xhaxhai i Aleks Nikës: E vrau Ndrea Prendi, duam hakmarrje përmes ligjit

09:14 Kronika

Saimir Beqiri kërkoi mbrojtje nga policia pas masakrimit të familjes Çapja

20:59 Kronika

Polici i dehur aksidenton kolegun, vdes në spitalin e Traumës efektivi

19:52 Kronika

Shullazi nuk pranon akuzat për gjobëvënie ndaj bizneseve

16:54 Kronika

Ben Blushi kërcënohet me “prerje koke” nga islamikët

15:57 Kronika