Ermira Mehmeti tregon të vërtetën e përgjimit erotik

Politika shpesh konsiderohet si një xhungël, ku më i forti arrin t’i mbijetojë pushtetit, sulmeve dhe intrigave që mund të thuren në korridoret e dhunshme të saj. Përjashtim nuk bëjnë as femrat. E fundit në listë ishte Ermira Mehmeti, deputete e BDI-së, e cila është një nga dy femrat shqiptare protagoniste në politikën e Maqedonisë.

Rreth një muaj më parë u publikua një përgjim telefonik ku supozohej se biseda zhvillohej mes saj dhe një zyrtari të lartë të BDI-së, zëvendëskryeministrit Musa Xhaferi. Ende sot, organet e hetimit në Maqedoni nuk kanë një përgjigje përfundimtare mbi autenticitetin e materialit të publikuar.

Deputete prej 8 vitesh e Parlamentit të Maqedonisë, Mehmeti tregon të vërtetën e saj për “Exclusive”.

“Unë kam bërë disa ekspertiza private lidhur me atë lloj përgjimi. Këto analiza kanë treguar se bëhet fjalë për një montim zërash. Janë ngjitur disa përgjime dhe është futur mes tyre edhe zëri im për t’i dhënë më shumë besueshmëri. Aktualisht ka një proces hetimor në Prokurorinë Speciale, organi më i pavarur i hetimit në Maqedoni dhe nuk dua të ndërhyj më tepër sepse dëmtoj hetimet. Është një konspiracion të rrezikshëm nga ata që duan të dëmtojnë politikanët shqiptarë në Maqedoni, e sidomos një politikane femër shqiptare. Në një situatë ku ka rënë sistemi i sigurisë dhe ligjit në vend, nuk mund të presim gjë tjetër përveçse konspiracioneve të tilla. çfarëdo që të themi në mbrojtjen tonë, nuk i plotëson pritshmëritë e opinionit. Ka qenë një goditje e rëndë. Qëllimi ka qenë që të tregohet se një femër shqiptare nuk mund t’ ia dalë në politikën maqedonase pa një aferë me një mashkull të pushtetshëm. Mendoj se është taktikë ose skenar që është përdorur historikisht në ish-Jugosllavi, kur duhej diskretituar një person publik”, tregon deputetja.

Ajo shton se qëllimi ka qenë të goditej edhe familja e saj: “Familja ime ka qenë dhe ngelet në krahun tim dhe e mira është se dolëm nga kjo histori edhe më të fuqishëm, më të bashkuar, për zhgënjimin e atyre që donin të më lëndonin”.

“Unë kam marrë 3 kërcënime, për fat të keq edhe nga shqiptarë, që tregon se krimi tejkalon barrierat etnike. Bëhet fjalë për njerëz që kanë histori me drejtësinë. Dua ta mbyll këtë histori që më ka lënduar, por nuk më ka rrënuar. Kam mësuar se është detyrë e imja që të ngrihem dhe të vazhdoj jetën dhe veprimtarinë time politike. Ua kam borxh votuesve të mi dhe familjes sime”, shtoi Ermira Mehmeti.

BE: S'ka më azil për shtetasit kosovarë

14:21 Rajoni

Serbët hidhen në aksion për ta penguar Kosovën në UEFA

10:14 Rajoni

EULEX arreston në kufi me Shqipërinë Azem Sylan

11:25 Rajoni

“Eurovizioni” ndalon flamurin e Kosovës, në listë me flamurin e ISIS

09:52 Rajoni

I dyshuari si bos i krimit shpërfill kërkesat e policisë

18:14 Rajoni

Mali i Zi përdori dhënien e shtetësisë për të joshur investitorët

15:24 Rajoni

Robelli: shikistë, pdkëistë, rugovistë, ldkëistë dhe sllobistë për ta shqyer këtë vend si ujku kur i bie kopesë!

17:29 Rajoni

FOTOT/ Sërish kaos në Lesbos, refugjatët përleshen me policinë

17:03 Rajoni

‘Invalidi i Zvicrës’, deputet i PDK-së dhe bandit i rrjetit kriminal

16:41 Rajoni

Azem Syla (Daja) shpallet në kërkim për abuzime me pronat e Kosovës në bashkëpunim me serbët. (Të mendosh që ishte Ministri i Luftës së UÇK!)

16:39 Rajoni