I famshmi Azem Syla, mashtrues i sigurimit social në Zvicër ku në mënyrë të paligjshme kishte përvetësuar sigurim invalidor prej mbi 400 mijë franga, i cili në vitin 2012 u dëbua nga Zvicra me vendim të Gjykatës se atjeshme, na del kreu i grupit kriminal të dallavereve me toka në Kosovë.

Deputeti i PDK-së dhe ish komandanti i shtabit të përgjithshëm të UÇK-së, në biznes të jashtëligjshëm bashkë me serb, kështu të përbashkuar në krim, hiç më pak se 30 milion euro dyshohet ta kenë dëmtuar Kosovën me prona shoqërore e private në Veternik dhe Çagllavicë.

I njohur si mashtrues, nuk është çudi lajmi sot i aksionit të Eulex dhe Policisë se Kosovës në ndjekje të tij. Është lajm përfshirja e aparatit shtetëror në krim të organizuar për kaq shumë vjet. Sepse dallaveret me prona përfshijnë një rrjet të gjerë të mashtruesve ku dirigjimi ka ardhur direkt nga ky zyrtarë i lartë i PDK-se.

Ato mashtrime me dokumente të pronave, bartjet e pronësisë, emërtimet, transferet, pagesat të gjitha janë bërë të mbështetura nga një sistem i gjerë i aparatit shtetëror. Pra, sot Kosova prodhon lajm të rëndësishëm ndërkombëtar.

Deputet i partisë më të madhe në pushtet, i cili edhe pse mashtrues në Zvicër, partia e tij jo vetëm nuk e ndëshkoj,por e la deputet dhe i dha mundësinë e zhvillimit të një aktiviteti kriminal. Ky skandal shkon përtej një aksioni policor në kërkim të Azem Syles, ky skandal i shumës 30 milionëshe është dëshmi e instalimit të rrjetit mafioz nëpër institucionet e Kosovës. Kështu Kuvendi i Kosovës zyrtarisht mund të shpallet çerdhe e krimineleve. E të gjithë ata që kërkojnë largimin e EULEX sado që nuk ka qenë i suksesshëm me pritshmëri tona, e kanë dëshmi se sa është gatishmëria në këto rrethana që është Kosova të luftohet Azem Syla & Co nga gjykatës e prokuroret vendor.

Krimi nuk është thjeshtë në duart e krimineleve ordiner, por e njerëzve me ndikim ne legjislativ, në Kuvend kur merren vendime, ata kanë aparatin shtetëror në duar në shërbim të nëntokës.

2 komente në “‘Invalidi i Zvicrës’, deputet i PDK-së dhe bandit i rrjetit kriminal”

ts says:

27 Prill, 2016 21:42 te 9:42 pm

Una facia una raca ! Kuvendi i shqiptareve kudo qe banojn qenka fole hajnesh, kriminelesh,e mashtrusish ! Zoti ju “shtoft”e shkofshi ne te semes ….

Përgjigjjuni
demokrati says:

28 Prill, 2016 03:50 te 3:50 am

Arbana, je gabim vajze e mire. Pa Azem Sylen dhe shqiptaret si ai, do ishit edhe ju duke marre azil te perjetshem, me baze invaliditeti, ne rastin me te mire ne Komunen e Fushe Krujes dhe ate te Topojes, ku u ngriten cadrat e OKB qe administroheshin nga bangladeshas, Shqiptare e mire je, por mos e digj jorganin per nje plesht, pasi keshtu si po vjen puna do ngelet pa dale ne gjyq te Hages vetem “kosovari i mire” halil matoshi dhe do ti kerkoni me qiri “mashtruesat” si Azem Sula. Lufta per liri qe ben Syla me shoke, nuk behej part time, femijet dhe familja e tij duhet te ushqeheshin, dhe shteti zvicerian qe mjel tere mashtruesat e botes, nuk ka te prishur persa kohe Syla nuk i perdori per droge e qef.Qellimi justifikon mjetin, po kerkoni nga shqiptaret te mbeteshin shenjt ku kishin perballe barbarine me te madhe qe ka njohur historia.

Përgjigjjuni