Te fundit
DOSSIER/ Raporti sekret për Rexhep Qosjen në ’70-n në Tiranë
29 Maj 2016, 09:27Dossier
TEMA
“Gazeta Shqiptare” ka botuar raportin sekret të ish-drejtorit të Institutit të Gjuhës dhe Historisë, profesor Androkli Kostallarit, drejtuar Komitetit Qendror të PPSHsë, lidhur me vizitën që bëri në Shqipëri, profesori i Universitetit të Prishtinës, Rexhep Qosja. Sipas dokumentit, i cili publikohet për herë të parë dhe i plotë, akademiku i njohur nga Prishtina, i cili asokohe mbronte disertacionin me një punim shkencor mbi figurën e Asdrenit, i ka deklaruar kolegut të tij shqiptar, Androkli Kostallarit, se “studionte marksizëmleninizmin dhe nuk kishte botëkuptim tjetër përpos atij marksistleninist”, se “vetëm socializmi do ta nxirrte Shqipërinë nga prapambetja e madhe”, “transformimi dhe krijimi i njeriut të ri, vepra kuptimplote”, “shumë domethënëse që Shqipëria vendi i parë në botë pa kisha e xhami” etj…
Qasjet e herëpashershme me qarqet politike të së majtës shqiptare, duket se nuk kanë qenë koniunkturale apo veprime të çastit, por të paramenduara dhe me bindje të plotë ndaj idealeve të tij të formësuara që nga koha e rinisë së hershme.
Kjo përshtypje të krijohet menjëherë ndërsa lexon raportin sekret me deklarime mjaft të indoktrinuara, madje tipike të një komunisti fanatik, ato që ka bërë akademiku Rexhep Qosja, gjatë vizitës disajavore që ai ka bërë në Shqipëri në vitin 1970, kur erdhi për të grumbulluar materiale dhe dokumente arkivore për disertacionin e tij mbi figurën e Asdrenit.
Deklarimet e prof. Rexhep Qosjes, të cilat gjenden në raportin që ka bërë për Komitetin Qendror të PPSHsë, kolegu i tij nga Tirana, Androkli Kostallari, duken tejet befasuese dhe gatigati të pabesueshme.
Themi kështu, pasi Jugosllavia e Titos së asaj kohe, pra periudha kur është formuar Rexhep Qosja si intelektual, vetëm emrin kishte komuniste. Pa paragjykuar aspak botëkuptimin dhe formimin e prof.
Qosjes, kundrejt bindjeve të tij politike, gjëja e parë që mund të diskutohet është vërtetësia e raportit. Pra, a i ka deklaruar vërtet ato gjëra prof. Qosja, apo janë shtuar a rregulluar nga shkruesi i raportit, i cili ka qenë edhe njeriu që e ka shoqëruar atë gjatë qëndrimit të tij disajavor në Shqipëri?
Po të kihet parasysh koha kur është hartuar ai raport, rregullat strikte që funksiononin në raste të tilla si dhe konsekuencat që mund të binin mbi personin që mund t’i sajonte apo shtrembëronte thëniet dhe deklaratat e personit që shoqëronte, automatikisht bie versioni se ato deklarata janë të manipuluara. Një version tjetër që mund të hidhet për diskutim është se, ato deklarata janë bërë nga prof. Qosja, si një haraç i paguar prej tij, për të përfituar lehtësira në punën e tij gjatë qëndrimit në Shqipëri. Por edhe kjo është pak e besueshme, po të kemi parasysh edhe vizitat e mjaft kolegëve të tjerë të prof. Qosjes në atë periudhë në Shqipëri (Idriz Ajeti, Hajrulla Gorani etj.), ku asnjë prej tyre nuk ka bërë deklarata të tilla, idenë me ato parulla e pllakate që kishte regjimi komunist dhe që gjendeshin kudo në vendin tonë. Po të kemi parasysh edhe raportin e hartuar për aktorin e famshëm nga Kosova, Bekim Fehmiu (botuar në “Gazeta Shqiptare” në muajin gusht 2015), gjatë vizitës së tij në Shqipëri, asgjëkund nuk gjen deklarata të tilla…
Por gjithsesi, bindjet politike janë e drejtë e çdo njeriu dhe askush nuk mund t’i imponohet kurrkujt… Bashkëngjitur raportit të prof. Kostallarit, në dosjen përkatëse që ndodhet në Arkivin Qendror të Shtetit (Fondi 14. Komiteti Qendror i PPSHsë, struktura), ndodhet dhe një studim i prof. Rexhep Qosjes, mbi Letërsinë në Kosovë dhe hierarkinë e vlerave të krijuesve kosovarë.
Një gjë tjetër mjaft interesante që vihet re në dosjen ku ndodhet raporti në fjalë, janë edhe disa poezi në dorëshkrim që kanë për autor Jakup Çerajën dhe Agim Vincën, dy intelektualë dhe krijues të njohur të viseve shqiptare në ishJugosllavi. Ata ia kanë besuar krijimet e tyre Qosjes, për t’i sjellë në Tiranë dhe për t’i botuar ato në ndonjë gazetë, porosi e cila u krye, pasi poezia e Vincës u botua.
Thamë pak më sipër “interesante”, pasi Agim Vinca në atë kohë është frymëzuar nga “akti heroik” i 14vjeçares Shkurte Pal Vata nga Dukagjini, e cila humbi jetën aksidentalisht teksa punonte si vullnetare në ndërtimin e hekurudhës RrogozhinëFier. Dhe kësisoj, ai ka shkruar një poezi (apo më saktë një poemë), për vajzën e ndjerë së cilës iu akordua titulli “Heroinë e Punës Socialiste”. Për të qenë më korrektë në gjykimin tonë, themi se sot këto poezi duken “jashtë mode”, por në kohën kur janë shkruar ishin më se normale dhe “të modës”, e të tilla krijime gjeje pothuaj te pjesa më e madhe e poetëve tanë.
Por gjëja “interesante” që thamë pak më lart, është indoktrinimi i poetëve shqiptarë përtej kufijve politikë, si rasti në fjalë i Vincës. Gjithsesi, këto gjëra dhe rasti i mësipërm duhen parë e gjykuar për kohën kur janë shkruar dhe rrethanat në të cilat është ndodhur autori.
10 komente në “DOSSIER/ Raporti sekret për Rexhep Qosjen në ’70-n në Tiranë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kush e ka shkruar kete artikull halldup?
DOSSIER per te qeshur dhe per te qare…
Ku eshte ketu sekreti???
Mero,faleminderit qe me genjeve dhe e lexova… ?
Pershkrim I sakte. Katunari pasi konsumon marksizmin kalon ne ekstremin tjeter duke promovuar islamofashizmin. Ky eshte Qosiqi.
Mero, eshte ende gazeta jote kjo, apo ia ke dhene me qira ose shitur pronarit te ’55? Po me kujton Frrok Cupin, kur u kthye perseri ne strofullen e vet.
undefined
Analize tip pacavure. Rexhep Qosja dhe gjithe inteleltualet kosovare nuk kane qene aspak te indoktrinuar nga ml-ja shqiptare, te cilen e shihnin vetm nga jashte, per nen ndikimin nacionalist, nga deshira per te qene te lire nga sundimi i huaj dhe endrra per t’u bashkuar ne nje atdhe shqiptaresh i besonin asaj qe degjonin, por qe nuk e njihnin nga brenda. Kaq eshte e tera ajo qe mund te nenkuptohet nga ajo qe ka shkruar shoqeruesi i Qosjes.
C’fare dosieri…Kush e ka jetuar ate kohe nuk habitet fare nga raporti i z. Androkli. E kunderta do te ishte e pazakonte. Nqse ne raport do te ishin shkruar te vertetat,sot z. Qosja do te ishte i persekutuar,do ti kishte bere disa vite ne Spac.
Cka deshe te thuash, se nuk po e kuptoj!?.
Me vjen keq qe dikush kerkon te manipuloje me shkrime te tilla pa vlere kunder nje figure te njohur shqiptare , si profesor R.Qosja . Lexova se ka marre pjese ne aktivitetin perkujtimor te vepres se Naim Frasherit ne Permet dhe ja hijena germon ne arkiva e nxjerr diça per ta nxire kete figure ne vend qe ta falenderoje per studimin e tij per poetin tone kombetar. Bashkohem dhe une me pyetjen e komentueses me lart firmosur si Lida Al : Z. Mero ! çpo ndodh me gazeten tuaj ?
P.S: Shpresoj qe moderatori juaj nuk do ta fshije komentin tim .
Me vjen keq qe dikush kerkon te manipuloje me shkrime te tilla pa vlere kunder nje figure te njohur shqiptare , si profesor R.Qosja . Lexova se ka marre pjese ne aktivitetin perkujtimor te vepres se Naim Frasherit ne Permet dhe ja hijena germon ne arkiva e nxjerr diça per ta nxire kete figure ne vend qe ta falenderoje per studimin e tij per poetin tone kombetar. Bashkohem dhe une me pyetjen e komentueses me lart firmosur si Lida Al : Z. Mero ! çpo ndodh me gazeten tuaj ?
P.S: Shpresoj qe moderatori juaj nuk do ta fshije komentin tim .