Lorik Cana: Ja pse i jam mirënjohës Granit Xhakës dhe Shaqirit. Kosova? 99% e shqiptarëve duan një kombëtare

Lorik Cana për Shqipërinë, shqiptarët e Zvicrës, e natyrisht Kosovën. Janë këto disa nga temat më interesante që prek kapiteni i Kombëtares në një intervistë të gjatë për portalin zviceran “Grenchnertagblatt.ch”, të cilën e nis me elozhet për Vladimir Petkovic, ish-trajnerin e tij te Lazio që tani do ta gjejë përballë në Europian në drejtimin e Zvicrës.

Padyshim që pjesëmarrja me Shqipërinë në Europian për Canën ky është kurorëzimi i një karrierë të gjatë me kapitenin që e bën të qartë menjëherë se skuadra jonë ka një mentalitet fituesi dhe dëshiron të fitojë cdo ndeshje, si dhe do të ketë në mbështetje tifozët fantastikë. Kur e pyesin mbi patriotizimin Cana shpjegon:

“Po, por kështu janë të gjithë lojtarët e skuadrës tonë. Padyshim që ne jemi paksa më krenarë për kombësinë tonë sa mund të jenë për shembull zviceranët”.

Për t’i shpjeguar përse-në gazetarëve nga Zvicra duhet rrëfyer historia e gjatë e Shqipërisë, Cana përpiqet ta shpjegojë edhe me faktin se shumë nga shqiptarët janë rritur jashtë vendit, por kanë ruajtur zakonet shqiptare dhe janë krenarë për historinë tonë, duke e etiketuar Kombëtaren si pikën që bashkon gjithë këtë forcë.

Gjithsesi nuk ka aspak mllef për shqiptarët që zgjodhën Zvicrën, kur gazetari e ngacmon duke i thënë se ka kritkuar Granit Xhakën, Behramin apo Shaqirin që luajnë për Zvicrën Cana përgjigjet:

“Jo nuk është kështu. Unë kam thënë se do të ishte mirë për ne në këndvështrimin sportiv që këta lojtarë të mëdhenj të luanin për Shqipërinë. Me ta ne do të ishim shumë më të fortë, por askush nga skuadra jonë nuk ka thënë një fjalë të keqe për ta. Madje unë iu jam mirënjohës për atë cfarë kanë bërë.”

Fjala mirënjohës padyshim meriton një shpjegim më të thellë të cilin Cana nuk ngurron ta bëjë:

“Ata kanë bërë dicka të rëndësishme për Shqipërinë dhe vecanërisht për shqiptarët e Zvicrës. Shumë prej njerëzve tanë Zvicra ju ka dhënë një shans të ri në jetë dhe Xhaka, Shaqiri dhe të tjerët kanë bërë më të njohur emrin shqiptar në Zvicër duke i kthyer dicka këtij vendi për mikpritjen që iu ka dhënë. Por sigurisht që ata janë shqiptarë, janë vëllezërit tanë.”

Do të ketë edhe një duel mes vëllezërish jo figurativisht në ndeshjen me Zvicrën, ai mes Granitit dhe Taulantit dhe Cana është i bindur se të dy do të japin më të mirën në fushë duke menduar vetëm për të fituar.

Një temë e rëndësishme është dhe ajo e Kosovës, kur Cana pyetet nëse mund të luajë për Kosovën në eliminatoret e Rusi 2018, dhe këtu qëndrimi i kapitenit është i njohur për të gjithë, me Canën që shprehet:

“Gjëja më e rëndësishme për mua është që Kosova nuk është më e izoluar. Tani futbollistët aty mund të jetojnë ëndrrën e tyre dhe të investohet më shumë në infrastrukturë dhe kampionat. Futbollistët Kosovarë ishin si të burgosur, tani janë të lirë. Vështirë se unë mund të luaj për Kosovën. Tani na duhet të gjejmë zgjidhjen më të mirë për të dyja skuadrat, Shqipërinë dhe Kosovën. 99% e shqiptarëve duan që të ketë vetëm një skuadër të vetme të fuqishme, por për arsye politike tani kjo është e pamundur.”

VIDEO/ Rama viziton kombëtaren në Bergamo përpara nisjes në Francë

09:08 Sport

“Modestia” e De Biazit: Për shqiptarët… unë jam Zoti!

18:23 Sport

Zviceranët: Fanellat e Shqipërisë po shiten si të ishin panine

14:05 Sport

TV francez 'shpërfill' Shqipërinë: Ndaj Ukrainës nuk ekzistoi në fushë

13:18 Sport

Tifozët shqiptarë, gati për të hyrë në librin e rekordeve, ja surpriza për kombëtaren

12:54 Sport

Akuzat e UEFA-s/ Rudi Vata: Skënderbeu e meriton dënimin, nuk më vjen keq

12:40 Sport

FOTO/ Refuzoi reklamimin e birrës, ja si e ironizon kompania Mavrajn

09:38 Sport

Cindy Marina, një 17-vjeçare merr në dorë lojën e kombëtares shqiptare të volejbollit

20:18 Sport

FOTOT/ Modelja e “zjarrtë” që po çmend Amerikën Latine

14:36 Sport

Sfidon Behrami: Gol Shqipërisë? Sigurisht që do të festoj!

12:58 Sport