Te fundit
Zbardhet debati me dyer të mbyllura: Ja mosmarrëveshjet Rama-Basha
7 Qershor 2016, 09:20Politika
TEMA
Takimi i shumëpritur mes kryeministrit Edi Rama dhe kryetarit të opozitës, Lulzim Basha, nuk prodhoi një marrëveshje për reformën në drejtësi.
Një gjë që pritej në fakt, pasi PD, dhe sidomos Berishë, prej kohësh kanë dhënë shenja se nuk do të votojnë pro asaj, duke nxjerrë njëra pas tjetrës, kushte të reja.
Takimi i mbajtur në një nga ambientet e Pallatit të Kongreseve nisi rreth orës 17:10 dhe përfundoi në orën 20:05.
“Panorama” ka zbardhur pjesë nga debati mes Ramës e Bashës në takimin 3 orësh pa media.
Kreu i qeverisë ka pranuar propozimin e opozitës për zgjedhjen e anëtarëve të institucioneve të Drejtësisë me 2/3-tat e votave të Parlamentit me një formulë zhbllokimi që në rast dështimi në dy raundet e para, të quhet i emëruar kandidati i parë i renditur ne listë.
Por Basha është shprehur se “vetëm vendet e rezervuara garantojnë moskapjen politike të sistemit”.
Në një moment gjatë debatit, Rama është shprehur se jep garanci për integritetin e emrave që do të përgjigjen, por Basha i është përgjigjur aty për aty se “garancinë e jep vetëm formula, jo fjalët”.
“Ti ke qenë vetë në karrigen e kryetarit të opozitës”, mësohet të jetë shprehur Basha.
Por Kryeministri Rama është shprehur se me formulën e PD-së, “të gjithë anëtarët e drejtësisë do të bëhen me ‘xhaketa politike’”.
Pas një diskutimi që ka vijuar për rreth tri orë dhe palët nuk kanë tejkaluar këtë ngërç, kryeministri Rama ka ndërprerë negociatat.
Ai ka thënë “mbledhja mbaron këtu. Meqë nuk ka dakordësi për çështje thelbësore, ne do të dërgojmë draftin e Reformës në Drejtësi për votim në Parlament”.
Lini një Përgjigje
Më të lexuarat
24 oret e fundit
Javen e fundit
Blog Tema
