Zonja e parë! Hillary drejt historisë

Hillary Clintoni është e para grua kandidate për Shtëpinë e Bardhë, në historinë e Amerikës. “Eshtë moment historik”, tha ajo pas fitores së të martës. “Mos lejoni askënd t’ju thotë se gjërat e mëdha nuk mund të ndodhin”

Hillary Clintoni siguroi vendin e saj në histori të martën, si e para kandidate femër për Shtëpinë e Bardhë, por Bernie Sandersi po refuzon ende që të heqë dorë.

Ish Sekretarja e Shtetit shfrytëzoi menjëherë këtë fitore të parë për të sulmuar kandidatin republikan, Donald Trump si dhe bëri një përpjekje për afrim me mbështetësit e Sandersit.

Por disa orë pas fitores euforike të Clintonit, sandersi foli përpara një turme brohoritëse në Kaliforninë e tij, duke shpallur se “lufta vazhdon”. Senatori i Vermontit u betua se do të qëndrojë në garë deri në primaret e javës tjetër në Uashington, si dhe të luftojë për drejtësi sociale, ekonomike, racore dhe mjedisore në konventën e Partisë Demokratike në Filadelfia.

Presidenti Barak Obama, që priti deri në përfundim të votimit, u telefonoi të dy kandidatëve për t’i përgëzuar për “fushatat frymëzuese që u kanë dhënë energji demokratëve”, sipas një deklarate të Shtëpisë së Bardhë.

Por Presidenti, i cili do të takohet me Sandersin të enjten, me kërkesë të senatorit, u vendos qartazi në krah të Clintonit, duke e përgëzuar që “siguroi delegatët e nevojshëm për kandidimin”.

“Fushata e saj historike frymëzoi miliona dhe është një vazhdim i betejës së saj jetësore për familjet dhe fëmijët e klasës së mesme”, thuhej në deklaratë.

Clintoni shpalli fitoren ekzaktësisht tetë vite pasi mbylli me humbje fushatën e saj brenda demokratëve, kundër Barak Obamës. “Faleminderit, kemi arritur një moment historik”, tha ajo gjatë një fjalimi në Brooklyn. “Fitorja e sotme nuk është për një person. Ajo u përket brezave të burrave dhe grave që kanë luftuar dhe sakrifikuar dhe e kanë bërë të mundur këtë moment”.

Clinton hipi në skenë në Brooklyn mes brohoritjeve të turmës, në atë lloj entuziasmi shpërthyes që ka shoqëruar gjithë fushatën e saj.

Në një përpjekje për t’iu afruar mbështetësve të Sandersit, Clintoni e vlerësoi senatorin e Vermontit për shërbimin e gjatë publik dhe i bëri jehonë një pjese të retorikës së tij progresiste./bota.al

FOTOT/ Nis “Anakonda”! NATO i tregon forcën Rusisë

15:59 Bota

Evolucioni i terrorizmit: Nga 11 shtatori 2001 deri sot

15:18 Bota

10 gjëra që nuk i dini për Hillary Clinton: Nga gara me pijen, te asistentja myslimane

13:37 Bota

FOTOT/ Putin provokon sërish Perëndimin, nëndetësja ruse futet në Kanalin anglez

12:24 Bota

NATO tregon 'dhëmbët' në dyert e Rusisë

15:52 Bota

Angela Merkel, gruaja më e pushtetshme për të shtatin vit radhazi

15:08 Bota

A po provokohet një luftë NATO-Rusi?

13:54 Bota

"Zotërit e luftës", SHBA dhe Gjermania në krye të shitjeve 5,8 mld dollarëshe të armëve

13:45 Bota

Tashmë është zyrtare: Clinton përballë Trump për president!

13:25 Bota

Historia e pabesueshme: Njëri vëlla pijanec e burgaxhi, tjetri president i Amerikës

09:56 Bota