Në ditarin e tij politik, “Përvoja ime në Partinë Socialiste”, profesor Servet Pëllumbi tregon zhvillimet e brendshme në këtë parti, pas kërkesës së Fatos Nanos për mocionin ndaj kryesisë.

Në 4 korrik 1996, tri ditë pasi mbërriti në PS mocioni i Nanos nga burgu i Bënçës, Pëllumbi jep dorëheqjen nga posti i aekretarit të Përgjithshëm të motivuar me mospajtim politik dhe organizativ me kryetarin e PS në lidhje me kërkesën e tij për mocion, me anë të së cilës, sipas Pëllumbit, sajohet një krizë e brendshme për të larguar një pjesë të drejtuesve të saj.

Por pas dorëheqjes së tij, ka ardhur edhe dorëheqja e sekretarit organizativ, Gramoz Ruçi, i cili, pasi kishte lajmëruar më parë se po shkonte pranë familjes, më pas kishte shkruar një motivacion për dorëheqjen e parevokueshme.

Në vijim të ditarit, që sillet nga Panorama, profesor Pëllumbi tregon mbështetjen që ka marrë nga zv.ambasadori amerikan në 1996-n, Smith, që e ka cilësuar atë dhe Namik Doklen si njerëz të sinqertë, ndërsa Nanon si njeriun që bashkëpunon me njerëzit e Ramiz Alisë.

Në ditarin e tij, Pëllumbi kujton letrën e Nanos më 10 korrik, në të cilin shkruan se ” e njoh situatën e krizës politike të pas 26 majit, si dhe gjendjen në PSSH-së të elektoratit jo më pak se ju; analiza dhe gjykimet e mia në cilësinë e Kryetarit… janë botuar në ZP…; iniciativa ime politike “Mocion për debat”… është kërkesë statuore e Kryetarit…; iniciativa ime në cilësinë statutore të Kryetarit… nuk krijon dhe askundërve ndonjë “grup” kundër individëve apo “grupeve” të tjera…; ajo përfaqëson një iniciativë të hapur për debat për çdo anëtar të zgjedhur nga Kongresi në KPD… që nuk përjashton askënd dhe nuk i kundërvihet askujt!”.

Pëllumbi shkruan se letra aspak miqësore e ultimative mbyllet me apelacionin:

“Rruga më e drejtë për PSSH është aderimi dhe miratimi me solidaritet i mocionit për reformimin e partisë, duke i dhënë fund konfliktualitetit jo parimor të Kryesisë me Kryetarin e burgosur, në dobi të fitores politike të partisë dhe jo të individëve që flirtojnë me të kaluarën e Enver Hoxhës apo të Sali Berishës!

Ky është kulmi, po ky nga na doli, nga qielli na zbret ky “Mesi”?! Nuk harron të shtojë në fund edhe diçka që e shton e nuk e mënjanon dyshimin: Mocioni parimor për reformim politik të PSSH-së nuk e lehtëson aspak gjendjen time personale (a familjare), as nuk shton gjë në reputacionin tim politik…

Reflektoni thellë se pazarllëqet meskine nuk mund (!) t’i bëjë një i burgosur politik prej tre vjetësh- Kryetari i Partisë suaj! Pazar i pistë (që s’është i pari!) apo ndershmëri? Po ia lë kohës ta gjykojë, sepse sot për sot nuk më lë veçse shije të keqe?”

2 komente në ““Fatos Nano, pazar me Berishën pas zgjedhjeve të 26 majit””

MetaMafia LSI says:

4 Korrik, 2016 10:37 te 10:37 am

Plehra te PS si Majtas e djathtas… Nye kuzhine ju ka gatuar…
Mallkuar!

Përgjigjjuni
edhe ti o brut ?! says:

8 Korrik, 2016 21:44 te 9:44 pm

NJE FARE RESPEKTI KAM PATUR PER SERVET PELLUMBIN SIDOMOS NE ATO KOHRA QE KERCENOHEJ DHE GJAKOHEJ NGA NAZISKINETE BERISHES..

POR SHPREHJA QE THOTE SE

“”ka marre simpati nga zv/ambasadori Smith per ate dhe Doklen SI TE SINQERTE kurse Nano shkonte me Ramiz Aline.

Ne ato kohra ishte pikerisht zv/ambasadori Smith dhe doklet me pellumbet qe nuk duhet te toleronin krimet e perbindeshme te berishes ku enveri dhe ramizi ishin lule para tij.

ngushellime servet pellumbi e ke lene rrugen e zotit

Përgjigjjuni