Europa League, eliminohet Kukësi. Austriakët fitojnë 4-1 në Elbasan

21 Korrik 2016, 21:45Sport TEMA

Kukësi ka mbyllur aventurën europiane në raundin e dytë të kupës Europa League pasi është mundur edhe në ndeshjen e kthimit nga Austria e Vjenës me rezultatin 4-1.

Në “Elbasan Arena”, verilindorët nuk kanë patur ritmin e ndeshjes së parë dhe kundërshtari i tyre ishte në një ditë më të mirë. Goli i shënuar shumë shpejt që në min 16 nga austriakët ka qenë një goditje psikologjike për skuadrën e Kukësit.

Venuto iu shmang mbulimit të mbrojtjes në krahun e djathtë dhe pasoi në shtyllën e dytë ku Kajode nuk e kishte të vështirë të dërgonte topin në rrjetë. 0-1.

Me fillimin e pjesë së dytë skuadra austriake vulos gjithçka duke shënuar edhe 3 gola të tjerë.

Në minutën e 58 austriakët ekzekutojnë me shpejtësi një goditje dënimi, prapavija e Kukësit gjendet e papërgatitur dhe Kajode shënonin golin e dytë.

Dhjetë minuta më vonë Koliqi nuk arrin të devijojë një top që vjen pas gjuajtjes nga jashtë zone të Holzhauser, 0-3.

Kur luhej minuta e 78, Hallaçi shfaqet i vetëm para Almer dhe dërgon topin në rrjetë me një gjuajtje me të djathtën për 1-3.

Për rezultatin përfundimtar 1-4 u kujdes Martshinko që me një gjuajtje nga jashtë zone shënon dhe futet në listën e golashënuesve.

2 komente në “Europa League, eliminohet Kukësi. Austriakët fitojnë 4-1 në Elbasan”

  1. Totila says:

    Se mos Austria e Wienes te cilet nuk kam pse ta fsheh i URREJ me ket kalim turi do te shkojne me tej .
    Jo , por Kukesi me ka impresionuar. Vitet e kaluara .
    Njiherit ju uroj sukses ne turet pasardhese te edicionit te ri ‘ 17-18 !

  2. Flash says:

    Hasan Lika vetem deshtime ka njohur si trajner.Edhe tangerlleku i lojtareve te Skenderbeut per te shfaqur vlerat individuale,pati rolin e vet ne deshtim.Gjithsesi,Kukesit dhe gjithe futbollit tone u uroj suksese ne te ardhmen!

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje