Te fundit
Diplomatja e Kosovës në Ankara bën propagandë për Erdoganin
28 Korrik 2016, 21:31Rajoni
TEMA
Nga Enver Robelli
Zyrtarja e Ministrisë së Punëve të Jashtme të Kosovës, Gülşen Bölükbaşi, shpërndan në Facebook intervistën e ambasadores turke në Prishtinë, ndërsa injoron prononcimet e shtetit kosovar, prej të cilit merr rrogën.
Ambasadorja turke në Republikën e Kosovës, Kıvılcım Kılıç, i ka dhënë një intervistë gazetës «Koha Ditore», ku ajo shpjegon qëndrimin zyrtar të shtetit turk ndaj përpjekjes për puç në Republikën e Turqisë para gati dy javësh. Me ton të ashpër dhe të ngjashëm me presidentin Rexhep Taip Erdoan dhe përkrahësit e tij edhe ambasadorja Kılıç është e bindur se pas tentimit për puç qëndron «organizata terroriste» e klerikut Fethullah Gülen. Përfaqësuesja turke në Prishtinë po ashtu ka mbrojtur masat kundër gjyqtarëve, prokurorëve, gazetarëve, ushtarakëve dhe personelit arsimor. Sipas njoftimeve të deritanishme të mediumeve perëndimore rreth 60 mijë shërbyes civilë janë larguar, suspenduar apo arrestuar nga qeveria turke nën akuzën apo dyshimin se kanë qenë pjesë e rrjetit që organizoi puçin. Mes të arrestuarve janë edhe dhjetëra gazetarë. Organizatat ndërkombëtare për mbrojtjen e të drejtave të njeriut kanë protestuar kundër represionit në rritje nga ana e qeverisë turke.
Qeveria e Kosovës e ka dënuar përpjekjen për puç në Turqi, por ashtu si shumica e shteteve perëndimore është rezervuar nga komentet euforike apo miratimi i masave që po ndërmerren në Turqi kundër çdo kritiku të regjimit të Erdoanit. Por duket se një mendim tjetër në lidhje me puçin në Turqi e ka zyrtarja e Ministrisë së Punëve të Jashtme të Kosovës (MPJ), Gülşen Bölükbaşi. Ajo të enjten është kyçur drejtpërdrejt në propagandimin e versionit zyrtar të Ankarasë në lidhje me mësymjen për puç: në profilin e saj në Facebook Bölükbaşi e ka shpërndarë intervistën e ambasadores Kıvılcım Kılıç – dhe atë nga profili i Ambasadës së Turqisë në Facebook.
Diplomatja kosovare Bölükbaşi, ndërkaq, nuk ka shpërndarë asnjë qëndrim të Ministrisë së Jashtme të Kosovës në lidhje me zhvillimet e fundit në Turqi dhe në marrëdhëniet mes Kosovës dhe Turqisë. Raste për këtë ka pasur plot. Për shembull ministri i Jashtëm, Enver Hoxhaj, i ka dhënë një intervistë Radios Europa e Lirë pas një note verbale të Ambasadës së Turqisë, ku Kosova trajtohej si vilajet osman dhe kërkohej të ndërmerreshin masa kundër gazetarit Berat Buzhala pas një shënimi satirik të këtij të fundit në profilin e tij në Facebook. Në lidhje me këtë aferë mediale dhe diplomatike është prononcuar edhe zëvendësministri i Jashtëm, Valon Murtezaj, por as qëndrimin e tij nuk e ka parë të udhës ta shpërndajë diplomatja Gülşen Bölükbaşi, ndonëse ajo merr rrogë nga shteti i Kosovës.
Ndonëse është pjesëtare e pakicës turke në Kosovë, si diplomate Bölükbaşi është e obliguar të jetë lojale ndaj shtetit që e ka dërguar në Turqi. Duket se nga ana e Ministrisë së Jashtme të Kosovës ajo gëzon një trajtim të privilegjuar, sepse, sipas burimeve nga MPJ e Kosovës, Bölükbaşi ka marrë tri herë poste diplomatike në Turqi – dy herë në Ankara, njëherë në Stamboll – një praktikë kjo e pazakonshme. Privilegje të tilla gëzojnë edhe diplomatë që kanë «origjinën e duhur» rajonale dhe janë shquar për militantizëm agresiv në shërbim të Partisë Demokratike të Kosovës, e cila sillet si pronare e shtetit ngjashëm me partinë AKP të Erdoanit.
Mandatet e diplomates Bölükbaşi në Turqi janë vazhduar nga MPJ përkundër faktit se eprorët e saj u kanë bërë apel drejtuesve të MPJ-së në Prishtinë që ajo të kthehet në selinë e MPJ-së në Prishtinë. Në mesin e stafit të MPJ-së ka disa diplomatë që janë pjesëtarë të pakicave në Kosovë dhe shumica e tyre shquhen për zell në punë dhe lojalitet ndaj shtetit të Kosovës. Duket se ky nuk është rasti me diplomaten Bölükbaşi. Kundër punës së saj ka pasur ankesa në rrugë joformale edhe nga shqiptarët në Turqi.
11 komente në “Diplomatja e Kosovës në Ankara bën propagandë për Erdoganin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
pune pederash sunite ,varu Dervish Malluten………
Ah moj USA dhe EU qe ndertuat Shtetin Islamik te Kosovostanit.
Brezat e ardhshem Europian no ndiejn turp per Euvropen e USA e sotme.
Pirdhu mor rrac e poshter Sllavo Pisi,si ta nxen goja ni fjal te till.
Ju shkerdhefsha “minoritetin tyrk” ne Kosove! Ate bomben ja vune ambasades turke apo …
Kosova e ka sherrin e gjate, me 1389 iu fut mullari Perandorise
Bythantine, me 1989 apo 600 vjet ma vone, poaty iI fut fitili Jugosllavise artificiale, nji dekade ma vone, me 1999 iu qi nona sllavo-Serbise, ka gjasa qe me 2019 poaty do t’i futet fitili Kalifatit te Erdoganit, ma ne fund do t’i futet malluta ime Tfgs1 dhe Helaqistanit, kjo
oshte prognoza!
Fakti qe masat qe merren deshmojne jo per nje grusht ushtarak shteti, por per nje kunder-revoluacion anti-demokratik nepermjet sherbimit te fsheht Turk qe eshte bere vegel personale e Erdoganit. Ky kunder-revoluciom I organizuar e I drejtuar nga Presidenti I Plote-fuqishem Erdogan, I maskuar me rolin e tij ushtarak ne NATO, do te terrorizoje mbare Turqine. Por mase progresin ekonomik te shtetit nuk do ta prek.
Uroje nuk vjen erdogari edhe ketu ne Greqi te na q,, nenat,,boll i mbajtem 400 vjet ne kuriz sunnitet nuk duroen me
Kosovo u nda perjetesisht nga trualli meme 500 vjet me pare.Ajo tash a Turqi e vogel n’mes te ballkanit ku flitet gjuha Kosovare dhe jo Shqip.
Pervec prrallave dhe gje agjezave ,nuk ka asgjo te perbashket nga kultura dhe mentaliteti midis ketyne dy popujve.
Kjo është kushërira e Bylykbashit tonë që i bëri oponencë ndryshimeve kushtetuese. Nuk e dija që qenka turk Bylyku “ynë”
Kjo zoja shpreh vullnetin e 99,5%
SI PERFAQESUESE E MINORITETIT TURK ,PUNONJESE NE M.J.TE KOSOVES,ESHTE E DETYRUAR TE SHPREHI QENDRIMIN ZYRTAR TE MIN.JASHT TE KOSOVES PERNDRYSHE TE LARGOHET QE ATY .TE SHKOJE TE PUNOJE NE MIN JASHT.TURKE.DUAN TA BEJNE KOSOVEN SALLATE.NJE SHTET I RI QE POSA ESHTE SHKEPUTUR ME AQ MUND NGA SERBIA TANI DUNET TE BEHET KOLONI E TURQISE,SE NUK MJAFTUAN 500 VJET,