Vetting-u/ Zbulohen 10 kundërshtimet e PD, rezerva për rolin e ndërkombëtarëve

Demokratët nuk bien dakort në të paktën 10 pika me draft/ligjin që mban firmën e OPDAT dhe EURLAIUS, për rivlersimin e gjyqtarëve dhe prokurorëve. Ekspertët demokratë kërkojnë detajimin e rolit të operacionit ndërkombëtar të monitorimit në proçes dhe përputhjen e tij me amendamentet kushtetuese. Gjithashtu kërkohet rishikimi i rolit të ILDKP dhe Drejtorisë së Sigurisë së Informacionit të Klasifikuar në proçesin e vlerësimit të pasurisë dhe kontrollit të figurës. Demokratët kërkojnë dhe detajim të proçedurës së përzgjedhjes se anëtarëve të organeve të  rivlerësimit.

Janë 10 çështje që Partia Demokratike kudërshton në ligjin për rivlësimin e gjyqtarëve dhe prokurorëve, të cilat tashmë ndodhen për reflektim  në tryezën e ekspertëve të nivelit të lartë.

Këto 10 çështje Partia Demokratike i ka argumentuar  në detaj në një material prej 55 faqesh.

Oponenca e Partisë Demokratike nis që me tekstin e projektligjit, i cili sipas ekspertëve të selisë blu,  nuk detajon proçedurën e përzgjedhjes dhe emërimit të anëtarëve të organeve të  rivlerësimit, si dhe proçesin e vlerësimit të kandidaturave, duke e lënë kështu këtë proçes në diskrecionin e organeve të përfshira në proçedure.

Gjthashtu ekspertët demokratë i rikthehen sërish rolit të operacionit ndërkombëtar të monitorimit të cilin nuk e gjejnë të pasqyruar mirë në ligj.

 “Roli i OMN dhe vëzhguesve ndërkombëtar të jetë në përputhje me nenin B dhe pikën 7 të nenit C të Amendamenteve Kushtetuese, që i koncepton ato si rojtarë që sigurojnë në veçanti transparencë, ndërsa kompetencën vendimmarrëse e lenë në duart e organit të brendshëm”.

Në opinionin e tyre, demokratët kërkojnë dhe rishkimin e rolit të Inspektoratit të Lartë të Kontrollit të Pasurive dhe  Drejtorisë së Sigurisë së Informacionit të Klasifikuar.

“ I gjithë procesi i vlerësimit të pasurisë dhe kontrollit të figurës duhet të rikonceptohet, në mënyrë që të japë të gjitha garancitë e nevojshme që do të arrihet rezultati i pritshëm. Masa e jashtëzakonshme e rivlerësimit duhet të zbatohet ekskluzivisht nga organet e posacme të vettingut, pa asnjë rol aktiv të organeve ekzistuese, të kontrolluara apo nën varësinë e Kryeministrit”.

Për ekspertët demokratë, ligji i vlerësimit të gjyqtarëve dhe prokurorëve ka paqartësi për rastet e përjashtimit të kandidatëve nga konkurimi, mënyrën dhe arsyet e këtij përjashtimi, si dhe të drejtën e ankimit për përjashtimin.

Sipas PD, proçesi i rivlerësimit duhet të përmbushë standardet për një proçes të rregullt ligjor, duke mbajtur në konsideratë konstatimet e Komisionit të Venecias, ndërsa argumentohet se projektligji  nuk detajon listën e plotë të komponentëve që përfshin vlerësimi profesional.

Periudha e vlerësimit profesional duhet të garantojë mos ndërhyrjen e organeve të vettingut në vendimmarrjen konkrete për çështje që kanë në dorë gjyqtarët apo prokurorët./ Oranews

FOTO LAJM/ Ambasadorët fusin në "terapi" Lulzim Bashën

18:43 Politika

Si e telendisi Berishën “qytetari dixhital”

17:25 Politika

Çmendet Berisha, denoncon për kanabis kryekomunarin e fshatit “Qivrym”

16:37 Politika

Meta–Basha takim i papritur në Rinas, të dy bashkë drejt Vienës

16:07 Politika

Djali i Meidanit vlerëson LSI: Mban në këmbë këtë qeveri ngrehinë, është një kolonë e kuqe

15:27 Politika

Kushtetuesja: Nishani, shkelje ligjore me dekretimin e datës së zgjedhjeve në Dibër

14:52 Politika

Nishani çuditet nga deklarata e PS: Zgjedhjet në Peshkopi të zhvillohen të lira më 11 shtator

14:44 Politika

Spektakli socialist dhe ëndrra e thyer e PD

12:53 Politika

Vlahutin: Disa gjyqtarë janë ndër njerëzit më të pasur në vend dhe pse kanë pagë 800 euro në muaj

10:54 Politika

Andi Bejtja i jep zemër Kokëdhimës: Është i sinqertë. Fol Koço!

10:49 Politika