Denoncimi i PD/ Prokuroria nis hetimet për shefat e policisë

Pas denoncimeve të Partisë Demokratike, për implikimin e shefave të policisë në kultivimin e kanabisit në vend, Prokuroria e Krimeve të Rënda është vënë në lëvizje.

Burime për “Panorama” bëjnë me dije se Krimet e Rënda kanë nisur hetimet ndaj të gjithë drejtorëve të Policisë në qarqe dhe shefave të komisariateve të përmendur në listat e denoncimeve nga ana e demokratëve.

Vendimi për nisjen e hetimeve vjen sot, pas denoncimit të radhës të bërë nga kreu i grupit të PD­së, i cili numëroi të tjerë emra drejtorësh policie të përfshirë në kultivim dhe kujdes për ruajten e parcelave të mbjella me kanabis në vend.

Denoncimi i PD

Ervin Hodaj, Drejtor i Policisë Tiranë, sebashku me zëvendësin e tij, Ermal Muca, janë të implikuar në kultivimin e bimëve narkotike dhe vjeljen e 30 përqindëshit në zonat Peze, Preze, fshatrat mbrapa malit të Dajtit, Zallherr, në Kombinat me sera, deri në kufi me Durrësin dhe Kavajën.

Jeart Çela, Drejtor i Policisë në Vlorë, lidhje e fortë e Tahirit dhe vëllezërve Habilaj. Menaxhon drogën në Novoselle, Mifol, Vjosë, Nartë, Panaja, Zvernec, Trevllazer. Më tej në Risili – Llakatund – Trevllazer- Mekat – Kanine, dhe zona e trete eshte Vranisht – Llakatund_ Terbaq – Mesaplik – Gjorm – Brataj- Ramic – Sevaster. Vlen për tu theksuar se zona Armen- Kocul –Selenice – Pocem që lidhen me fshatrat e Tepelenes kontrollohet nga grupi i shoqërimit të ministrit Tahiri.

Afrim Tafa, në drejtorinë e Policisë Berat, sëbashku me shefin e komisariatit të Skraparit, Ferdinand Dusha dhe me Shefin e Komisariatit Berat, Learton Hoxha kanë nën përgjegjësi drogën në afërsi të Malit të Tomorrit nga krahu i Beratit ku janë mbjellë rreth 80.000 rrënjë kanabis, dhe krahu i Skraparit ku janë mbjellë rreth 100.000 rrënjë.

Edmond Targaj, Drejtor i Policisë Qarku Dibër, ka nën hyqëm 12 grupe kriminale nga tepelena vlora dhe dibra, që mbjellin e trafikojnë drogën. Zonat ku është përqendruar ky aktivitet janë fshati Vicisht me rreth 20.000 rrënjë bimë cannabis, fshati Muhurr me 15.000 rrënjë, fshati Qaf – Muhurr me 17.000 rrënjë dhe fshati Shupenzë, me rreth 50.000 rrënjë. Porosia është të mos pranohet asnjë ofertë më pak se 10 mijë rrënjë. Ndihmësi i Edmond Targajt në dibër, është Robert Aga, i përfolur në cdo raport të shërbimeve partnere për rolin e tij kyc në trafikimin e drogës.

Fatmir Lleshi, në detyrën e tij si shef i Komisariatit 4 në Tiranë, në bashkëpunim me deputetë të PS-sënë Tiranë, u kujdesën për drogën në zonën e Tujanit, dhe në rrethinat e Dajtit. Me ndihmën e inspektorit të policisë Demaliaj dhe Alban Ahmetaj, menaxhohet dhe kanabisi i Shëngjergjit.

Erjon Ismailaj, shef i Komisaritatit të Policisë Krujë, i përfshirë drejpërdrejt në kultivimin e kanabisit, ku mendohet se janë rreth 75.000 rrënjë. Ky shef komisariati dorë e Shullazit dhe Tahirit ka keqtrajtuar dhe mbajtur peng disa ore inspektore të mjedisit që konstatuan arat me droge, dhe i kërcënuan me jetë nëse flasin.

Henrigert Mitri, menaxhon mbi 40 mijë rrënjë në zonën e Burrelit, ku është shef komisariati, një njohje e vjetër e Shullazit dhe Erjon Braces. Ishte shef komisariati në Lushnje, kur ndihmoi për fshehjen e provave pas rënies së avionit me drogë në Divjakë.

Në ditët në vijim, do të bëjmë publike të tjera të dhëna për kontrollin e cdo pëllëmbë toke në vend të mbjellë me drogë nga Edi Rama, me drejtuesit e tij të policisë.

Kështu e ka ngritur ai perandorinë e drogës në vend, që po mbyt ekonominë e ndershme dhe po shfrytëzon varfërinë e fshatarëve. Ky biznes gjigand kriminal, po rritet cdo ditë, për të siguruar miliona euro për Edi Ramën e oligarkinë e tij, para që Edi Rama planifikon ti përdorë në zgjedhje për të blerë votat.

VIDEO e vjedhjes së bankës në Vlorë: Kallashin në kokë arkëtares

14:24 Kronika

Arrestimi i punonjësve të SGS në Shkodër, reagon kompania: Ja e vërteta

12:50 Kronika

Vlorë, gjendet i vrarë me plumb në kokë një person

10:34 Kronika

“Shekulli”: Policët nuk e ndihmuan turistin rus, ishin të zënë me ruajtjen e Ramës dhe Blair

10:23 Kronika

Gabitja/ Punonjësit e bankës: Mendonim se lëviznin minjtë

10:07 Kronika

E pabesueshme/ Banka e grabitur nuk kishte kasafortë për paratë. Paratë “siguroheshin” në një dhomë me mure të zakonshëm

09:30 Kronika

Kryefamiljari masakrohet nga grabitësit, plumba në të dyja këmbët që të tregonte paratë

09:25 Kronika

Dyshimet/ Ardit Gjoklaj mund të jetë vrarë teksa flinte në Sharrë

09:17 Kronika

Bënte propagandë pro ISIS, Italia dëbon sipërmarrësin shqiptar

09:07 Kronika

Ismail Kadare shtrohet në spital

18:10 Kronika