Te fundit
Të nderohet vrasësi!
19 Gusht 2016, 11:29Blog
TEMA
Nga Durim Madhi
Edhe njëherë nuk munda të rri pa i’u përgjigjur kushërirës së “tronditur” për vetëflijimin e “vrasësit të dashur, të mirë dhe të butë” që u sakrifikua nga e pabesia dhe tradhëtia e një vajze të re.
Të nderohet vrasësi! Kushërira e tronditur dhe e përmalluar nuk mund të pranojë se ai është kriminel, por një i “ndershëm” që tradhëtonte gruan, një gjysh ashik i femrave të reja, një vrasës i çmendur nga dashuria, ndërsa ajo e poshtra, viktima, tradhëtare dhe e pabesë e donte për para.
Mos më thoni që është mendësi e një fshatareje nga një fshat i qytetëruar, pasi pak si shpesh kriminelin po e kthejmë në hero, në vendin tonë të “skifterave”, ndërsa viktimat i harrojmë fare. Bile në të shumtën e rasteve i bëjmë fajtor.
A e dini pse?! Sepse ata viktimat janë varfanjakë, të këputur deri në gremisje, se po të ishin ndryshe nuk do ishin viktima.
Ndoshta edhe gaboja dikur, kur mendoja kështu, por sot nuk ka burrë nëne që ma ndryshon mendjen. Kur pashë se si qytetar, fshatarë, “ushtarë” dhe shërbëtor të rrjeshtuar, po përcjellin në banesën e fundit, me arkivol në krahë, pa e hypur në makinën e funeralit, vrasësin e “dashur,” për t’a respektuar, u binda se sa jemi gremisur në honet e zeza të pashpirtësisë.
Si mundet një femër, një nënë, të bëjë hero kushuririn vrasës dhe fajtore një vajzë të re, që nuk kishte vrarë askënd?!
Një vajzë të re që kishte një ëndërr: Ti largohej jetës mizerje në këtë vend me të gjitha menyrat.
Kjo ishte mundësia e fundit dhe e vetmja e kësaj vajze. Kjo ishte mundësia, që nuk i dha asgjë, por i mori gjithë ç’kishte, jetën.
Shumë moralist dhe femra të “ndershme” do thonë: Pse kështu realizohen ëndërrat e rinisë? Kjo është rinia jonë? Por moraliteti juaj nuk vlen!
Unë e njoh shumë mirë rininë tonë, sepse aty jam dhe vetë dhe gajasem së qeshuri kur u dëgjoj.
Njohë shumë vajza të reja të rinisë së “kulluar”, që nuk lënë gjë pa bërë, për të arritur një jetë që e kanë parë vetëm në ëndërra. Doni apo nuk doni ju, kjo është jeta bardhë e zi, pa ngjyra dhe drita.
Por, përpara se të më shisni moral a mundet të më përgjigjeni pa “maska”:
A mund të më thotë dikush, se çfarë kishte bërë ajo vajzë, më shumë se plot vajza të tjera, që nuk përshtaten dot me realitetin e hidhur ?! A nuk ka plot vajza që nuk e pranojnë fatin e keq që u ka rënë dhe duan ta ndryshojnë me çdo mynyrë?!
A nuk jeni ju shkrimtar, gazetar, vjershëtar, poet, këngëtar e shqiptarë, që doni të na mbushni mëndjen, se “dashuria nuk njeh moshë”. Po tani, çfarë faj moral ka bërë kjo vajzë endrrimtare, që i’u lexoi dhe dëgjoj ju?!
Për të realizuar një ëndër, njeriu përdor të gjitha mjetet edhe ata më të gabuarat, sepse është në ndjekje të saj dhe nuk ka kthim pas.
Ndërsa, për të marrë një jetë, as më shumë e as më pak, duhet të jesh kriminel dhe vrasësi nuk ndjek asgjë, vetëm se plotësonte preversitetin e tij. Dhe ju e nderuat “kriminelin e mirë”, sepse jeni shpirtëshitur.
Si mundet të duroni dhe mos t’ju vijë keq për shpirtin tuaj, që është nxirë blozë dhe nuk ka kohë për t’u zbardhur.
Si mundet ju o të mjerë ta bënit këtë?! Ndërsa vajzën e re ëndërrimtare, e mbuluat me dhe shpejtë e shpejt, sikur të kishte vdekur nga mortaja, në varrin e vrasësit, ulurima, fjalime.
Jo fjalime dosido, por fjalim si ky, që kushurira e kishte lexuar me letër e lot: “Ai ishte një burrë i ndershëm dhe me zëmër të madhe, biznesmen i suksesshëm, me shpirt, që na ka ndihmuar të gjithëve. Humbja e tij, një dhimbje e madhe për ne, fshatin dhe gjithë ata që e kanë njohur”.
Këtë e përsëritët disa herë, ju të gjithë, miqtë, shokët dhe të afërmit e “kriminelit të dashur dhe të mirë”.
Nuk kam asgjë tjetër për t’ju goditur, veç se fjalën e rëndë: Një njeri i mrekullueshëm, si ju more qëlbësira, por pak kriminel dhe pak pusht.
Një plak i pafytyrë, që i’u paska dhënë ndonjë kothere bukë dhe ju paskeni qënë gati ti jepnit dhe gratë, t’ju a q…. por vetëm të mos t’ju a vriste.
Kaq të poshtër jeni që nderoni dhe respektoni një vrasës pa moral, pa shpirt dhe të çartallosur nga çmënduria e aventurës.
Lotët po më shpërthejnë nga sytë, për “kriminelen viktimë”, e për dhjetëra viktima të pafajshme, që mbulohen me turp, pa bërë asnjë turp.
Lotët po më shpërthejnë nga sytë, kur mendoj se si ishte vrarë barbarisht një vajzë e re, pa bërë asgjë të keqe dhe vrarë dy herë nga fyerja dhe poshtërimi. Lotët po më shpërthejnë nga sytë, kur kujtoj tufat me lule, që u hodhën mbi varrin e vrasësit dhe as një trëndafil ferre, mbi varrin e viktimës.
Lotët po më shpërthejnë nga sytë, kur shikoj rracën time, si është transformuar nga varfëria dhe mizerja. Lotët po më shpërthyejnë nga sytë, kur i them vetes të vërtetën e hidhur: Edhe unë jam pjesë e këtij kombi të tjetërsuar.
A do dal dikush që do ta ndal këtë krim shpërfytyrues, sepse ne rinia nuk po mundemi?! Jo se nuk duam, por, sepse vendi është mbushur me prevers pleq si ky.
Këta janë ata që na mësojnë, na tregojnë, na ndihmojnë dhe në fund na vrasin. Jo se na vrasin fizikisht, por na vrasin gjithçka që kemi falas, ëndërrat, shpresat dhe qëllimet, vetëm se janë vrasës në gen.
Dalin pervers që kanë njëqind menyra për të vrarë dhe gjejnë njëqind mënyra për t’u nderuar si kriminel heronj.
Ndaj më duket se edhe ajo që vdes e fundit, sot më ka vdekur. Zoti na mëshiroftë! Na e humbët rrugën në oborrin e shtëpisë tonë dhe nuk dimë çfarë bëjmë, o njerëz që nderoni krimin!
11 komente në “Të nderohet vrasësi!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
bej durim o Durim der sa te vij dita se do ta gjesh rrugen per ne paradiso…………..hahahaha!
nejse,autori ndihet i irrituar pasi de facto eshte inferior,kjo per arsye qe dihen mes diversitetit te dy kulturave,dy feve : njera e shikon robin si rob te Zotit dhe se meriton te percillet si rob ne banesen e fundit ,askush nuk lind kriminel………..
Ndersa feja apo kultura tjeter e shikon femren si nje qen dhe sipas tyre nuk meriton respekt……..
Pra,ndryshimi eshte 1000vjecar……….jetojme nen nje djell por nuk jemi te gjithe njelloi,kjo eshte normale!
Askush nuk lind kriminel,por kur behet kriminel mbetet i tille edhe kur vdes!
More vesh more BASDARD e BIR PUTANE ?
Nese ky njeri kaq bamires do ishte vertet i tille, do ndihmonte kete familje duke i siguruar buken e gojes pa pasur nevoje te shfrytezonte rastin per te pasur marredhenje me vajzen 35 vjet me te re. Mendoj cfare perversi dhe sa keq qe kjo vajze e mjere vuajti kaq shume per ti siguruar familjes buken e gojes. Cfare perversi qe se la ate te jetonte me ate qe donte por te vdiste si nje martire e varferise.
Durim, ke bere nje shkrim te bukur por me bukur do te ishte sikur te merje insiativen te beje dicka me konkrete, te merrje nje tufe lule dhe ta vendosje tek varri ku prehej ajo vajze fatkeqe dhe mbas teje te vijme me rradhe dhe ne te tjeret…..
E lini kete muhabete o gazetare, dihej se ca ndodhi plaku me leke blinde dashuri dhe ne funde kure vajza donte te ikte e vrau. Nje gje dihet qe ne shqiperi maskarenjet hajdutet dhe kurvaret i mbajne per njerez te zote, keshtu lere o gazetare se gjynahe pere gocen e re qe iku. Po dhe babaje i goces ka faje tha na ndihmonte plaku me fidanet e seres nuk na mirte leke, qe dihwt qe dhe vllaje njeher te ndimone nuk te jepe gjithmone pa leke keshtu qe familja duhet te bejne shum kujdese.
ARTIKULLI me i bukur dhe me i godituri dhe me i verteti qe kam lexuar kto 25 vjet ne kto gazetat tona, uroj nje sukses ne jet kti qe ka ber kte artikull esht nga te paktet njerez qe thon te verteten siç esht ne kte vend rrespekte per kte artikull sa te vertet dhe domethenes respekte.per njerez si ky artikullshkrus vendi ka shum nevoj.
Shkrim shume i bukur dhe i vertete! Femrat shqiptare jane per gjynah nga mentalitei qe eshte ketu. Nje njeri qe te do as mund te lendoje dhe jo te vrase ne menyre aq barbare duke te bere copash sa as arkivolin se hapen se kishin frike se tmerronin te gjallet. Dhe keto plehrat e Krutjes e nderojne kriminelin se kushedi ju ka falur ndonje fidan me e shumta. Paska qene nga ato mostrat qe dhe per nje fidan te falur te merka jeten. Kurse nje vajze te re, viktime nuk pranojne as ta varrosin. Kafsheri!!!
Shkrim brilant
Pergezime per autorin
E pa imagjinushne,por ja qe eshte realitet kjo kalbesire e shoqerise shqipetare
E kuptoj dhe ndiej shqetesimin tend, Durim, por ama ke nje gabim te madh qe insiston ne shkrimin tend: “do kerkoje rruget per te jetuar me çdo menyre…” Jo, Durim me çdo menyre, se menyrat jane me porno, me vjedhje, me vrasje….me pune duke mbjellur e shitur domate…ose hashash…Pra menyrat nuk jane te gjitha efikase per jeten dhe prandaj ndodhin keto qe ndodhin se jane terbuar vajzat, duan ate qe s’e arrijne ne menyre te ndershme, jane terbuar pleqte qe kane para se duan ate qe eshte e pandershme, po ploteson huqin idiotesk te tyre. Dhe sa kohe qe ta kerkosh jeten me te gjitha menyrat e pandershme, fruti i saj kjo do jete. Pse shume njerez sot perkrahin krimin plitik? Per interesa te pandershme momentale. Keshtu i kultivoi shoqeria dhe shteti njerezit keto 25 vjet. Kerkoje gjekundi te drejten.
Bravo o Durimmadh! Presjen nuk te luaj! Prandaj po rrokullisemi cdo dite e me shume ne batak se nuk kemi parime.
Edhe ne bote paraja vleresohet, por prandaj jane krijuar parimet dhe rregullat etike e ligjore qe paraja mos ti shnderroje njerezit ne mostra.
SHQIPTARE KUR DO E KUPTONI QE DO FITONI STATUSIN NJERI VETEM KUR MOS VINI PARANE PARA JETES, SHENDETIT DHE DINJITETIT????!!!!!
Ai qe te blen njehere me leke, me pas te trajton si gje te blere , pra THJESHT SI MALL!!
Po ti vllajo s’gjete emer tjeter!?