Te fundit
Ulqinakët kërkojnë ullishtat, shteti jugosllav ua mori në 1978
16 Shtator 2016, 16:10Rajoni
TEMA
Qytetarët e Ulqinit janë mbledhur në një takim mbrëmjen e së enjtes për të kërkuar kthimin e ullishtave qindravjeçare në Valdanos, një zone bregdetare me bukuri përrallore edhe turistike.
Historikisht ajo ka qenë pronë e 204 familjeve shqiptare që jetojnë në Ulqin, por në vitin 1978 kjo zonë u shtetëzua nga qeveria jugosllave, për arsye ushtarake, pavarësisht se asnjëherë nuk u përdor si e tillë.
Shteti Malazez e shfrytëzoi për prodhimin e vajit të ullirit dhe së fundi qeveria malazeze ka deklaruar se nuk do t’ua kthejë pronarëve këto ullishta. Kryetari i komunës, Nazif Cungu, tha se sipas qeverisë, pronarët mund t’i marrin për shfrytëzim ullishtat, por banorët kërkojnë që ajo t’u kthehet pronarëve.
“Ajo është pronë shumë e vjetër, ajo është kulturë e jona si shqiptarë. Aty ka yllinj gati 2 mijë vjeçar. Qëndrimet tona janë që pa kompromis ajo të kthehet”, shprehet Nazif Cungu, kryetar i Komunës Ulqin.
Ndërsa Genc Nimanbegu, deputet shqiptar në Parlamentin e Malit të Zi, pohon se është kërcënuar me dalje nga koalicioni qeverisës nëse kjo pronë nuk u kthehet pronarëve të vërtetë.
“Vazhdon një luftë juridike për kthimin e kësaj prone sepse edhe Kuvendi i Komunës së Ulqinit disa herë ka marrë vendimi të cilat të ndihmohet në mënyrë ligjore pronarëve. Duhet të bëhet një Tsk Forcë juridike, me të cilën të ndihmohemi edhe ne si deputet edhe shoqatat që të bëhet ligjërisht kthimi i pronë”, shprehet Genc Nimanbegu, deputet shqiptar në Parlamentin e Malit të Zi.
Ndërkohë, qytetarët e pronarët e Valdanosit shprehen se do ndjekin çdo rrugë ligjore, përfshi dhe protestat, derisa prona e tyre t’u kthehet.
1 komente në “Ulqinakët kërkojnë ullishtat, shteti jugosllav ua mori në 1978”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Dhe une shqip flas, brenda kufirit shqiptar dhe kam te njejtin problem si shqiptaret nen pushtimin sllav si shqiptaret e Camerise! Kerkoj token time, kam dhe vendim gjykate por bandat politike ne Tirane, te cilet bejne politiken serbo greke nuk ma njohin ! Jam I bind se me pare do I merrni ullishtet ju se une pronen time!