PD: Karteli i Ramës i pandalshëm, Tahiri: Akuza e baltës, është thjesht politikë

Pas operacionit të përbashkët mes Policisë Shqiptare dhe asaj italiane në kuadër të luftës kundër narkotikëve, i cili u finalizua sot me kapjen e 1 ton kanabis në Brindisi, ministri i Brendshëm Saimir Tahiri paralajmëroi interpretimin e opozitës mbi ngjarjen, gjatë një fjalimi mbajtur me rastin e ceremonisë inauguruese të godinës së rikonstruktuar të MPB.

“Sot një mjet lundrues me lëndë narkotike u kap në Itali pas një operacioni mjaft të suksesshëm të policisë sonë dhe pas informacionit që u dhamë partnerëve italianë. Në mos kanë dalë, prisni kur të dalin e të na akuzojnë prapë sot, pavarësisht se ky është një sukses i policisë dhe besimit reciprok që kemi me partnerët. E meqë Policia Italiane të paktën deri tani ka kapur vetëm mjetin dhe jo trafikantët, ju siguroj me shumë bindje që askush nga opozita në Itali nuk do të dalë në konferencë për shtyp dhe të akuzojë Policinë Italiane se i lanë vetë me dashje trafikantët të iknin. Kjo e jona është një betejë e dyfishtë: njëherë me krimin në çdo cep të Shqipërisë, e po kaq me baltën këtu në kryeqytet.

Por unë kam një mesazh për të 11.000 punonjësit e Policisë së Shtetit. Mos u mërzisni. Vazhdoni luftoni. Dhe fitoni çdo betejë, në çdo rrugë dhe çdo cep të Shqipërisë. Kjo e akuzave dhe e baltës, sado e përditshme, fatkeqësisht është thjesht politikë. Ajo që nuk duhet të shohim më me sy, që duhet me patjetër të hedhim pas krahëve njëherë e mirë. Por është thjesht politikë”, ishte reagimi i Tahirit.

Nuk kaluan disa minuta dhe Partia Demokratike e mbajti fjalën. Nga selia e saj, kreu i Departamentit të Rendit dhe Sigurisë Enkelejd Alibeaj lëshoi akuzat e përditshme për lidhje të qeverisë me narkotrafikun.

“Me makinë, me avionë, me skafe, në çdo lloj rruge, mjeti e forme, tonetala me drogë nisen çdo ditë drejt Europës nga karteli i Edi Ramës. Sot në Brindizi të Italisë është kapur një skaf me 1 ton drogë, ngarkesë e nisur nga grykderdhja e Vjosës, zona e influencës së habilajve të Tahirit. Jane kapur po sot, duke u futur në Maqedoni disa thasë me drogë. Megjithë alarmin publik, me gjithë denoncimet e qytetarëve, të Partisë Demokratike, asgjë nuk e ndalon drogën, kultivimin e trafikimin e saj. Nuk ndalet se ky është biznes qeveritar, është e vetmja alternativë që Edi Rama u ka lënë shqiptarëve. Kur droga mbulon vendin, dërgesat do të shtohen, karteli fuqizohet dhe merr në dorë rrugët ajrore, detare, tokësore”, tha Alibeaj.

Ministria e Brendshme me godinë të re. 264 yje në Murin e Kujtesës

12:27 Kronika

Tahiri i kërkon Ramës rritje page për 11 mijë policë

12:02 Kronika

FOTOT/ Transformimi i Ministrisë së Brendshme dhe “Muri i Kujtesës”

11:31 Kronika

Kapet një gomone me 1 ton hashash në Brindizi, ishte nisur nga Mifoli

10:04 Kronika

Avokati i pilotit italian të rrëzuar: Piloti italian nuk ka thënë asgjë! Janë spekulime lajmet e dhëna në media

09:21 Kronika

Himarë, çifti shqiptar grushta me një çift gjerman

09:04 Kronika

Vdekja e të paraburgosurit me zemër, Policia: Familjarët s'patën asnjë ankesë për trajtimin që i bëmë

23:39 Kronika

Arratiset me të dashurin, sajon pengmarrjen nga frika e babait

21:25 Kronika

Tahiri mbështet deklaratat e Metës për kanabisin dhe thekson raportet e huaja: Luftë me rezultate

14:38 Kronika

Vendimi i gjykatës/ Festat e romëve, Ksera i bënte me biznese funeralesh

15:45 Kronika