Kuba kërkon produktet “Made in Albania”.

Ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi  priti në ambientet e MZHETTS  ambasadorin e Kubës në Bullgari, Pedro Pablo San Jorge, i cili mbulon edhe Shqipërinë. Qëllimi i takimit lidhej me intensifikimin e  marrëdhënieve tregtare edhe ekonomike mes Shqipërisë dhe Kubës pasi është larg potencialit që ekziston.

Ministrja Ekonomi shprehu nevojën e  firmosjes të një Memorandumi Mirëkuptimi i cili do të promovojë zhvillimin e mëtejshëm të marrëdhënieve  dy palëshe pasuar nga memorandume të bashkëpunimit ekonomik, investimeve  si dhe ato për turizmin.

Duke u ndalur në shkëmbimet tregtare ministrja Ekonomi u shpreh se “ eksportet shqiptare të   bulmetit, vajit te ullirit, mjaltit dhe bimëve medicinale tashmë janë  shumë të suksesshëm në tregjet botërore. Sëbashku me komunitetin e biznesit duhet të shikojmë mundësitë që këto produkte Made in Albania të mbërrijnë edhe në tregjet kubaneze”.

Ndërkohë ministrja e ekonomisë i  theksoi ambasadorit edhe nevojën e shkëmbimit kulturor nëpërmjet turizmit dhe jo vetëm.

Ministrja në vazhdim të bisedës u shpreh se “qeveria shqiptare e inkurajon Kubën për të shqyrtuar qëndrimin e saj në njohjen  e pavarësisë së Republikës së Kosovës”, gjë të cilën nuk e ka bërë ende.

Për këtë ambasadori u shpreh  se “çështja është duke u marr në konsideratë nga qeveria e Kubës”.

Gjatë bashkëbisedimit  ambasadori Pedro Pablo San Jorge e vuri theksin në  rëndësinë e hartimit të protokolleve të bashkëpunimit në shumë fusha midis dy vendeve.

Duke i bërë një panoramë të situatës në Kubë, ambasadori  shprehu qasjen e politikës së Kubës kundrejt tërheqjes së investimeve të huaja në vend dhe suksesit të arritur me shumë vende të Bashkimit Evropian.

“ I vlerësoj  mundësitë e bashkëpunimit ekonomik midis dy vendeve dhe shikoj se ekzistojnë  oportunitete  tregtare të shumta mes Kubës dhe Shqipërisë. Investimet shqiptare në Kubë janë të mirëseardhur” u shpreh ambasadori Pedro Pablo San Jorge.

Në këtë kuadër Ambasadori e pranoi propozimin e ministres Ekonomi për nënshkrimin e  një marrëveshje bashkëpunimi ekonomik midis dy vendeve, përfshi edhe shtimin e kontakteve midis institucioneve përkatëse.

Ambasadori shprehu gatishmërinë për bashkëpunim në turizëm, e sidomos tërheqjen e investimeve në marinat detare dhe fushat e golfit. Sikurse edhe për tërheqjen e investimeve shqiptare drejt Kubës  në energji, atë te ujit dhe të erës, duke e konsideruar vendin tonë me eksperiencë në sektorin hidroenergjetik.

Ai përmendi gjithashtu interesin e pasjes të investimeve shqiptare  në fushën e përpunimit të ushqimit, bujqësisë, ndërtimit dhe infrastrukturës si dhe të eksportimit të produkteve shqiptare drejt Kubës.

10 VIP-at e 2015-s: Ekonomia në udhëkryq

12:09 Ekonomia

Të rimendosh tregun e naftës

10:09 Ekonomia

Interkonjeksioni Shqipëri-Kosovë është i bllokuar nga Serbia

20:29 Ekonomia

Nga droni te biznesi, shqiptarë e serbë bëjnë marrëveshje ekonomike

19:58 Ekonomia

Në Shqipëri punojnë 100 firma nga Serbia

16:09 Ekonomia

Rritet besimi i biznesit/ Ahmetaj: Sakrificat e reformave po shpërblehen

15:57 Ekonomia

A i ka qeveria 100 milionë euro për rritje pagash?

18:56 Ekonomia

Alpha Bank Albania takime me partnerët e biznesit në të gjithë Shqipërinë

15:51 Ekonomia

71 HEC-e në zonat e mbrojtura

09:54 Ekonomia

Nobel, Ekonomia dhe Modeli Anglosakson

20:16 Ekonomia