VIDEO/ Gazetari provokon Ramën: Çdo thonit nëse Tsipras shkruante se Skënderbeu është gjysmë grek?

Kryeministri Edi Rama deklaron për gazetarin grek Alexis Papahelas se Shqipëria dhe Greqia duhet të ulen dhe të gjejnë zgjidhje për problemet e mbetura pezull. Rama thotë se interesat e shqiptarëve dhe të grekëve janë më të mëdha se problemet politike. Duke folur për foton e Akropolit, kryeministri tha se me të nuk synohej që Athina të paraqitej si një qytet shqiptar, por shtoi se qëlloi që ishte një shqiptar që e mbrojti atë nga bombardimet.

-Zoti Kryeministër, faleminderit që ratë dakord për ta zhvilluar këtë intervistë. Faleminderit që erdhët. Më lini t’ju bëj një pyetje, pikë së pari. Si e shihni marrëdhënien e Shqipërisë me Greqinë në këtë pikë? 

Mendoj se, nëse e shohim në tablonë e madhe, është një marrëdhënie shumë e rëndësishme. Ka qënë e qartë, po ashtu, në strategjinë tonë për politikën e jashtme, që Greqia është partner strategjik me të cilin ne kemi shumë gjëra për të ndarë së bashku dhe shumë gjëra për të arritur për një të ardhme më të mirë. Por, në të njëjtën kohë, duhet që hera-herës të zbresim te kjo tabloja më vogël, pasi ka dhe çështje të mbetura pezull dhe që në këndvështrimin tim kemi nevojë t’i zgjidhim me anë të dialogut, nëpërmjet bujarësisë e mirëkuptimit të ndërsjellë dhe me bindjen e qartë se qoftë interesat e shqiptarëve e grekëve janë më të mëdha sesa ajo që mund të bëjnë këto çështje, që do të thotë të na ndalojnë të ndërtojmë sëbashku një të ardhme më të shkëlqyer.

-Më kujtohet një intervistë në vitin 2003, ju ishit kryetar bashkie asokohe dhe thatë diçka që më la mbresë. Ju thatë se problemi me vendet e tona të Ballkanit është se ka shumë histori. Më pas më kujtohet postimi që keni bërë në Facebook për një shqiptar që kishte shpëtuar Akropolin. 

Nuk është e mrekullueshme?! Nuk është e jashtëzakonshme?! Nuk më besohej se çfarë zhurme krijoi kjo foto në Greqi. Ndërkohë që, ajo që unë bëj është thjesht të mbaj një kronikë me foto në faqen time të Facebook-ut, që në fakt postohet çdo ditë në orën 20:00 dhe që ka të bëjë me historinë. Por, e parë nga këndvështrimi i dikujt që nuk beson se politika ka të bëjë me zëvendësimin e historianëve, por beson që politika ka të bëjë me të bërit histori, të njohim ngjarjet që kanë ndodhur në të shkuarën na ndihmon që të kuptojmë

Të njohim ngjarjet që kanë ndodhur në të shkuarën na ndihmon që të kuptojmë më mirë veten tonë në të ardhmen, kësisoj nuk kam ndryshuar, në të kundërtën, mendoj se ky është një detaj që tregon shumë për mënyrën se si mund të humbasim në përkthim sepse ajo çfarë thashw ishte apo kishte për qëllim të ishte, jo vetëm miqësore, por gjithashtu edhe diçka që zbulonte për një marrëdhënie që në fakt shkon shumë pas në kohë. E që ka kaq shumë shembuj rrezatues të njerëzve që i njohim, të njerëzve që nuk i njohim, qoftë shqiptarë apo grek të cilët kanë bërë për njëri tjetrin e për vendin gjëra shumë të mira. Me gjithëatë pavarësisht nëse është e saktë historikisht apo jo, duhet ta kishit ditur që  kjo do të krijonte trazira apo zhurmë. Jo të kundërtën. Fakti që shqiptarët kanë kontribuar për të mirën e Greqisë, e shoqërisë greke dhe fakti se shumë njerëz asokohe flisnin në gjuhën shqipe nuk e bënë Athinën një qytet shqiptar.

Kështu që doja thjesht  të thoja se kjo ka të bëjë me vetë faktin që kemi qënë të lidhur kaq ngushtë për shkak të historisë sonë, për shkak të këtyre njerëzve saqë gjithnjë duhet të mendojmë se sa gjëra të rëndësishme mund të bëjmë për njëri-tjetrin dhe se sa  të mirë mund të jemi për njëri-tjetrin, në vend që të mbytemi në ujëra mjaft të errëta të nacionalizmave të urrejtjes, të konfliktit, dhe të manipulimit mediatik që është rezultat  i politikanëve që kërkojnë apo shohin më shumë nga zgjedhjet e ardhshme se sa nga brezat e ardhshme.

-Për ta mbyllur këtë kapitull po në qoftëse kryeministri ynë Tsipras të botonte në facebook e tij që heroi juaj Skënderbeu sipas disa historianëve tanë gjysma ishte grek, do të postonit këtë, çfarë do të thonit  ju?

Së pari, nuk mendoj se është e njëjta gjë si nuk ështw një ofendim, është një fakt i këndshëm historik që një shqiptar u gjet në vendin e duhur, në kohën e duhur dhe ishte personi i duhur të bërë këtë lloj negocimi asokohe dhe për të shmangur bombardimin e Akropolis. Mund të kish qënë shumë mirë grek, mund të kishte qënë kinez, por qëlloi të ishte shqiptar. Unë me këtë nuk dua të them se shqiptarët shpëtuan Greqinë. Ajo që thjesht doja të thoja është se jetët tona kanë qënë kaq shumë të ndwrlidhura dhe njerëzit tanë dhe popujt tanë kanë qënë kaq shumë të bashkuar me njëri tjetrin në periudha të ndryshme të kohës sa që kemi kaq shembuj të shkëqyer që mund të na mësojnë shumë për atë që kemi bërë, pra sa shumë kemi bërë për njeri tjetrin, qëllimet  e mira që kemi pasur për njëri tjetrin dhe cfarë mund të bëjmë, sa shumë mund të bëjmë për njëri tjetrin duke pasur qëllime të mira. Kjo nuk ka të bëjë me kontestimin e kombësisë së heronjve kombëtarw pasi në fund të fundit në qoftëse do të hynim thellë-thellë  mund të gjendemi, dhe mund të zbulojmë që jemi kushërinj. PO pastaj?

Do të doja të pyesja cili është koncepti, Ju e quajtët Shqipëria e natyrshme, çfarë  është kjo e natyrshme? Shqipëria e madhe pra që ndjek kufijtë natyror të Shqipërisë?

Shumë me interes është Shqipëria e madhe apo Shqipëria natyrore apo çdo lloj  Shqipërie e ndryshme nw kuptimin e madhësisë së saj,  në kuptimin e gjeografisë apo të çdo gjëje tjetër, nuk janë nocione të cilat janë prodhuar nga ne. Kësisoj Shqipëria natyrale është një nocion i cili është prodhuar nga të tjerë, të cilët janë trembur apo e kanë krijuar atë për shkak të axhendave të ndryshme, por kjo është si të thuash t’ju vësh grekëve fajin sot për Megali Idea që ishte njëlloj  ideje e një periudhe të caktuar që nuk ka të bëjë me kohët tona. Kësisoj Shqipëria natyrore nqs i referohem kështu, është Shqipëria europiane, e cila na duhet të jetë pjesë e kësaj familjeje europiane. Po ne kemi një histori shumë interesante duke qënë se jemi një komb, me 2 shtete, kemi Shqipërinë, kemi Kosovën, kemi shqiptarë që jetojnë në jug të Serbisë, që jetojnë në Maqedoni, që jetojnë në Malin e Zi. Po pastaj? Nuk ka asnjë plan, nuk ka asnjë ide normale edhe të parashikueshme që ti mbledh këto në një Shqipëri të madhe. Po, mund të jemi të gjithë pjesë e një europe të madhe, e cila do të ishte vërtetë e madhe nëse do të na përmblidhte të gjithave ne brenda si qytetarw të saj dhe ku kufijtë  bëhen të pa rëndësishëm përsa i përket komunikimet, përsa i përket shkëmbimeve apo të jetuari sëbashku në të njejtën hapësirë europiane.

-Sa për të qënë të qartë për këtë politika juaj zyrtare është që Shqipëria i mban kufijtë ashtu sic janë sot padyshim. Pyetja në këtë rast është, e keni parë në shkolla shqiptare apo  le të themi që qeveria greke ka ndaluar disa shqiptarë që përmbanin literaturë me një lloj propagande, çfarë nënkupton propaganda irredentiste?

Unë nuk mendoj se është irredentistë t’ju thuash fëmijëve tanë se ku kanë jetuar shqiptarët dhe nuk mendoj se është irredentiste t’ju thuash njerëzve se ka qënë një zonë që quhej Çamëri, e që shqiptarët jetonin atje. E ku për fat të keq nuk është ajo çfarë u themi fëmijëve por çfarë shohim, -Që njerëzit nuk mund të shkojnë. Pra a e imagjinoni dot njerëzit as nuk mund të shkojnë të udhëtojnë, të shkojnë atje ku shtëpitë e tyre kanë qënë, ku kanë qënë familjet e tyre për shkak të çfarë? Nuk kemi asnjë pretendim dhe askush tjetër nuk mund të ketë pretendime të tilla të llojit si ndryshimi i kufijve apo strategji për ndryshimin e kufijve për të marrë pjesë të Greqisë apo të Serbisë apo për të marrë pjesë të Maqedonisë e për ta bërë këtë një Shqipëri natyrale.

Jo, ne thjeshtë besojmë se ka ardhur koha t’i tejkalojmë të gjitha këto pengesa të së shkuarës, të shohim njëri tjetrin në sy e të themi a është e mundur që ata 80 vjeçarw gra e burra, të cilët janë detyruar me forcë të largohen nga shtëpitë e tyre të mos mund të shkojnë në ato vende sërish?! A është e mundur që personat që janë nga ky rajon shqiptar të mos mund të kalojnë kufirin e një fqinji, e një vendi fqinj të madh Europian si Greqia? A është e mundur? Çfarë ka për irredentizëm këtu, asgjë. Me që ra fjala do të doja të thoja se saktësisht duke u mbajtur peng i këtyre temave, e duke i parë ato mes së shkuarës, ne ushqejmë nacionalizmin, ne e ndezim nacionalizmin, u japim nacionalistëve argumente dhe për rrjedhojë u japim “lind për të jetuar” për të ekzistuar. Për se mos ta shohim në mënyrë të ndryshme, përse mos të themi, po, ka një problem këta njerëz janë çrrënjosur nga shtëpitë e tyre, shtëpitë e tyre  janë në Greqi dhe kanë të drejtën të kthehen nëse duan, kanë të drejtën të pretendojnë pronat e tyre n.q.s. duan. Cili është problemi këtu?

-Siç ju e dini ka kujtesa mjaft të gjalla të luftë së dytë botërore ku disa prej këtyre njerëzve, ndoshta jo këta, por gjyshërit e tyre kanë kryer krime gjatë pushtimit. Çështja është që ato mund të kalojnë në një sistem ligjor grek, ka edhe një sistem Europian dhe të pretendojnë çfarë të duan.

Po, po flas për të kaluar kufirin, po flas për të udhëtuar lirisht, ashtu siç mund të udhëtojnë gjithkund në Europë, ashtu si gjithë shqiptarët e tjerë mund të udhëtojnë lirisht në Greqi, Ata s’munden, pasaportat e tyre, thjeshtë keqpërdoren në kufirin grek dhe të kthehen. Flas për njerëz të vjetër, flas për 80 vjeçarë dhe nuk e besoja dot. Një grua 80 vjeçare më tha, kam ëndërr të shoh për herë të fundit në jetë shtëpinë ku më dëbuan kur kam qënë fëmijw dhe s’mundem.  Natyrisht ka pasur njerëz që kanë bashkëpunuar, por ku në këtë botë kemi parë që breza të tërë të mallkohen me pamundësinë për ushtruar të drejtat e tyre për shkak të paraardhësve që mund të kenë qënë kolaboracioniste. Ku në botë keni parë një komunitet të tërë që etiketohet si kolaboracionistë. Kjo është ajo që po them  që nuk duhet të hyjmë në këto detaje. Në fakt kemi të drejtë. N.q.s. politikanët vendosin të shkruajnë historinë mund të bëjnë vetëm dëm, por politikanët kanë detyrimin të lexojnë historinë, të nxjerrin mësime prej saj dhe së fundmi prej nga rëndësia. A dinë grekët se jemi në gjendje lufte? Që do të thotë ka një dekret mbretëror, i cili ende është në fuqi. Miqve të mi në Greqi ua them këtë. I kam thënë Jorgos Papandreut, Samarasit, Alexis Tsipras meqë ra fjala njerëz të cilët i respektoj, Papandreu një njeri me qëllime mjaft të mëdha, Samaras me një vendosmëri të madhe dhe Tsipras me një pasion shumë të madh. Atëherë përse nuk e heqim këtë ligj të gjendjes së luftës dhe më pas mund t’ju themi  këtyre njerëzve thjeshte wshtw rregull, sepse ky ligj i gjendjes së luftës përdoret si pengesë që ata të shkojnë përmes sistemit ligjor. …

Lindita Nikolla flet për herë të parë për sulmin me salcë: Përjetimet e mija dhe të familjes...

21:42 Politika

VIDEO/ Ylli Manjani: Kjo është shoqëria jonë, të gjithë ja fusim njëri-tjetrit…

20:08 Politika

Bojaxhi: "Vetting"-u, i domosdoshëm. Të shtrihet edhe për politikën

19:05 Politika

Përgjimet e diplomatëve të huaj për Enver Hoxhën: E pe dje në televizor?... Ka kancer

18:49 Politika

“Sinqeriteti” i një gjyqtari dhe reforma e bllokuar

18:08 Politika

REPLIKAT/ Rama vendos shqiponjën me yll , komentuesit: Të na rrojë partia. Rama: Bëni hiihihi e hahahah në FB prej atyre që mbanin atë yll

17:35 Politika

BATUTAT/ Rama shkon në Kolonjë pas fitores: Na futët në borxhe, Ilia rrinte me Nikon se ai ka paratë

17:01 Politika

Kapi nusen e vëllait me të dashurin, rrihet dhe kërcënohet kunata

16:19 Politika

Tsipras-Rama, bisedë telefonike: Retorika nacionaliste, e dëmshme

16:05 Politika

"I dashur Ditmir, ti më je bërë edhe personalisht vitet e fundit një këshilltar i rëndësishëm dhe ke njohuri të thella në situata e brendshme të shteteve të Ballkani"

14:53 Politika