Te fundit
Terrori që godet në mënyrë ciklike Turqinë, reagon Erdogan
11 Dhjetor 2016, 09:41Bota
TEMA
Turqia është në zi! Turqia ka provuar përsëri të goditet nga terrori, të goditet nga shpërthimet terroriste!
Stambolli është goditur sërish, e përsëri në zemër të tij! Pas Sulltanahmetit, “Istiklal Caddesi”-së, është goditur një tjetër pikë nevralgjike e metropolit.
Pranë stadiumit “Vodafone Arena” të Beshiktashit, pak pasi kishte mbaruar një ndeshje futbolli, dy shpërthime terroriste u morën jetën dhjetëra personave dhe plagosën qindra të tjerë. E tëra ndodhi në orët e vona të mbrëmjes të së shtunës, në 22:29, në një zonë me hotele luksoze e me një trafik të jashtëzakonshëm.
Në fillim u raportua vetëm për të plagosur nga ministri i Brendshëm i Turqisë, me bilancin që u bë tragjik ndërsa orët kalonin. Një bilanc i bërë i njohur në orët e para të së dielës. 29 janë më së paku të vrarët nga shpërthimet terroriste; aktet mizore u ndërprenë jetën 27 punonjësve të policisë e dy civilëve. Të plagosurit janë shumë më tepër: së paku 166, gjashtë prej të cilëve në gjendje të rëndë!
Një kamikaz hodhi veten në erë në parkun Maçka, e një tjetër shpërthim ngjau në një rrugë aty pranë. Shpërthimet u kryen në një interval prej 45 sekondash mes tyre; zhurma u dëgjua në shumë pjesë të Stambollit, nga Taksimi në Yskydar. Dhjetë janë të ndaluarit deri tani për sulmet terroriste.
Kryeministri i vendit, Binali Jëlldërëm, shpalli një ditë zie kombëtare, e urdhëroi uljen e flamujve në gjysmështize, raporton Tesheshi.
Terroristët e PKK-së, ISIS-it dhe FETÖ-s e vënë në shenjë Turqinë për të njëjtin qëllim, thuhej në deklaratën e shkruar të presidentit Erdogan. Turqia është e vetme në luftën kundër terrorit, lexohej në atë deklaratë, por nuk do të dorëzohet e do ta marrë veten sa më shpejt të jetë e mundur.
4 komente në “Terrori që godet në mënyrë ciklike Turqinë, reagon Erdogan”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Jerdellem: kamikazi mund te jete ”gylenistoshqipfoles” nga Arrnautistan………..
turqia eshte e vetme
dhe nuk e mer me kurre veten, deri ne ndarjen e atj shteti midis atyre qe ju takon vertet ajo toke!!!!!!!
ca do mjellesh do korresh that populli mbolle terror ne kurdistan me te njejten monedhe ta kthejne ska ndonje gje per tu cuditur
PAK, LPK, SHTREPERTE.
ESHTE CIA QE I ORGANIZON KETO KRIME.
DESHTUAN ME GRUSHTIN E SHTETIT, PO NUK KANE HEQUR DORE AKOMA.
PERPARA ERDOAN, TREGOJU VENDIN KRIMINELAVE.
ALLAHU EKBER.