Te fundit
FOTOT/ Fantazmat e Halepit
16 Dhjetor 2016, 09:56Bota
TEMA
Pjesa lindore e Halepit ishte pjesa më e rëndësishme urbane e kontrolluar nga opozita e armatosur në Siri.
Që nga kryegritjet në vitin 2011, Halepi dhe banorët e saj kanë përjetuar një luftë të tmerrshme. Avionët luftarakë të regjimit e kanë shkatërruar qytetin. Raketat kanë shembur blloqe të tëra ndërtesash, ndërsa bombat fuçi, të hedhura nga helikopterët, kanë shkatërruar çdo gjë që u ka dalë përpara, duke mos kursyer as fëmijët, gratë apo burrat, civilë apo luftëtarë.
Më pas, shkatërrimit të Halepit iu bashkuan edhe forcat ajrore ruse, çka çoi në rritjen e numrit të civilëve të vrarë. Banorët kanë përjetuar mungesë uji, ushqimi, elektriciteti etj., duke i lënë banorët të bllokuar në qytet e duke shkaktuar një nga krizat humanitare më të mëdha që pas Luftës së Dytë Botëtore.
Bombardimet ajrore të regjimit të Assadit, të mbështetura nga aletatët e saj, Rusia dhe Irani shiit, i kanë mundësuar ushtrisë siriane që të marrë nën kontroll zona të tëra të qytetit që më përparara kontrolloheshin nga forcat rebele.
Dimri po egërsohet dhe rrethimi po ngushtohet: për mijëra civilët e bllokuar, e vetmja zgjidhje është ikja drejt zonave të kontrolluara nga opozita.
Foto e mëposhtme dokumentojnë situatën në Halep që prej vitit 2012 deri në mes të vitit 2014. Një situatë e cila është përkeqësuar gjithnjë e më shumë.
Lini një Përgjigje
Më të lexuarat
24 oret e fundit
Javen e fundit
Blog Tema
