Njohja e Kosovës, Daçiq: Mali i Zi dhe Maqedonia do kenë pasoja

Ministri i Jashtëm i Serbisë, Ivica Daçiq, në një intervistë për agjencinë serbe të lajmeve “Beta”, ka folur gjerë e gjatë për raportet e Serbisë me shtetet e rajonit.

Duke folur për Maqedoninë, Daçiq ka thënë se Serbia ka gabuar që e ka njohur atë me emrin e saj kushtetues, pasi që e njëjta e ka njohur Kosovën.

“Serbia ka bërë një gabim shumë të madh për këtë. E tërë Evropa dhe bota përdorë emërtimin Ish-Republika Jugosllave e Maqedonisë, ndërsa ne vëllezërit tanë grekë i kemi goditur në fytyrë ndërsa tani presim nga Greqia të mos e njohë Kosovën, e ne e kemi njohur Maqedoninë duke lënduar Greqinë kurse ata (maqedonas) gjithmonë votojnë për Kosovën. Më duhet të them se jemi budallenj. Ja, do të përdorë një term jodiplomatik”, ka deklaruar Daçiq, transmeton Koha.net.

Me sa duket, ministrit të Jashtëm serb i ka humbur dashuria ndaj Malit të Zi, e kjo si pasojë e raporteve të këtij të fundit ndaj Kosovës.

Daçiq ka thënë se nuk bëhet fjalë për hakmarrje por për “reciprocitet në politikën e jashtme” dhe se “Mali i Zi po sillet ndaj Serbisë sikurse Papa Guinesë së Re”.

Më tutje, duke folur për Kosovën, ai ka thënë se Serbia është e interesuar të gjejë një zgjidhje afatgjate për këtë “problem”.

“Çështja e Kosovës duhet të zgjidhet njëherë e përgjithmonë, por vetëm me marrëveshje”, deklaroi ai.

Tutje, Daçiq ka folur edhe për atë se si “Serbia i ka dhënë gjithçka Jugosllavisë” ndërsa tha se tani i duhet të dëgjojë “leksione për sjelljet e Serbisë”.

“I kemi dhënë gjithçka Jugosllavisë… që në fund të na duhet të dëgjojmë leksione dhe që dikush të na godas në fytyrë nga anash rreth asaj se si po vepron Serbia. Mezi pres të paraqitet në organizata ndërkombëtare ndonjë qëndrim që është i rëndësishëm për Maqedoninë e Malin e Zi… atëherë do ta shohim se si do të vendos Serbia”, ka deklaruar Daçiq në këtë intervistë.

Profesori i filozofisë: Pse e adhuroj Enver Hoxhën

12:19 Rajoni

Për “MIG”-ët rusë dhe mitet e Serbisë

11:00 Rajoni

Intervista e rrallë e ’26-s: Kur Greqia e quante Shqipërinë “motra e vogël” dhe mbyllte “klubet e voriepirotëve”

19:27 Rajoni

Erdogan: Sulmet terroriste në Turqi, të lidhura me zhvillimet në rajon

12:27 Rajoni

Fshati ‘i çuditshëm’ shqiptar që nuk e feston Vitin e Ri

10:28 Rajoni

Grekët kërkojnë djalin e shqiponjës...

14:10 Rajoni

TAKIMI/ Ali Ahmeti tregon çfarë i kërkoi kryeministri Rama

13:32 Rajoni

FOTOT/ Ky është personi që vrau ambasadorin grek në Brazil, e kapi duke bërë seks me gruan

12:30 Rajoni

Thaçi 'presion' Moskës: Koha që të reflektojë!

12:16 Rajoni

Motelet e seksit: "Kemi shpëtuar, dikur s’kishim ku çonim dashnoret"

11:20 Rajoni