Te fundit
"Lufta e Ftohtë" Moskë-SHBA/ Italia do Rusinë në Grupin e 8 fuqive botërore
12 Janar 2017, 09:40Bota
TEMA
Ministri i Jashtëm italian ka thënë se shpreson se Rusia së shpejti do i bashkohet grupit të Tetë fuqive botërore, ku Moska nuk bënë më pjesë që kur ka aneksuar gadishullin ukrainas të Krimesë në vitin 2014.
“Ne nuk mundemi, por do të donim të vazhdonim formatin e G8-ës me Rusinë, duke i dhënë fund atmosferës së luftës së ftohtë”, ka thënë Angelino Alfano kanalit të dytë publik italian RAI 2.
Italia, e cila ka kërkuar heqjen e sanksioneve ndaj Rusisë “shpreson” që administrate e ardhshme amerikane nën udhëheqjen e Donald Trump do të përmirësojë marrëdhëniet me Rusinë dhe ta bëjë të mundshme për Moskën që t’i bashkohet grupit të tetë fuqive botërore, raporton REL.
“Ne jemi në momentin më të keq të marrëdhënieve në mes të SHBA-së dhe Rusisë që kur ka përfunduar Lufta e Ftohtë”, iu ka thënë ai gazetarëve në New York gjatë kësaj jave.
Por, Alfano ka shtuar se ai nuk e di nëse afrimin me Rusinë do të jetë i mundshëm para majit, atëherë kur Italia do organizojë samitin e radhës të G7-ës, në Taormina të Sicilisë.
Nëse SHBA-ja nuk e ndryshon qëndrimin ndaj Rusisë, Alfano thotë se do të ishte “e parakohshme” për Rusinë që t’i bashkohet G8-ës pa ndonjë dëshmi se është duke respektuar marrëveshjen për paqe të arritur në Minsk të Bellorusisë me Ukrainën.
Lini një Përgjigje
Më të lexuarat
24 oret e fundit
Javen e fundit
Blog Tema
