Trajneri i Kukësit, Ernest Gjoka, ka folur pas ndeshjes me Tiranën ku skuadra e tij u eleminua ne fazen e cerekfinaleve te Kupes se Shqiperise.
Në prononcimin e tij për “Supersport”, Gjoka tha se skuadra e tij mund të kishte bërë më shumë, por u penalizua nga mungesat.
Ndërsa në lidhje për një aleancë me bardheblutë, tekniku i verilindorëve theksoi se Kukësi është me meritë aty ku i takon.
“Mund të kishim dhënë më shumë, por kështu janë ndeshjet, kështu janë ngarkesat. Nëse do kishim lojtarët e tjerë që ishin pushim sepse ashtu duhej, mund të kishim rezultat ndryshe. Të shtunën ishte vuajtje, jo shëtitje, megjithatë varet si e konsideron. Deri më sot kemi sakrifikuar dhe vazhdojmë ta bëjmë, kishim 5-6 lojtarë me probleme dhe arritëm në këtë gjendje. Jemi me meritë këtu ku jemi deri më sot” tha Ernest Gjoka.