Te fundit
Nëna e Ermira Arapit: Çfarë i lidhte ata të dy e morën me vete në varr. Imë bijë se meritonte atë fund
15 Shkurt 2017, 10:00Kronika
TEMA
Nëna e Ermira Arapit, 29-vjeçares që u vra nga i dashuri, i cili më pas vrau veten, thotë se nuk mund ta besojë se e bija ka pasur lidhje jashtëmartesore, pasi e dontë të shoqin dhe nuk kishin asnjë problem.
“Nuk kam si ta shpjegoj dhimbjen. Vetëm një nënë mund ta di se çfarë dhimbje është ajo e fëmijës. Nuk mund ta dijë askush tjetër.
Kur e mësuam ngjarjen, im shoq mbeti gati i ngrirë dhe unë po ashtu, dhe po rrinim pa fjalë. Nuk po na dukej e vërtetë. Edhe kur do të nisesha për të ardhur këtej, po shpresoja se do ta gjeja gjallë.
Nuk ma pranonte vetja që vajza ime aq energjike që e donte jetën të më kishte ikur pa më thënë asnjë fjalë. Nuk ishte e papërballueshme.
Nuk mbaj mend se si jemi bërë gati e jemi nisur dhe nuk di se si e kam përballuar idenë që e pashë të shtrirë, pa jetë. Ishte sikur kisha vdekur vetë. Edhe tani s’e besoj dot se e kam varrosur këtu në fshatin e saj të lindjes”, shprehet nëna e Ermira Arapit, e cila u gjet bashkë me Drini Dervenin pa jetë në makinën e këtij të fundit.
Në një prononcim për “Panoramën”, ajo thotë se e ka të vështirë ta përballojë tragjedinë që ka ndodhur në familjen e saj.
“Jemi pa fjalë. Nuk e meritonte të vdiste kaq e re. Kërkojmë të na zbardhet ngjarja. Se çfarë e lidhte vajzën time dhe personin që ishte me të në makinë, ata e morën me vete në varr, prandaj që ne të kemi informacion për vetën tonë, për fëmijët tanë dhe fëmijën e saj, duhet që policia të na japë fakte e dëshmi”, shprehet nëna e 29- vjeçares.
1 komente në “Nëna e Ermira Arapit: Çfarë i lidhte ata të dy e morën me vete në varr. Imë bijë se meritonte atë fund”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ashtu eshte moj e shkrete. Askush nuk e meriton ate fund. Por njerezit jane te ligj. Shtepiaket e deshperuara duan thashetheme se nuk kane me cfare te shtyjne diten, mediat keto raste presin se gazetarucet e sotem nuk kane as imagjinate as intelekt per t’u marre me lajme te mirefillta, kurse farefisnia e shoqeria me fatkeqesine e tjetrit justifikojne deshtimet e tyre.