Te fundit
“Halli i Saliut ka të bëjë me Reformën në Drejtësi, dhe me të vrarët dhe me vjedhjet që ka bërë Berisha ose berishajt”
2 Mars 2017, 20:20Blog
TEMA
Nga Spartak Ngjela
I patë sot te dyja palët e politikës: njëra në Parlament dhe tjetra në Çadër.
Ata të Parlamentit nuk kuptoheshin me qëndrimin e tyre, kurse Çadra ishte e irrituar.
Në fakt, Parlamenti shqiptar deklarohet me Amerikën, kurse Çadra është kundër Amerikës, por thotë se është kundër Parlamentit, se ka frikë të thotë të vërtetën.
Saliu foli sot në çadër: ishte shumë i trembur. Po, pse ka frikë Saliu? Ndërkombëtarët do ta hetojnë atë dhe të gjithë familjen e tij! Frika vjen nga implikimi, por më shumë nga ndërkombëtarët, sidomos nga amerikanët, sepse ata as i tremb, e as nuk i blen dot.
Kurse Presidenti i Republikës priti sot Genoveva Ruiz- Calaveras, kryetaren e Komisionit për Ballkanin Perëndimor në BE, e cila do të drejtojë Operacionin Ndërkombëtar të Monitorimit në Shqipëri, si akt antikorrupsion.
Presidenti shqiptar fliste broçkulla, dhe dukej para saj gjithashtu shumë i trembur, njëlloj si Saliu, por zonja Calaveras dallojej se qeshte me qesëndi: ajo ia dinte hallin Bujar Nishanit, që ishte njëlloj si ai i Saliut. Në fakt të gjithë këta të Saliut kanë të njëjtin hall, që po mendojnë se do t’ua heqë Çadëria”.
Por Saliu ndërkohë po fliste në Çadër si i ndërkryer dhe shumë i rënë në fytyre, me urrejtje ndaj Ramës, të cilit dallohej se, si nëntekst, i lutej këtij që të ndahej nga amerikanët dhe nga europiano-perëndimoret e të bashkohej me Saliun.
Por, ndërkohë, edhe Berishës, njëlloj si Nishanit, një grua ishte ajo që i prishi gjakun gjatë fjalimit. Në fakt, kjo ishte një grua e thjeshtë e popullit që nuk i la gjë pa thënë Saliut. Të gjithë ata që ishin aty u tronditën, se gruaja drejtpërsëdrejti iu tha: “Mbreti qënka lakuriq e pa fare rroba”
Në të vërtetë, në Tiranë sot, befas, një grua u përsëriti çadërrakëve përrallën e Hans Kristian Andersen për rrobat e mbretit, por kjo e uli menjëherë në vend si të deprimuar Saliun, dhe agresivizoi pjesëmarrësit që po i thoshin Saliut pa rroba: “ua sa bukur që të rrinë robat!”.
Ajo grua e thjeshtë, në fakt, i tmerroi se po ua thoshte të gjithëve të vërtetën për bëmat e Saliut, në një kohë që ata e dinin të vërtetën, por ishin që të gjithë në tubimin “e hallit të madh të Saliut”. Dhe, që të gjithë, e dinë se halli i Saliut ka të bëjë me Reformën në Drejtësi, dhe me të vrarët dhe me vjedhjet që ka bërë Berisha ose berishajt,
Pikërisht për këtë fakt, pas pak çastesh, gruaja u nxor jashtë nga Çadra, edhe pse oborrtarët e Saliut po u thoshin shqiptarëve përditë se “në Çadër ata flasin si njerëz të lirë”.
Por, megjithatë, mbetet ngritur një pyetje e vështirë për Çadrën: mos ndoshta përditë do t’u shkojë ndokush atyre aty, në Çadër, për të thënë me zë të lartë se ” Mbreti është pa fare rroba”?
3 komente në ““Halli i Saliut ka të bëjë me Reformën në Drejtësi, dhe me të vrarët dhe me vjedhjet që ka bërë Berisha ose berishajt””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gjithmone efikas Z.Ngjela.Analizat tuaja jane perfekte.Shpresojme se do te behet ajo qe pret i gjithe populli.te gjithe te korruptuarit presim ti shohim te marrin denimin e merituar
Kur do ta bëjë shqipëria “Nurinbergerin” e saj për krimet e pësuara ?
Z. Mero Baze! Me falni por keni bere ,sipasmendimit tim, jo mire qe keni shkuar ne emisionin e Yllit! Ka 25 vjet qe degjojme nje “deja vu’ te neveritshme! Kujt do t’i mbushe mendjen media e shitur shqiptare,pervec Tema dhe ndonje tjeter, me keta analiste dhe gazetare mercenare, ne ,shqiptareve ,qe e dime cfare ka ndodhur dhe cfare po ndodh?! Dua te na beni budallenj ?! Ne dime kush eshte Berisha dhe Lulja apo vete PD! E dime Meten dhe LSI! E njohim edhe Ramen dhe PS! Mendoni ju z.Baze qe Shkullaku ,nje cope fshatar-gazetar di me shume se ne shqiptaret e shkolluar?! Ashtu si politikanet edhe gazetaret jane po aq te felliqur! Te tere TV e Shqiperise po flasin per situaten! Te gjithe duan te na tregojne se kush eshte i mire e kush eshte i keq! Keta servile te shitur?! Me falni Mero nuk e kam me ty!