90% e protestuesve, komentuesve dhe analistëve kanë nxjerrë një teori të re: Zvërneci nuk është shkak, por pretekst për t’u revoltuar kundër dyshes Rama-Berisha.

Në thelb, ky është dëmi më i madh që i bëhet luftës kundër establishmentit të vjetër Rama-Berisha.

Për këto arsye, po ju jap disa fakte që hedhin poshtë të dyja teoritë: si atë që Zvërneci është shkaku kryesor, ashtu edhe atë që Zvërneci është thjesht një “sebep”.

1. E para, nëse Zvërneci është shkaku kryesor i urrejtjes kundër Ramës dhe Berishës, po parashtroj disa pyetje për protestuesit:

* Pse për Zvërnecin e Ivanka Trump dhe jo për kullat e mafies në Tiranë?
* Pse për Zvërnecin e Ivanka Trump dhe jo për Bankers-in, që ka 20 vjet me puset e naftës?
* Pse për Zvërnecin e Ivanka Trump dhe jo për Vainën dhe Shëngjinin?
* Pse për Zvërnecin e Ivanka Trump dhe jo për Kodin Zgjedhor?
* Pse për Zvërnecin e Ivanka Trump dhe jo për ushqimet e skaduara në supermarkete?
* Pse për Zvërnecin e Ivanka Trump dhe jo për hidrocentralet greke apo turke?
* Pse për Ivanka Trump dhe jo për Damir Fazlliçin?
* Pse për amerikanen Ivanka Trump dhe jo për grekun Gjikuria?
* Pse kundër amerikanëve në Zvërnec dhe jo kundër firmës greke që fitoi portin e Durrësit?

A mendoni se është rastësi që protestohet kundër kërkesave amerikane?

* Rebelimi i vitit 1997 filloi pas kërkesave amerikane.
* Rebelimi kundër armëve kimike filloi kundër kërkesës amerikane.
* Rebelimi kundër Zvërnecit është kundër kërkesës amerikane.

Tri herë jemi rebeluar ne shqiptarët, çuditërisht kundër kërkesave amerikane, dhe po aq çuditërisht, të tri rebelimet janë mbështetur nga Athina.

2. E dyta, për ata që thonë se Zvërneci është sebep, por në thelb bëhet fjalë për urrejtjen ndaj Rama-Berishës.

Nëse vërtet është kështu, atëherë ky është shërbimi më i mirë që i bëhet dyshes Rama-Berisha. Duke zgjedhur kauzën e gabuar, nuk bëhet gjë tjetër veçse forcohet pushteti i kësaj dysheje.

A e dini çfarë do të ndodhë pas kësaj?

Javën që vjen fillon përçarja dhe sherri për drejtimin e protestës. Ata që po synojnë të përfitojnë nga turma sapo kanë filluar luftën e bërrylave.

Së shpejti do të zihen me njëri-tjetrin për mikrofonin, se kush do të flasë në bulevard.

Mos harroni: shumica e atyre që drejtojnë sot protestat kundër Ivankës janë po ata që vitin e kaluar festuan fitoren e babait të saj.

Këta trumpistët e Tiranës, sapo të mbyllet protesta, do të bëjnë sikur nuk kanë qenë aty dhe do t’ia shtrëngojnë duart ambasadorit të ri amerikan në festën e 4 Korrikut.

Por një pyetje kisha për ta:

A do ta vazhdoni protestën kundër Ramës dhe Berishës nëse Ivanka Trump tërhiqet nga projekti?

Kam frikë se ata nuk e dinë sa shumë u trishtua Beogradi kur Kushner dhe Ivanka u tërhoqën nga projekti prej 4.5 miliardë eurosh në Serbi.

Dhe, për ta mbyllur, për ata që ëndërrojnë, por gabojnë në luftën kundër Ramës dhe Berishës, kam pyetjen e fundit:

Nëse sot shpallen zgjedhjet e parakohshme, a e dini çfarë ndodh dhe kush parti fiton?

Po nëse ata të dy frikësohen dhe ndryshojnë ligjin, duke e bërë pragun elektoral për partitë e reja 10%?

A e dini kush forcohet pas zgjedhjeve?

6 Komente

S
Shqiptari i Ilirisë

4 Qershor 2026, 20:18

Pse ti mendon se ata kanë dalë në protestë nga pozitat e njerzve që njohin rregullat,shtetin dhe interesat kombëtare?! Ata janë anarshistë dhe të paguar që kërkojnë rrëmujë për të rrëmbyer ç'të mundin pastaj. I ke vlerësuar shumë o Kreshnik.

Përgjigjjuni
A
Aleko

4 Qershor 2026, 20:23

Shqipetaret gjithnje keshtu kane hecur, pa mendje..

Përgjigjjuni
l
lexuesi

4 Qershor 2026, 20:26

Ah……….shqipetaret jane te mallkuar, jane te gjithe kunder te gjitheve…mendjet e shendosha jane sh pak, jam totaliasht kunder Rama-Berisha por te ngrihesh kunder investimeve kaq madhore dhe me te ardhme.., me vjen keq ta them por e meritoni mjerimin dhe vujtjen…!!

Përgjigjjuni
(
()

4 Qershor 2026, 20:31

Po tē kishin ndērmēnd tē bēnin investim 1 miliard USD nē Sazan, do e kishin nisur e bitisur, por zvaritja tyre do bēj qē si nē Serbbi, dhe te be tē tērhiqen ( nēse s'jan tērhequr).

Përgjigjjuni
F
Fshatari

4 Qershor 2026, 20:41

A jane dyshja Berisha Rama te degjenuar poitkisht, moralisht e kombetarisht? Nese pergjigja eshte po atehere perdorimi i nje arsyeje tjter per ti permbysur esht e demshme. Fshatare tsi une e dine perse protyestojen por ata behen politikane "Protesto per kete gje qe ti permbysim ata " pavarsisht se ajo qe portestohet ska te bej fare me perse duhen permbysur ata. Fshataret si une behen politikane ku Mjeti justifikon qellimin. Populli ben politike politikanet behen bisnesmene

Përgjigjjuni