Per nje mjeke te mire dhe humane ne QSUT

Këto ditë kam patur një problem shumë shqetësues e madhor të fëmijës tim 4 muajsh. Në të dy sytë kishte tension të lartë dhe të dy sytë i kishin zënë perde, gjë që, sipas mjekëve, ishte e rrallë në fëmijët e porsalindur.

Ky diagnostikim u bë fillimisht në Spitalin Amerikan II-Tiranë, i cili nuk mori përsipër operacionin, pasi të tilla ndërhyrje i bënin kur fëmijët ishin mbi 2 vjeç. Fillova të interesohesha në disa klinika private dhe një pjesë më refuzuan operimin për arsye të moshës dhe pjesa tjetër kishte një kosto shumë të lartë të operacionit. Po bëhesha gati për ta dërguar jashtë shtetit me urgjencë, pasi kisha frikë mos më mbetej fëmija i verbër. Fillova të interesohem me farefisin tim për të grumbulluar ndonjë lek, madje vendosa të vija në shitje edhe shtëpinë e prindërve të mi, pasi gjendja ime ekonomike është e dobët. Me rrogën time mbaj 2 prindërit e mi, bashkëshorten dhe fëmijën tim.

Në këtë kohë një i afërmi im më telefonon dhe më thotë se një kolege pune e tij i kishte rekomanduar një mjeke në QSUT “Nënë Tereza” (spitali francez), mjeken Arjeta Grezda. Kontaktova me mjeken gjatë asaj dite, e cila shumë shpejt pranoi për vizitë djalin tim dhe konkludoi se fëmija duhej të operohej dhe ajo do ta bënte një ndërhyrje të tillë! U qetësova dhe u habita njëkohësisht kur ajo mori përsipër një gjë të tillë! Menjëherë mendova se në këtë botë paska edhe mjek të mirë dhe humanë.

Filluan menjëherë veprimet e pranimit, (pasi ndërhyrja duhej bërë sa më shpejt), duke filluar nga analizat mjekësore, të cilat u ndoqën nga mjekja anesteziste Lindita (të më fali që nuk ja mbajë mend mbiemrin), hapja e kartelës për operim nga asistentja e mjekes Arjeta, nënshkrimin e menjëhershëm të saj nga shefja e pavijonit Vilma Mema dhe përcjellja e kartelës tek urgjenca nga Lida. Në pavijon si kryeinfermierja ashtu edhe infermieret sapo lexuan kartelën, u përkujdesën maksimalisht që dhomës të mos i mungonte asgjë.

Si operacioni i parë për eliminimin e tensionit të lartë në sytë ashtu edhe operacioni i dytë për heqjen e perdeve, u kryhen nga mjekja duarartë, e palodhur dhe humane Arjeta Grezda dhe anestezistja Lindita, të cilat refuzuan në mënyrë tepër kategorike çdo lloj pagese kesh nën dorë apo dhurate, te cilat u ofruan nga ne në shenjë gëzimi e mirënjohje mbas operacioneve. Përsëri mendova se mjekë të tillë human janë me të vërtetë krenaria e vendit tonë.

Pa u mbushur afati kohor prej 4 javësh për rikontroll pas operacionit, doktoreshë Arjeta kërkoi që të shikojë fëmijën tim, për të parë ecurinë, e cila është shumë e mirë. Pas 2 javësh  do të shkojmë përsëri, për të bërë matjet për lente apo për syze. Tani që po shkruaj akoma nuk është mbushur afati 2 javor.

Por unë nxitova të shkruaj, për ti thënë lexuesve të gazetës dhe opinionit, se në Shqipëri ka mjek humanë e me integritet të lartë moral e profesional. Faleminderit shumë nga zemra të gjithë ekipit mjekësor, të cilët punuan me  përkushtim, për ti sjellë dritën e syve fëmijës tim. Zoti ju bekoftë!

ERMIR STAFA: Lagja “Ali Demi” Tiranë

BATUTAT/ Rama-maturantëve: Besoni te ëndrrat me sy hapur, ndiqni shembullin e Lionel Messit

18:46 Sociale

Veliaj pajton Metën me Lindita Nikollën

12:53 Sociale

Agron Gjekmarkaj i lutet Zotit: Duhet ikur nga ky vend, sa nuk është vonë…

12:22 Sociale

Indeksi i lumturisë, Shqipëria zë vendin e 109 në botë, ja çfarë i lumturon dhe i trishton shqiptarët

10:39 Sociale

FOTOT/ Kantieri, si po zgjatet bulevardi kryesor i Tiranës

09:44 Sociale

Dhurata e Veliajt para zgjedhjeve, tironsit mund të bëjnë pallat në shtëpitë me qerpiç

08:50 Sociale

Pamje dramatike: Triçikli tërheq zvarrë policing për 70 metra

02:07 Sociale

Futbolli është i mërzitshëm, austriakët sjellin… “Futbollin Alpin

01:58 Sociale

Shokuese, nëna mbulon foshnjen me produktet e vjedhura në supermarket

01:29 Sociale

VIDEO/ Kur bashkëshorti kthehet papritur në shtëpi…

08:50 Sociale