Te fundit
Pas Brexit, BE bllokon shkrirjen e bursave të Gjermanisë dhe Londrës
29 Mars 2017, 14:32Bota
TEMA
Bashkimi Evropian vendosi bllokimin e shkrirjes mes bursave të Gjermanisë dhe të Londrës , pasi e gjykon këtë lëvizje me shqetësimet “tejet serioze” në lidhje me efektet e kësaj marrëveshjeje në konkurueshmëri.
Marrëveshja do të krijonte “de facto” një monopol në fushën kritike të instrumentave të të ardhurave fikse, siç janë bonot dhe marrëveshjet e riblerjes, shpjegon shefja kundër monopoleve e BE-së, Margrethe Vestager.
Vendimi pritej, pasi “London Stock Exchange” njoftoi muajin e kaluar se nuk mund të shiste shumicën e aksioneve në tregun elektronik të bonove “MTS”, gjë që do të lehtësonte disi shqetësimet e BE-së. Marrëveshja do të përfshinte edhe “Deutsche Boerse” me seli në Frankfurt, “Eurex”-in dhe “Cassa di Compensazione e Garanzia” të Romës.
Kompanitë në fjalë njoftuan marrëveshjen në mars të vitit të kaluar, 3 muaj përpara se britanikët të vendosnin përmes referendumit për t’u larguar nga Bashkimi Europian. Bazuar mbi vlerën e tregut të aksioneve në atë kohë, të dyja kompanitë kapnin nëj vlerë prej rreth 30 miliardë dollarësh.
Si bursa gjermane, ashtu edhe ajo londineze këmbëngulën se marrëveshja mund të realizohej edhe në rastin e “Brexit”-it. Shkëputja e Britanisë nuk është cituar si faktor në vendimin e kësaj të mërkure, por ai ka komplikuar perspektivën e marrëveshjes, pasi bënte thirrje që kompanitë të bashkoheshin në themelet e kompanisë britanike, gjë që u vu në dyshim në Gjermani pas mësimit të largimit të Britanisë nga BE-ja.
Lini një Përgjigje
Më të lexuarat
24 oret e fundit
Javen e fundit
Blog Tema
