Edi Rama: Askush nuk mund të ngrejë më çadër dhe të kërkojë qiqra, ja e vërteta e marrëveshjes dhe e teorive konspirative

Kryeministri Edi Rama në rubrikën “Komunikimi Javor”, ka thënë se marrëveshja e nënshkruar PS-PD, është interpretuar gabimisht nga politikanë apo emra të ndryshëm në media.

Shefi i qeverisë thotë se interpretimet konspirative të bëra në media nuk kanë asgjë të vërtetë në bosht të tyre dhe i konsideron si llogje të katundit mediatik dhe politik.

Rama e cilëson këtë marrëveshje si një bashkëpunim të mirë me opozitën për të vazhduar në rrugën drejt Bashkimit Evropian dhe për tu bërë më seriozë në sytë e botës.

“Se si u arrit kjo marrëveshje është një libër më vete. Përmbajtia e saj është shumë ndryshë nga ajo që u bë në media nga analistë  të ndryshëm.

Hendeku ishte vërtetë shumë i madh për t’u kapërcyer në momentin e fundit. Sesi u arrit kjo marrëveshje, është një histori më vete.

Ajo që ka rëndësi është se kjo marrëveshje është një rast kur një krizë kthehet në një vullnet të mirë.

Katundi mediatik është fokusuar vetëm në emrat e ndryshimeve dhe në faktin pse nuk u hapën afatet e koalicioneve

Kjo marrëveshje ishte për një fillim të ri.

Debati pas marrëveshjes, ka lulëzuar në katundin politiko-mediatik, shumë teori konspiracioni.

Edhe para se të ishte  bërë marrëveshja, qeveria me një urdhër administrativ të nxjerrë prej meje kishte urdhëruar që mos shfrytëzohej administrata.

Edhe pa u bërë marrëveshja, qeveria me urdhër administrativ ishte angazhuar për të mos harxhuar asnjë para publike.

Ministrat e rinj teknikë do jetë si kujdestarë të etikës zgjedhore dhe nuk do kenë presion ndaj punonjësve për të marrë votën. Me 25 qershor do kemi zgjedhje të lehtësuara.

Më 25 qershor do të kemi zgjedhje të lehtësuara dhe askush nuk do të fillojë avazin e vjetër të konstatimit.

Angazhimi i palëve përmban për angazhimin e mëtejshëm për të qenë së bashku në çeljen e negociatave në anëtarësimin në Bashkimin Evropian.

Por edhe në bashkëjetesën e opozitës dhe qeverisë për tu bërë armiq dhe gaz në sytë e Evropës siç jemi bërë këto 25 vite,” tha Rama.

Gojët e mëdha s’kanë pushuar një sekondë duke hedhur baltë mbi marrëveshjen si një pazar bashkëqeverisje në kurriz të demokracisë, apo të partive të vogla të cilat vetëm garante të drejtësisë as kanë qenë ndonjëherë as mund të jenë dot për vetë peshën e tyre.

Ka vetëm një bashkëqeverisje në këtë marrëveshje, për zgjedhje, për të siguruar një “fair play” si asnjë herë më parë.

Fair play mes palëve si asnjëherë më parë në historinë e pluralizmit. PD dhe PS kanë qenë kundërshtare, janë kundërshtare, dhe do të jenë kundërshtare politike”, tha Rama.

“Ministrat teknikë të propozuar nga PD, do zgjidhen me konsensus. Por nenvizoj se marrëveshja politike është një platformë e anti-krizave.

“Paketa ‘McAllister’ ishte receta, marrëveshja është zgjidhja afatgjate”, shtoi kryeministri.

Duke nisur nga paketa “McAllister” tek zgjidhjet e shpikura për Shqipërinë, formula të çuditshme, Rama shprehur gjithë rezervat për këto ndërhyrje, për të cilat tha se kjo marrëveshje vendos një kufi të qartë edhe në këtë drejtim.

“Paketa e famshme McAllister ishte një recetë e improvizuar me dëshirën më të mirë për të na ndihmuar të kalojmë një krizë të radhës ndërsa marrëveshja politike mes palëve është një platformë për t’u përpjekur së bashku të këpusim zinxhirin 27-vjeçar të krizave që i shpikin partitë dhe i paguan vendi, qytetari, shoqëria”, tha Rama.

Ai u shpreh se nuk mund ta gëlltiste dot personalisht çuardjen e zgjedhjeve përtej qershorit, duke e parë si një shkelje të Kushtetutës dhe të drejtës së qytetarëve.

“Ideja e çuarjes së zgjedhjeve matanë të dielës së fundit të qershorit, ishte për mua të paktën personalisht jo vetëm pjesa antiligjore por edhe pjesa fyese e paketës McAllister. Nuk ke gëlltisja dot që PS e përgatitur për të bërë shtet, nuk mund ta përqafonte atë gjë.

Zgjidhje që miqtë dhe partnerët tanë as që nuk i imagjinojnë se mund t’i mendojnë dhe jo më t’i diskutojnë në vendet e tyre i kanë shpikur në Shqipëri gjithë këto vite pluralizmi pa asnjë gajle se ky vend ka Kushtetutë, ka ligje, ka edhe një popull që meriton të respektohet njësoj si popujt e tyre.

Sepse për fat, aspak për fajin e tyre kështu i kemi mësuar ne 27 vjet me radhë me lojërat tona prej kalamajsh në oborrin e katundit tonë politik dhe ata të shkretët kanë menduar gjithnjë që ky është një vend që duhet gjetur një zgjidhje pastaj të shohim.

E mbase kanë ndierë që nuk meritojmë më shumë respekt se sa ndihmën për kapërcimin e radhës të krizës me formula e paketa të çuditshme që e bëjnë Kushtetutën të duket si një tufë letrash dhe ligjet si një pirg leckash.

Kjo marrëveshje vendos besoj një kufi të qartë në rrugën e të ardhmes edhe në këtë drejtim”, theksoi kryeministri.

“E kam thënë që kompromis me Kushtetutën unë nuk bëj, zgjedhjet matanë qershorit, kundër ligjit. PS e angazhuar për të bërë shtet nuk mund ta përqafonte atë ide.

Ndërkombëtarët kanë menduar që duhet të gjejnë një zgjidhje e pastaj të shohim, kjo marrëveshje vendos kufi të qartë. Askush nuk mund të kërkojë një çadër në hellin ku politika ka ndjekur më shumë se një herë një popull.

Të gjitha partitë kanë qëllimet e tyre, aksesh, që kthehen në shurdhues, prandaj kemi vendosin që të mos e prekim Kodin Zgjedhor, me një reformë të re gjithëpërfshirëse e Kushtetuese në shtator, për rëndësinë në reformimin e kulturës sonë, politike.

PS ka treguar se është na duhen 71 mandate për të vazhduar reformat e nisura. Kam më shumë besim se para marrëveshjes se do bëjmë atë që para disa ditësh e quanim të pamundur.

Na duhen të paktën 71 mandate për të vazhduar që ta mbajmë ne timonin e reformave shtetbërëse, me të njëjtën formë që luftuam për vetingun, të luftojmë për ekonominë”, tha Rama.

Seanca e jashtëzakonshme/ Pas marrëveshjes Rama-Basha, ja ç’do ndodhë nesër në kuvend

17:10 Politika

Artan Fuga heq dorë për postin e ministërit teknik të PD-së: Basha dhe lëvizja për republikën e re, korrektë me mua

16:51 Politika

Flasin historianët: Ja si e tkurrën Shqipërinë e Madhe

16:20 Politika

"Oxymoron" ose dashuria e hidhur e marrëveshjes

15:58 Politika

21 janari/ Reagon xhaxhai i Aleks Nikës: Nuk ndjehemi mirë me zgjedhjen e Metës si president, 21 Janarin e zgjidhim vetë

16:07 Politika

Pas librit, "godet" sërisht deputeti "kaubojs", nderon presidentin Donald Trump

15:22 Politika

EMRAT/ Zbulohen kandidatët PS-PD për kryetarin e bashkisë së Kavajës

15:00 Politika

Rama vlerëson bashkinë e djathtë: Shembull i bashkëpunimit PS-PD

14:11 Politika

Rama-Basha/ Hakmarrja, një gjellë që hahet e ftohtë

12:56 Politika

INTERVISTA/ Rrëfehet djali i Servet Pëllumit, ja çfarë i tha Rama babait tim, pse lashë biznesin për të kandiduar si deputet i PS-së

12:58 Politika