Te fundit
Doktori ishte mirë te Eni Vasili, por kjo nuk është mirë për Lulin
25 Maj 2017, 10:31Blog
TEMA
Nga Ervis Iljazaj
Në emisionin “Studio e Hapur” të moderatores Eni Vasili u ndezën edhe njëherë reflektorët mbi ish-kryetarin e Partisë Demokratike, Sali Berisha. Si gjithmonë në këto raste decisive të vendimmarrjeve politike, nuk mund të mungonte paraqitja e tij.
Sali Berisha në atë emision ishte në rolin e një protagonisti të padiskutueshëm, edhe pse mundohej në përgjigjet e tij ta fshehte këtë gjë. Pyetjeve të gazetarëve në studio i përgjigjej me një elokuencë që e karakterizon. I përgjegjshëm dhe i sigurt në të gjitha mendimet e tij, si asnjëherë më parë nuk dukej kaq i moderuar dhe i balancuar në qëndrimet politike që reflektonte, larg karakterit të tij luftarak dhe konfliktual që ka përcjellë në këto vite që ka qenë aktori kryesor i politikë shqiptare.
Me bekimin e plotë që i bëri marrëveshjes politike të forcave kryesore, ai pasqyronte modelin e politikanit të ndërgjegjshëm për fatet e vendit. Si asnjëherë më parë, në momente të caktuara, nuk munguan as komplimentet për kryeministrin Rama.
Me pak fjalë, mund të thuhet se Sali Berisha bëri një paraqitje të shkëlqyer nga ana politike dhe mediatike. Një paraqitje e cila meriton notën 10 nga të gjitha aspektet.
Shumë pak politikanë në vend kanë aftësinë e tij komunikative dhe karizmën politike, të cilat kanë qenë armët kryesore të sukseseve politike që ka patur deri më tani.
Megjithatë, kjo është një arritje personale e tij. Pyetja që ngrihet është se a e ndihmon Partinë Demokratike kjo arritje?!
Sigurisht që jo! Për një arsye shumë të thjeshtë. Partia Demokratike në këtë fushatë nuk mund të bazohet te mendimet e tij, që ndoshta janë të vlefshme, por që i përkasin një politike e cila tanimë duhet të arkivohet në historinë e kësaj force politike.
Tashmë shqiptarët shohin tek ai thjesht një politikan i cili i përket të shkuarës. Nuk mund kurrsesi të lejohet një protagonizëm i tillë qoftë edhe nga ana strategjike e kësaj partie. Duke qenë se zoti Berisha nuk është më kandidat për asnjë post, përveç atij të deputetit, votuesit e shohin si të parëndësishëm. Rëndësi për votuesit kanë vetëm politikanë të cilët do të mund t’i udhëheqin në të ardhmen. Nuk mund të jesh i parëndësishëm për qytetarët dhe të jesh i rëndësishëm dhe protagonist në drejtimin e një partie. Janë dy gjëra që nuk përputhen me njëra-tjetrën. Votat e publikut merren duke iu propozuar të ardhmen dhe jo të shkuarën.
Në këtë kuptim, me gjithë rëndësinë historike që mund të ketë për partinë e tij, qytetarëve shqiptare, Partia Demokratike duhet t’iu propozojë protagonistë të cilët kanë se çfarë t’u premtojnë votuesve. Persona të cilët mund të fitojnë besimin e tyre në këtë garë e cila do të jetë tepër e vështirë për ta.
Vetëm në këtë mënyrë, duke hequr dorë njëherë e mirë nga e shkuara dhe duke parë drejt të ardhmes, Partia Demokratike mund të ketë një shans për të konkurruar denjësisht me forcat e tjera. Ky është një nga rregullat më të thjeshtë dhe më të rëndësishëm të politikës nëse pretendon të kesh sukses.
Andaj, Lulzim Basha nuk duhet të zhgënjejë shqiptarët për sa i përket ekipit të tij dhe listave të kandidatëve për deputet të cilat është duke i menduar në këto ditë. Respekti për historinë e Berishës brenda kësaj partie nuk duhet të ngatërrohet me protagonizmin politik. Nëse Lulzim Basha nuk arrin dot të bëjë këtë dallim qoftë edhe si strategji në të mirë të forcës politike që drejton, atëherë do ta kuptojë fare shpejt se mirënjohja është një virtyt i rëndësishëm njerëzor, por në politikë shpeshherë nuk shpërblehet.(Mapo)
4 komente në “Doktori ishte mirë te Eni Vasili, por kjo nuk është mirë për Lulin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
E degjova Sali Berishen ne kete emision dhe s’mu duke fare se si e pershkruan gazetari me larte. Eshte hera e pare qe e shikoj Sali Berishen ti mirret goja disa here nga pyetjet e Rakipllarit. Me dukej si nje gorrice e kalbur qe megjithate mund te beje uthullen. “Beri nje paraqitje te shkelqyer nga ana politike dhe mediatike”….! Duhet ta shikoje dhe nje here me qetesi shkruesi artikullit videon dhe pastaj, besoj do te nxjerre konklyzion tjeter. Sali Berisha ngelet ai qe ka qene, per mos ta thene se e dine te gjithe. Kur i kane mbyllur porten me çeles, ben njeriu xhentil, ndersa kur e ka çelesin vete ai, te vret e s’te paguan.
Zoti Iljazaj, u mundove të paraqesësh një monstër, si ëngjëll…, por dielli nuk mbulohet me shoshë dhe njerëzit nuk hanë bar…! Më bythëlëpirje (nga ana jote), nuk ka…! Skizofreni i Viçidolit, që shkatërroi Shqipërinë, ishte “i qeshur dhe elokuent” (?!), sepse mori garancinë nga “miqtë” tanë (që në 27 vjet e bënë Shqipërinë “baçe me lule” që kutërbon fekale), për mos prekjen e tij dhe të familjes , për bëmat dhe kusarinë e paskrupull ndaj këtij vëndi…! Dhe Vetingu… do të jetë një përrallë e bukur, si të gjitha përrallat e tjera, që i serviren këtij populli fukara…(por injorant e pa shtyllë kurrizore…) Haxhi Qamilët, vazhdojnë edhe sot, të qeverisin këtë kope-popull…!
Matuf Saliu, gomer ata qe meren me te. Po analizoni nje te mbaruar.
artikullshkruesi ne shum easpekte ka te drejte por me bindje se aftesia politike pervoja e gjate i sherben Partise Demokratike. Ate po e pyesin amerikanet e jo me PD. Vete Berisha eshte ne aset i madh per Shqiperine