Rama si “kuçedra” e sondazheve, një shkrim anonim dhe reagimi i Afrim Krasniqit

Sondazhet e fundit të publikuara në Ora News dhe Report TV, kanë shkaktuar shumë polemika.

Nga PD dhe PS nuk kanë reaguar fare për këto sondazhe, ndërkohë që LSI dhe mediat pranë saj thonë se sondazhet janë paguar nga Rama, për të fshehur faktin se LSI është parti e dytë në vend dhe synon të dalë forcë e parë më 25 qershor.

Një portal në Kosovë madje, ka arritur deri aty, sa ka “zbuluar” një konspiracion të tërë të Ramës.

Bëhet fjalë për portalin Express, që kohët e fundit ka hapur zyrë dhe në Tiranë dhe që thuhet se është shumë afër LSI-së.

Sipas këtij portali, Rama ka bërë një sondazh nëpërmjet Afrimit Krasniqit dhe ua ka dërguar ambasadave të huaja në Tiranë.

Është një shkrim fund e krye fantazi, gjë që e konfirmon edhe i përmenduri në shkrim Afrim Krasniqi, por që ka gjetur vend në shumë faqe online.

Arsyet e këtij shkrimi, nuk do shumë mend të kuptohen!

Shkrimi i Express  

Në dyert e shërbimeve diplomatike në Shqipëri ka mbërritur një sondazh i kryer për zgjedhjet e përgjithshme parlamentare që mbahen më 25 qershor, i realizuar nga Afrim Krasniqi, me porosi të Partisë Socialiste.

Ashtu siç edhe në sondazhet e mëparshme të cilat janë bërë mbi hije të forta dyshimesh për paanshmërinë e tyre, forcë e parë politike në qarkun e Tiranës, del Partia Socialiste, e dytë Partia Demokratike, dhe e tretë Lëvizja Socialiste për Integrim.

Por në këtë situatë të ndezur politike në Shqipëri, ku partitë shkojnë drejt garës elektorale pa koalicione parazgjedhore, mes akuzash dhe kundër-akuzash të forta, shërbimet diplomatike nuk janë treguar indiferente. Një burim i besuar pranë një shërbimi të fuqishëm diplomatik në vendin tonë, tha për Express se ata kanë kryer sondazhe të brendshme, ku nga hulumtimet e tyre, situata paraqitet krejt ndryshe.

Express disponon rezultatet e të dy sondazheve, ato që kanë në tryezë selitë diplomatike me “firmën” e Afrim Krasniqi, dhe rezultateve që ka nxjerrë sondazhi i kryer nga mekanizmat e tyre të brendshme. Sipas këtij të fundit, Partia Socialiste në qarkun e Tiranës qëndron në krye me një diferencë të vogël nga Lëvizja Socialiste për Integrim, (vetëm 2 % të votave)duke nxjerrë kështu të tretën Partinë Demokratike, që çuditërish, në sondazhin e Krasniqit kishte një rritje të befasishme si forcë e dytë.

Disi artificiale kjo, duke marrë parasysh situatën ku ndodhet aktualisht kjo forcë politike. I njëjti burim diplomatik tha pranë Express se sondazhi që nxjerrë të parë partinë e drejtuar nga Kryeministri Edi Rama, është i porositur nga Partia Socialiste dhe vetë drejtuesi i saj.

Por përse bëhet gjithë ky manipulim me rezultatet e sondazheve në më pak se dy javë nga mbajtja e zgjedhjeve në Shqipëri?

Frika më e madhe është se ka një tentativë për të “përligjur” rezultatin e zgjedhjeve që mund të vidhet nga forcat politike, Partia Socialiste dhe ajo Demokratike, tashmë në një marrëveshje politike me njëra-tjetrën prej 18 maj të shtrëngimit të duarve mes kreut të qeverisë Rama, dhe liderit demokrat Basha.

Një shqetësim që e ndajnë edhe shërbimet diplomatike në vendin tonë, të cilat siç ky burim i besuar i tha Express, janë duke ndjekur me vëmendje situatën parazgjedhore në Shqipëri, me dyshimet e forta se pas rezultateve të këtyre sondazheve mund të fshihet diçka më e madhe.

Konkretisht: Duke përhapur në tavolinat e shërbimeve diplomatike dhe në mbarë opinionin publik, PS-në si forcë të parë politike dhe PD-në të dytë, nuk do të kishte asnjë reagim, e madje edhe ndërkombëtarët do ta kishin të lehtë të vinin “vulën” mbi fituesin e zgjedhjeve, që do të konsideroheshin më në fund: Zgjedhje me standarde ndërkombëtare.

Në përpjekje për ta arritur këtë, duket se Rama dhe Basha kanë harruar vigjilencën e shërbimeve diplomatike, që në fakt e shohin këtë si një përligjje që po tentohet t’i bëhet vjedhjes së votës më 25 qershor, pasi nga mekanizmat e tyre rezultojnë të tjera rezultate . Ky falsifikim i sondazheve (në dukje i vogël) se PS dhe PD kanë numrin më të mëdhenj të votuesve, bëhet për të justifikuar një krim elektoral, siç është vjedhja e votës.

Edhe Presidenti i zgjedhur Ilir Meta, i cili pret të mandatohet më 24 korrik, mbi bazën e këtyre dyshimeve dhe shqetësimi serioz për të ardhmen e vendit, tha se nuk do të dekretojë asnjë qeveri nëse cënohet vota e lirë.

Në sondazhin e Afrim Krasniqit, gjithçka flitet për fitore të partive të mëdha…partitë e vogla janë inekzistente. Por në sondazhin e brendshëm të selisë diplomatike që Express e disponon, partitë e vogla kanë pjesën e tyre.

Express investigoi më herët edhe për një gënjeshtër të madhe me sondazhet e televizioneve në Shqipëri, ku doli hapur se pas tij qëndronte Partia Demokratike, që çuditërisht dilte forcë e dytë politike në rang kombëtar.

Rezultati i sondazhit të brendshëm të selisë diplomatike

32 % të votave PS

30 % të votave LSI

25 % të votave PD

5 % të votave PDIU

3 % Libra (e Ben Blushit)

1 % Sfida (e Gjergj Bojaxhi)

1 % FRD (e Bamir Topit)

3 % të tjera…

Reagimi i Afrim Krasniqit

Ne artikull anonim i cituar si burim nga Gazeta Express ne Kosove ka shkruar se une, Afrim Krasniqi, kam zhvilluar disa sondazhe te fshehta dhe ia kam derguar ato perfaqesime diplomatike. Truku i tyre shkon deri atje sa thone se kane edhe kopje te dokumentit.

Zakonisht trillime te tilla nuk duhen marre seriozisht por pashe se ca kolege ne Tirane i kane marre! Une e mesova nga lajmet anonime ne media se une paskam bere sondazhe..! Ne fakt, nuk kam bere dhe as kam ndermend te bej asnje sondazh.

Pres qe koleget ne Tirane ta verifikojne lajmin e marre te gatshem nga Kosova dhe ta pergenjeshtrojne ate meqenese eshte 100% trillim, sic pres qe koleget nga Prishtina ta pergenjeshtrojne sms e nisur nga financuesit politike ne Tirane dhe te tregojne minimunin e etikes profesionale. Kaq.

Bashës apo Metës? Kujt ja jep parashutën e vetme Rama nëse avioni po bie. Një intervistë ndryshe e Ramës në "Fiks Fare"

20:42 Politika

SONDAZHI/ Ja sa mandate marrin në Qarkun e Tiranës dhe Shkodrës, PS, PD dhe LSI

20:34 Politika

SONDAZHI/ Ja sa mandate marrin në Qarkun e Ebasanit dhe Korçës, PS, PD dhe LSI

20:00 Politika

Ilir Meta: Rama shiti Bashkin e Pogradecit dhe Lezhës tek PD, por përgjigjien do t’ia japim më 25 qershor

19:39 Politika

Batuta e Ramës për Nard Ndokën: Nardi si Lionel Messi, të gjithë largohen vetëm ai qendron

19:00 Politika

SONDAZHI/ PS merr 7-9 mandate në Durrës, PD 3-5, LSI 1-3

19:27 Politika

SONDAZHI/ Qarku Fier: PS merr 9-13 deputetë, PD 3-5, LSI 0-2. Në Vlorë PS merr 8-10 mandate, PD 2-4

18:56 Politika

Lufta frontale PS-LSI për monopolin e të majtës dhe shahu politik Rama-Meta

18:48 Politika

Basha nxjerr në fushatë një “këshilltar të Merkelit”, por a është ai i tillë?

19:47 Politika

“Shokët” e Blushit dhe Lul Berisha!

18:28 Politika